ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ

- AGL banner - ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ

ໃນ​ໄລຍະ​ຜ່ານ​ມາ, ການ​ຈັດ​​ເກັບ​ລາຍ​ຮັບ​ເຫັນ​ວ່າ​ມີ​ຊ່ອງຫ​ວ່າງ​ເກີດ​ການ​ຮົ່ວ​​ໄຫລ, ເພື່ອສະກັດກັ້ນບັນຫາດັ່ງກ່າວ, ທ່ານນາຍົກລັດຖະມົນຕີຈຶ່ງໄດ້​ເນັ້ນໃຫ້ເອົາໃຈໃສ່​ປະຕິ​ຮູບບັນດາ​ພະນັກງານໃນຂະແໜງ​ພາສີ-​ອາກອນ, ຖ້າ​ຫາກ​ເຫັນວ່າຜູ້​ໃດ​ກະທຳ​ຜິດ​ຕ້​ອງຖຶກລົງ​ໂທດຕາມລະບຽບກົດໝາຍ ແລະ ​ຜູ້​ໃດ​ເຮັດ​ໄດ້ດີ​ຕ້ອງໄດ້​ຮັບ​ການ​ຍ້ອງຍໍສັນລະເສີນ.

ບັນຫາດັ່ງກ່າວ, ແມ່ນທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຊີ້ແຈງຕໍ່ກອງ​ປະຊຸມສະພາກ່ຽວກັບມາດຕະການເກັບລາຍຮັບ ແລະ ການຄຸ້ມຄອງລາຍຈ່າຍໃນຕໍ່ໜ້າ ວ່າ: ການເກັບລາຍຮັບໃນຕໍ່ໜ້ານີ້, ລັດຖະບານຕັດສິນໃຈຫັນໄປສູ່ຄວາມໂປ່ງໃສ, ຫັນໄປສູ່ລະບຽບກົດໝາຍ, ບໍ່ໃຫ້ຍົກເວັ້ນສິນຄ້າທີ່ບໍ່ເປັນລະບົບລະບຽບອື່ນໆ, ໂດຍສະເພາະການນໍາເຂົ້ານ້ຳມັນເຊື້ອໄຟທີ່ໄດ້ປະກາດບໍ່ໃຫ້ຍົກເວັ້ນພາສີ, ຈຶ່ງເຮັດໃຫ້ຕົວເລກລາຍຮັບຈາກ​ຂະ​ແໜງ​ການພາສີສູງຂຶ້ນຫລາຍກວ່າເກົ່າ, ບວກ​ກັບການຫັນໄປສູ່ຄວາມທັນສະໄໝ ຈຶ່ງ​ຊ່ວຍໃຫ້ການ​ຈັດ​ເກັບ​ລາຍ​ຮັບ​ມີ​ປະສິດ​ທີ​ຜົນ​ດີຂຶ້ນ ແລະ ໃນ​ຕໍ່ໜ້ານີ້, ຈຶ່ງຂໍໃຫ້ທຸກພາກສ່ວນເອົາໃຈໃສ່ປະຕິບັດລະບຽບກົດໝາຍຢ່າງເຂັ້ມງວດ. ສຳລັບ​ພະນັກງານໃນຂະແໜງພາສີ-​ອາກອນ ແມ່ນຕ້ອງໄດ້ປະຕິຮູບຄືນໃໝ່, ເພາະປັດຈຸບັນເຫັນວ່າໃຊ້ຄົນຫລາຍເກີນໄປ ແລະ ຂາດຈັນຍາບັນ, ຈຶ່ງຕ້ອງ​​ໄດ້ມີການ​ຄັດ​ຈ້ອນ ​ແລະ​ເຂັ້ມງວດ, ຖ້າຜູ້ໃດຜິດຈະຕ້ອງ​ໄດ້​ຮັບ​ການລົງໂທດຕາມລະບຽບກົດໝາຍ, ຖ້າຜູ້ໃດ​ເຮັດຖືກກໍຕ້ອງໄດ້ຮັບການຍ້ອງຍໍ ແລະ​ ຂໍໃຫ້ປະຊາຊົນຊ່ວຍເປັນຫູເປັນຕາ ​ສອດແນມເບິ່ງ​ການກະທໍາ​ຜິດ​ຂອງ​ພະນັກງານ-ລັດຖະກອນໃນຂະແໜງການຕ່າງໆ​ຊ່ວຍ​ລັດຖະບານ.

ທາງດ້ານທ່ານ ສົມ​ດີ ດ​ວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໃຫ້ຮູ້ວ່າ: ມາດ​ຕະການ​​ເກັບ​ລາຍ​ຮັບ​ໃຫ້​ມີ​ປະສິດທິ​ຜົນກວ່າ​ເກົ່າ​ນັ້ນ ຈະຕ້ອງ​ເລັ່ງທວງ​​ໃຫ້ບັນດາ​ຫົວ​ໜ່ວຍ​ທຸລະກິດທີ່​ມີ​ໜີ້​ຄ້າງ​ມອບ ຕ້ອງມອບເງິນໃຫ້ລັດໂດຍໄວ, ພ້ອມ​ທັງ​ເພີ່ມ​ທະວີ​ມາດ​ຕະການຕໍ່​ທຸລະ​ກິດ​ຂຸດ​ຄົ້ນ​ບໍ່​ແຮ່, ພະລັງງານ​ໄຟຟ້າ​ນ້ຳຕົກ,​ ໂຄງການ​ສາຍ​ສົ່ງ​ໄຟຟ້າ​ ແລະ ​ບັນ​ດາ​ໂຄງການ​ຕ່າງໆ ​ທີ່​ນຳ​ໃຊ້​ເງິນ​ກູ້​ຢືມ ​ແລະ ​ຊ່ວຍເຫລືອ​ລ້າ​ດ້ານ​ການ​ພັດທະນາ, ​ໂດຍ​ສະ​ເພາະ​ອາກອນ​ມູນ​ຄ່າ​ເພີ່ມ, ອາກອນ​ຄ່າ​ເຊົ່າ, ອາກອນ​ເງິນ​ເດືອນ, ລາຍ​ຮັບ​ຈາກ​ການ​ເສຍ​ຄ່າ​ທາງ, ທັງ​ເລັ່ງສຳ​ຫລວດຖານ​ຂໍ້​ມູນ​ລາຍ​ຮັບ​ຂອງ​ແຕ່ລະ​ທ້ອງ​ຖິ່ນ, ​ລາຍ​ຮັບ​ຈາກ​ການ​ນຳ​ເຂົ້າ​ນ້ຳມັນ​ເຊື້ອ​ໄຟ ​ແລະ ​ອື່ນໆ​ຢ່າງ​ມີ​ປະສິດທິ​ຜົນ​ໂດຍໄວ. ສ່ວນການຄຸ້ມຄອງລາຍຈ່າຍຕ້ອງກວດກາຢ່າງເຂັ້ມງວດ, ຕ້ອງປະຢັດ ແລະ ຮັດກຸມກວ່າເກົ່າ.

- Wave100S AD to Website 2020 0 - ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ
-    AD conten website - ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ
- lattana banner - ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ
- lattana banner 1 - ລັດ​ເອົາ​ຈິງ​ໃນ​ການຈັດ​ເກັບ​ລາຍ​ຮັບພະນັກງານ​ຜູ້​ໃດ​ຜິດ​ຕ້ອງ​ຖືກ​ລົງ​ໂທດ
error: Alert: ເນື້ອຫາຂ່າວມີລິຂະສິດ !!