ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ

- 15326525 580829662120818 1666022471979127301 n - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ
- Untitled design - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ

 ໂດຍ: ກ້ອງສ່ອງ ອິດສະຫລະ

ເປັນອັນຈະແຈ້ງແລ້ວວ່າ, ຜ່ານໄລຍະ 3 ເດືອນຕົ້ນປີ 2018 ຜົນສະຫລຸບຕົວເລກ ຕົວຜານັກທ່ອງທ່ຽວທີ່ເຂົ້າ ມາບ້ານເຮົາແມ່ນມີຢູ່ປະມານ 1 ລ້ານກວ່າເທື່ອຄົນ, ເມື່ອ ທຽບໃສ່ເປີເຊັນກໍຈະໄດ້ພຽງ 20,53% ຂອງແຜນການປີ. ນີ້ເຮົາເຫັນວ່າເປັນພຽງຕົວ ເລກ 3 ເດືອນ, ຖ້າຈະຄາດຄະ ເນບວກລົບຄູນຫານໂດຍສະ ເລ່ຍໃນ 6 ເດືອນຕົ້ນປີ ແລະ ໄປຮອດໝົດປີ 2018 ເຮົາ ຄິດວ່າຈະຕົກຢູ່ໃນລະຫວ່າງ ເຫ່ຍກັບແລນ. ເປັນຫຍັງຈຶ່ງ ວ່າແນວນັ້ນ? ເພາະວ່າຖ້າບໍ່ ໄດ້ຕາມຕົວເລກຄາດໝາຍ ທີ່ວາງໄວ້ກໍຈະຕົກຢູ່ໃນລະ ຫວ່າງສາມກໍລະນີຄື: ໄດ້ຕາມ ຄາດໝາຍ, ຫລຸດຫລືວ່າລື່ນ ຄາດໝາຍ.

 

ປີນີ້ເມືອງດາກຈຶງ ຕັ້ງເປົ້າດຶງດູດນັກທ່ອງທ່ຽວໃຫ້ໄດ້ 9.000 ຄົນ

ແຂວງຄຳມ່ວນປຶກສາຫາລືແກ້ໄຂບັນຫາລົດບໍລິການນັກທ່ອງທ່ຽວ

ແນວໃດກໍຕາມ, ໃນ ຄວາມເປັນຈິງແລ້ວໃນເມື່ອ ເຮົາມີແຜນການ, ມີຕົວເລກ ຄາດໝາຍຢ່າງຄັກແນ່ລະ ອຽດລະອໍແລ້ວ, ມັນກໍເປັນ ການດີທີ່ສຸດເພາະຈະເປັນ ບ່ອນອີງ ແລະ ເປັນຕົວວັດໃນ ການຈັດຕັ້ງປະຕິບັດ ເພາະໃນ ເວລາດຳເນີນການໄປນັ້ນ ມັນກໍຍ່ອມຂຶ້ນກັບປັດໄຈ ຫລາຍຢ່າງທັງນອກຕົວ ແລະ ໃນຕົວ.

ໃນເງື່ອນໄຂ ແລະ ສະ ພາບປັດຈຸບັນ, ເວົ້າເຖິງ ແຫລ່ງທ່ອງທ່ຽວຢູ່ປະເທດ ເຮົາແມ່ນມີຢ່າງຫລວງຫລາຍ ພາຍມາກ, ບໍ່ວ່າແຫລ່ງທ່ອງ ທ່ຽວດ້ານປະຫວັດສາດ, ວັດ ທະນະທຳ ແລະ ທຳມະຊາດ. ໃນນີ້ໂຕທີ່ໂດດເດັ່ນກວ່າໝູ່ ແມ່ນແຫລ່ງທ່ອງທ່ຽວທຳ ມະຊາດ, ພູຜາປ່າໄມ້, ຫ້ວຍ ນ້ຳລຳເຊ, ຖ້ຳຮູພູເຂົາບໍ່ອຶດບໍ່ ຢາກ, ແຕ່ອັນສຳຄັນກວ່າ ທຳມະຊາດເຫລົ່ານັ້ນຈະຫັນ ມາຮັບໃຊ້ຄົນມັນກໍຕ້ອງຂຶ້ນ ກັບເຮົາເປັນຜູ້ສ້າງສາ ແລະ ພັດທະນາມັນຂຶ້ນມາ.

- Wave100S AD to Website 2020 0 - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ

