ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ

- 35051751 791368774407031 8531132989319413760 n - ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ
- Untitled design - ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ

​ທ້າຍ​ອາທິດຜ່ານມາ ທີ່ຫ້ອງປະຊຸມຫ້ອງວ່າການປົກຄອງແຂວງບໍລິຄຳໄຊ ໄດ້ມີພິທີຖະແຫລງຂ່າວການສະເຫລີມສະຫລອງວັນໂອແລມປິກສາກົນ ຄົບຮອບ 124 ປີຂຶ້ນ ​ໂດຍການເປັນປະທານຂອງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ຮອງປະທານຄະນະກຳມະການໂອແລມປິກແຫ່ງຊາດ, ທ່ານ ບຸນມາ ບຸຈະເລີນ ຮອງເຈົ້າແຂວງບໍລິຄຳໄຊ ພ້ອມດ້ວຍຄະນະ, ພະນັກງານ ແລະ ວິຊາການເຂົ້າຮ່ວມ.

ໂອກາດດັ່ງກ່າວ, ທ່ານ ສົມພູ ພົງສາ ຮອງປະທານ ແລະ ເລຂາທິການ ຄອລ ທັງເປັນຜູ້ຊ່ວຍລັດຖະມົນຕີກະຊວງສຶກສາທິການ ແລະ ກິລາ ກໍໄດ້ກ່າວລາຍງານປະຫວັດຄວາມເປັນມາຂອງວັນໂອແລມປິກສາກົນ ແລະ ໄດ້ລາຍງານການກະກຽມກິດຈະກຳການສະເຫລີມສະຫລອງວັນໂອແລມປິກສາກົນ ຄົບຮອບ 124 ປີ ໂດຍຈະມີກິດຈະກຳແລ່ນ-ຍ່າງເພື່ອສຸຂະພາບ, ກິລາມວນຊົນ ແລະ ກິລາມ່ວນຊື່ນຫລາຍໆຢ່າງ ຮ່ວມກັບປວງຊົນຊາວແຂວງບໍລິຄຳໄຊ ແລະ ການນຳກະຊວງ ສສກ ແລະ ພາຍໃນ ຈຳນວນ 1.200 ກວ່າຄົນ ໃນວັນທີ 23 ມິຖຸນາ 2018 ໂດຍຈະເລີ່ມກິດຈະກຳທີ່ສະໜາມກິລາຄົບວົງຈອນແຂວງບໍລິຄຳໄຊ.

- Wave100S AD to Website 2020 0 - ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ

ຂະນະທີ່ທ່ານ ບຸນມາ ບຸຈະເລີນ ກໍໄດ້ກ່າວດີໃຈ ແລະ ພູມໃຈທີ່ໄດ້ສ້າງຂະບວນການຮ່ວມກັບການນຳກະຊວງ ແລະ ຄະນະກຳມະການໂອແລມປິກແຫ່ງຊາດໃນວັນສຳຄັນຄັ້ງນີ້. ນອກຈາກນັ້ນ ທາງບໍລິສັດເບຍລາວຈໍາກັດ ກໍໄດ້ມີການສະໜັບສະໜູນໃນກິດຈະກຳຄັ້ງນີ້ ຈຳນວນ 70 ລ້ານກີບ ໃຫ້ກຽດມອບໂດຍ ທ່ານຜູ້ຈັດການອຸປະຖຳ ແລະ ໂຄສະນາຂອງບໍລິສັດ ເບຍລາວ ຈຳກັດ ແລະ ທາງບໍລິສັດຜະລິດເຄື່ອງກິລາ ເອັຟບີທີ ປະເທດໄທ ຈຳກັດ ກໍໄດ້ສະໜັບສະໜູນເຄື່ອງກິລາ ຈຳນວນ 1.200 ຜືນ ລວມເປັນມູນຄ່າທັງໝົດ 54 ລ້ານກີບ ຕາງໜ້າມອບໂດຍຜູ້ອຳນວຍການສູນເຄື່ອງກິລາຄົບວົງຈອນສະເຕດ້ຽມ, ຕາງໜ້າກ່າວຮັບໂດຍທ່ານ ສົມພູ ພົງສາ.

- WhatsApp Image 2020 05 27 at 5 - ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ
- WhatsApp Image 2020 05 27 at 5 - ຄອລ ຮ່ວມກັບບໍລິຄຳໄຊ ກຽມສະຫລອງ ວັນໂອແລມປິກສາກົນ ຄົບຮອບ 124 ປີ
error: Alert: ເນື້ອຫາຂ່າວມີລິຂະສິດ !!