ກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ

- Untitled design - ກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ

ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງ​ການ​ຕ່າງ​ປະ​ເທດ, ທັງເປັນຫົວໜ້າເຈົ້າໜ້າທີ່ອາວຸໂສເວທີພາກພື້ນອາຊຽນຂອງ ສປປ ລາວ​ ໄດ້​ສືບຕໍ່ນຳພາຄະນະຜູ້ແທນລາວເຂົ້າຮ່ວມກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ (ASEAN Regional Forum Senior Officials’ Meeting) ໃນວັນທີ 7 ມິຖຸນານີ້ທີ່ສິງກະໂປ.

ກອງປະຊຸມຄັ້ງນີ້, ໄດ້ຮັບຊາບຜົນຂອງການຈັດຕັ້ງປະຕິບັດບັນດາກອງປະຊຸມ ແລະ ກິດຈະກໍາເວທີພາກພື້ນອາຊຽນ, ຊຶ່ງຖືກຮັບຮອງເອົາໃນກອງປະຊຸມລັດຖະມົນຕີຕ່າງປະເທດຂອງເວທີພາກພື້ນອາຊຽນຄັ້ງທີ 24 ທີ່ຟີລິບປິນໃນປີ 2017 ແລະ ໄດ້ຮັບຮອງເອົາບັນດາກິດຈະກໍາສໍາລັບສົກປີ 2018-2019 ພາຍໃຕ້ຂອບການຮ່ວມມືຂອງເວທີພາກພື້ນອາຊຽນດ້ານການບັນເທົາທຸກໄພພິບັດ, ການຕ້ານການກໍ່ການຮ້າຍ ແລະ ອາຊະຍາກໍາຂ້າມຊາດ, ຄວາມໝັ້ນຄົງທາງທະເລ, ການບໍ່ແຜ່ຜາຍ ແລະ ການຫລຸດຜ່ອນອາວຸດ ແລະ ເຕັກໂນໂລຊີຂໍ້ມູນຂ່າວສານ (ICT) ຊຶ່ງເປັນກິດຈະກໍາທີ່ແນໃສ່ການສ້າງຄວາມໄວ້ເນື້ອເຊື່ອໃຈຊຶ່ງກັນ ແລະ ກັນລະຫວ່າງຜູ້ເຂົ້າຮ່ວມເວທີພາກພື້ນອາຊຽນ ແລະ ເພື່ອປະກອບສ່ວນໃຫ້ແກ່ຄວາມພະຍາຍາມໃນການສົ່ງເສີມ ແລະ ຮັກສາສັນຕິພາບ, ສະຖຽນລະພາບໃນພາກພື້ນອາຊີ-ປາຊີຟິກ ກໍຄືໃນໂລກ. ພ້ອມນີ້, ກອງປະຊຸມ ກໍໄດ້ເຫັນດີຕໍ່ຂໍ້ສະເໜີຂອງ ສປປ ລາວ ທີ່ຈະເປັນປະທານຮ່ວມກອງປະຊຸມກາງສະໄໝ ເວທີພາກພື້ນອາຊຽນວ່າດ້ວຍການບັນເທົາທຸກໄພພິບັດສຳລັບ 2 ປີຂ້າງໜ້າຄື 2018-2019 ແລະ 2019-2020.

- Wave100S AD to Website 2020 0 - ກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ

ກອງປະຊຸມກໍໄດ້ແລກປ່ຽນຄວາມຄິດເຫັນກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈຮ່ວມກັນ ເປັນຕົ້ນແມ່ນ: ໄພພິບັດທໍາມະຊາດ, ການກໍ່ການຮ້າຍ, ການຄ້າມະນຸດ ແລະ ອາຊະຍາກໍາຂ້າມຊາດອື່ນໆ, ລວມທັງສະພາບການ ແລະ ບັນຫາທີ່ພົ້ນເດັ່ນຕ່າງໆທີ່ເກີດຂື້ນໃນພາກພື້ນ ແລະ ສາກົນ ເຊັ່ນ: ສະພາບການຢູ່ຕາເວັນອອກກາງ, ແຫລມເກົາຫລີ, ທະເລຈີນໃຕ້ ແລະ ອື່ນໆ. ໃນນີ້, ທ່ານຮອງລັດຖະມົນຕີ ທອງຜ່ານ ສະຫວັນເພັດ ກໍໄດ້ຕີລາຄາສູງຕໍ່ສະພາບການຢູ່ແຫຼມເກົາຫລີໃນປັດຈຸບັນ ໂດຍສະເພາະການປັບປຸງການພົວພັນລະຫວ່າງສອງເກົາຫລີ, ການທຳລາຍສະຖານທີ່ ທົດລອງນິວເຄລຍ, ຊຶ່ງເຫັນວ່ານີ້ແມ່ນບາດກ້າວສຳຄັນເພື່ອກ້າວໄປສູ່ການສ້າງແຫຼມເກົາຫລີໃຫ້ເປັນເຂດປອດອາວຸດນິວເຄລຍ ແລະ ເປັນເຂດສັນຕິພາບ.

- WhatsApp Image 2020 05 27 at 5 - ກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ
- WhatsApp Image 2020 05 27 at 5 - ກອງປະຊຸມເຈົ້າໜ້າທີ່ອາວຸໂສເວທີພາກພື້ນອາຊຽນ
error: Alert: ເນື້ອຫາຂ່າວມີລິຂະສິດ !!