ໃນຫລາຍປີຜ່ານມາ, ຜູ້ ຂຽນເຄີຍໄປເລາະທ່ອງທ່ຽວຫລາຍໝ້ອງເຫັນຢູ່ບາງບ່ອນ, ບາງທ້ອງຖິ່ນກໍເຮັດໄດ້ດີ, ມີ ການຈັດຕັ້ງຄັກແນ່, ການບໍ ລິການກໍພໍສົມນ້ຳສົມຕ່ອນ ທັງມີລາຍຮັບເປັນກອບເປັນ ກຳ ແລະ ມີຄວາມຢືນຍົງຕໍ່ໄປ ພາຍໜ້າອີ່ຫລີ, ແຕ່ກົງກັນ ຂ້າມບາງບ່ອນກໍຍັງສິອຶດໆ ຢາກໆ, ຂັດໆຂ້ອງໆ ຖາມຫາ ຫຍັງກໍວ່າບໍ່ມີ, ໂດຍສະເພາະ ບັນຫາຂໍ້ມູນ ຫລື ປະຫວັດຫຍໍ້ ຂອງແຫລ່ງທ່ອງທ່ຽວ, ການ ບໍລິການຂອງຜູ້ປະກອບການຍັງບໍ່ທັນໄດ້ມາດຕະຖານ, ຄ່າ ບັດຄ່າປີ້ເຂົ້າຊົມສະຖານທີ່ ທ່ອງທ່ຽວບາງບ່ອນກໍເໝາະກັບສະພາບເສດຖະກິດບ້ານ ເຮົາໃນປັດຈຸບັນແທ້, ແຕ່ກົງ ກັນຂ້າມບາງບ່ອນແພງເກີນຄິດ ຕົວຢ່າງປີກາຍນີ້ເຮົາ ໄປຖ້ຳແອ່ນຄ່າປີ້ເຂົ້າຊົມ 20.000 ກີບຕໍ່ຄົນ, ເຂົ້າຖ້ຳ ພະ-ໜອງປາຝາພັດພຽງ 5.000 ກີບຕໍ່ຄົນ. ນອກນັ້ນ, ບາງແຫລ່ງທ່ອງທ່ຽວກໍມີ ການຈຳແນກລະຫວ່າງຄົນ ພາຍໃນກັບຄົນຕ່າງປະເທດ ເຊັ່ນ: ຄົນຕ່າງປະເທດເກັບຄ່າ ປີ້ເຂົ້າແພງ, ຄົນພາຍໃນເກັບ ຖືກກາຍເປັນສອງມາດຕະ ຖານ ແລະ ເສຍຄວາມຮູ້ສຶກ ຂອງຄົນພາຍນອກທີ່ເຂົ້າມາທ່ອງທ່ຽວໃນບ້ານເຮົາ.

ນອກຈາກບັນຫາ ທີ່ກ່າວ ມາຂ້າງເທິງນີ້ແລ້ວ, ຄ່າບໍລິ ການຫລາຍຢ່າງກໍຂ້ອນຂ້າງແພງຖ້າທຽບໃສ່ຫລາຍປະ ເທດໃນອາຊຽນດ້ວຍກັນ, ທີ່ ຈິງແລ້ວໃນໂອກາດເປີດປີ ທ່ອງທ່ຽວລາວພວກເຮົາ ຄວນມີອັນໃດໜຶ່ງທີ່ເປີດຕາ ເປີດໃຈເປັນກໍລະນີພິເສດ ເພື່ອ ເປັນການໂຄສະນາດູດດຶງ ເອົານັກທ່ອງທ່ຽວເຂົ້າມາ ລາວໃຫ້ຫລວງຫລາຍ ແລະ ຈັບຈ່າຍຢ່າງບໍ່ອັ້ນ.
ສະພາບການທ່ອງທ່ຽວ ຢູ່ບ້ານເຮົາໃນຜ່ານມາ, ສ່ວນ ໜຶ່ງແມ່ນອາໄສແຕ່ຍາມເທ ສະການ ຫລື ຍາມບຸນເປັນ ຕົ້ນ: ບຸນປີໃໝ່, ບຸນອອກພັນ ສາ, ບຸນທາດຫລວງ, ບຸນວັດ ພູ ແລະ ບຸນອື່ນໆ ທີ່ມີຢູ່ໃນ ທ້ອງຖິ່ນ, ກ່ຽວກັບເສັ້ນທາງ ໄປມາກໍເປັນສ່ວນໜຶ່ງທີ່ສ້າງ ເງື່ອນໄຂໃຫ້ນັກທ່ອງທ່ຽວໄດ້ໄປມາສະດວກສະບາຍ ແລະ ສາມາດໄປເຫັນໄດ້ຫລາຍ ບ່ອນຫລາຍທີ່.

ເຖິງຢ່າງໃດກໍດີ, ແຕ່ນີ້ ເຖິງທ້າຍປີພວກເຮົາກໍຍັງມີ ໂອກາດຫລາຍເດືອນເຕີບ, ໂດຍສະເພາະຕົກເຂົ້າໄລຍະ ລະດູແລ້ງການໄປມາສະດວກ ສະບາຍສົມທົບກັບເຮົາມີວິທີບຸກບືນຕື່ມຄາດໝາຍຕົວເລກ 5 ລ້ານຄົນກັບເງິນເຕັມໄຖ່ ເຕັມຖົງອາດຈະບໍ່ໄກເກີນ ເອື້ອມ ແນ່ນອນ.

 

- 15326525 580829662120818 1666022471979127301 n - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ
(ພາບປະກອບ)
- WhatsApp Image 2020 05 27 at 5 - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ
- WhatsApp Image 2020 05 27 at 5 - ຄາດໝາຍນັກທ່ອງທ່ຽວເຂົ້າມາ 5 ລ້ານຄົນໃນປີນີ້ ເບິ່ງຍັງຢູ່ໄກເກີນເອື້ອມ
error: Alert: ເນື້ອຫາຂ່າວມີລິຂະສິດ !!