ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018

- 1528864313414 960x0 - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018
- AGL banner - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018

ປິ​ແອຣ໌ລຸຍ​ຈິ ຄອລລິ​ນາ ປະທານຄະນະ​ກຳມະການ​ຜູ້​ຕັດສິນ​ຂອງ​ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ຈັດການ​ຖະ​ແຫລ​ງຂ່າວ​ເຖິງ​ຄວາມ​ພ້ອມ​ຂອງ​ຜູ້​ຕັດສິນ​ຟີ​ຟາ​ທີ່​ຈະ​ໃຊ້​ລະບົບ​ວິ​ດີ​ໂອ​ບັນທຶກ​ພາບ​ຊ່ວຍ​ຜູ້​ຕັດສິນ (VAR) ​ໃນ​ລະຫວ່າງ​ການ​ແຂ່ງຂັນ​ບານ​ໂລກ 2018 ທີ່​ປະ​ເທດຣັດ​ເຊຍ ​ເຊິ່ງຈະ​ເລີ່​ມ​ເປີດ​ສະໜາມ​ນັດ​ທຳ​ອິດ​ໃນ​ມື້ນີ້.

ຄະນະ​ກຳມະການ​ຜູ້​ຕັດສິນ​ຟີ​ຟາ​ທີ່​ໄດ້​ຮັບ​ຄັດ​ເລືອກ​ໃຫ້​ເຮັດ​ໜ້າ​ທີ່​ໃນ​ບານ​ໂລກ​ຣັດ​ເຊຍ​ໄດ້​ເຂົ້າຮ່ວມ​ການ​ອົບຮົມ ​ໃນ​ວັນ​ທີ 6 ມິຖຸນາ ກ່ອນ​ເກ​ມນັດ​ທຳ​ອິດ​ຈະ​ເລີ່​ມຂຶ້ນ. ​ເນສ​ເຕີຣ໌ ປິຕາ​ນາ ຜູ້​ຕັດສິນ​ຊາວ​ອາ​ເຈນ​ຕິ​ນາ ຮັບຜິດຊອບ​ເກ​ມ ຣັດ​ເຊຍ ພົບ ຊາ​ອຸ​ດິອາ​ຣະ​ເບຍ ຄູ່​ເປີດ​ສະໜາມ​ທີ່​ລຸຈນີກິ​ ສະ​ເຕດ້ຽມ ​ໃນ​ນະຄອນຫລວງ​ມອສ​ໂກ ​ວັນ​ທີ 14 ມິຖຸນາ​ນີ້ ​ແລະ ຈະ​ເປັນ​ການ​ໃຊ້​ເຕັກ​ໂນ​ໂລ​ຊີ VAR ທີ່​ໃຊ້​ພາບ​ວິ​ດີ​ໂອ​ຊ່ວຍ​ຕັດສິນ​ເປັນ​ເທື່ອ​ທຳ​ອິດ​ໃນ​ບານ​ໂລກ. ປິຕາ​ນາ ​ເຮັດ​ໜ້າ​ທີ່​ຜູ້​ຕັດສິນ​ໃນ​ບານ​ໂລກ​ເປັນ​ເທື່ອ​ທີສອງ​ແລ້ວ ຫລັງ​ຈາກ​ເຄີຍ​ລົງ​ເປົ່າ​ມາ 4 ​ເກ​ມ​ໃນ​ບານ​ໂລກ​ບຣາຊິ​ລ​ເມື່ອ 4 ປີ​ກ່ອນ. ຖະ​ແຫລ​ງການ​ຟີ​ຟາ​ຫວັງ​ວ່າ VAR ຈະ​ຊ່ວຍ​ຫລຸດຜ່ອນ​ຄວາມ​ຂ້ອງ​ໃຈ​ຂອງ​ແຟນບານ​ທີ່​ສົງ​ໄສ​ວ່າ​ຜູ້​ຕັດສິນ​ລຳອຽງ, ​ເບິ່ງ​ບໍ່​ຊັດ​ເຈນ ຫລື ສຸ​ຈະລິດ ພາຍຫລັງ​ຂ່າວ​ຜ່ານ​ມາ​ຜູ້​ຕັດສິນ​ຊາ​ອຸ​ດິອາຣະ​ເບຍ​ຖືກ​ຖອດ​ອອກ​ຈາກຜູ້​ຕັດສິນ​ບານ​ໂລກ ​ເນື່ອງ​ຈາກ​ສະມາຄົມ​ບານ​ເຕະ​ຊາ​ອຸ​ດິອາຣະ​ເບຍ​ສ່ັງ​ຫ້າມ​ລົງ​ຕັດສິນ​ຕະຫລອດ​ການ ​ເພາະ​ພົວພັນ​ຮັບ​ສິນ​ບົນ, ສ່ວນ​ຜູ້​ຊ່ວຍ​ຜູ້​ຕັດສິນ​ຊາວ​ເຄນ​ຢາ​ຕ້ອງ​ອອກ​ຈາກ​ການ​ເຮັດ​ໜ້າ​ທີ່​ໃນ​ບານ​ໂລກ ຫລັງ​ຖືກ​ຈັບ​ໄດ້​ວ່າ​ຮັ​ບ​ເງິນ. ປະທານ​ຜູ້​ຕັດສິນ​ຟີ​ຟາ​ຖະ​ແຫລ​ງຂ່າວ​ຕໍ່​ສື່​ມວນ​ຊົນ​ວ່າ: ບານ​ໂລກ 2018 ​ໃນ​ແຕ່ລະ​ເກ​ມຈະ​ແບ່ງ​ເປັນ​ຜູ້​ຕັດສິນ, ຜູ້​ຊ່ວຍ​ຜູ້​ຕັດສິນ ​ແລະ ຜູ້​ຕັດສິນ VAR.

- Wave100S AD to Website 2020 0 - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018
- lattana banner - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018
- lattana banner 1 - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018
-    AD conten website - ຟີຟາຖະແຫລງຄວາມພ້ອມ ແລະ ໃຊ້ VAR ເທື່ອທຳອິດໃນບານໂລກ 2018
error: Alert: ເນື້ອຫາຂ່າວມີລິຂະສິດ !!