ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ

ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - 1528909811 1 184 - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ
ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - AGL banner - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ

ປຽບທຽບຄວາມ​ພ້ອມ​ຂອງ​ທີ​ມ:

ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - russia - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ

ຣັດ​ເຊຍ: ສຕາ​ນິສລາ​ຟ ​ເຊີ​​ເຊ​ຊອຟ ​ໂຄ໊ສທີ​ມຊາດຣັດ​ເຊຍ ​ເຈົ້າພາບ​ບານ​ໂລກ 2018 ພາ​ທີ​ມສະ​ເໝີ ຕຸຣກີ 1-1 ​ໃນ​ເກ​ມອຸ່ນ​ເຄື່ອງ​ຫລ້າ​ສຸດ ​ເຮັດ​ໃຫ້​ບໍ່​ຊະນະ​ມາ 7 ​ເກ​ມ​ແລ້ວ ​ໂດຍ​ໄຊຊະນະ​ຄັ້ງຫລ້າ​ສຸດ​ຂອງ​ພວກ​ເຂົາ​ຕ້ອງ​ຢ້ອນ​ໄປ​ໄກ​​ໃນ​ເດືອນ​ຕຸລາ 2017 ທີ່ຖະຫລົ່ມ ສ ​ເກົາຫລີ 4-2. ສະພາບ​ທີ​ມຫລ້າ​ສຸດ​ສຳລັບ​ນັດ​ເປີດ​ສະໜາມ ​ເຊີ​ເຊ​ຊອຟ ບໍ່​ມີ​ບັນຫາ​ຫຍັງ​ລົບ​ກວນ. ຢູຣິ ​ເຊີ​ຄອຟ ມິດ​ຟິລຄົນ​ເກັ່ງ​ທີ່​ມີ​ອາການ​ບາດ​ເຈັບ​ຕີນ​ລົບ​ກວນ​ເລັກ​ໜ້ອຍ ​ແຂ​ງ​ແຮງ​ສົມບູນ​ພ້ອມ​ເປັນ​ຕົວ​ເລືອກ​ແລ້ວ, ສ່ວນ​ຂອງ​ການຈັດ​ຕຳ​ແໜ່​ງ​ອາດ​ເປັນ​ລະບົບຫລັງ​ຕໍ່າຫລາຍ​ກວ່າ. ຕຳ​ແໜ່​ງປີກ​ຂວາ​ຕ້ອງ​ເລືອກ​ລະຫວ່າງ ມາຣິ​ໂອ ​ແຟຣ໌ນັນ​ເດລ ​ແລະ ອິກໍຣ໌ ສ​ໂມລນິຄອຟ ​ແຕ່ ​ແຟຣ໌ນັນ​ເດລ ອາດ​ຈະ​ໄດ້​ໂອກາດ​ກ່ອນ. ຣັດ​ເຊຍ ຈະ​ລົງ​ສະໜາມ​ໃນ​ລະບົບ 4-1-4-1 ​ໂດຍ​ມີ ອິກໍຣ໌ ອຄິນ​ເຟ​ເຢຟ ກັບຕັນ​ທີ​ມລົງຮັກສາ​ປະຕູ, ​ແນວ​ຮັບ​ປະກອບ​ມີ ມາຣິ​ໂອ ​ແຟຣ໌ນັນ​ເດ​ສ, ວະ​ລາ​ດິ​ເມຍ ກຣານັດ, ​ເຊີ​ເກ ອິກນາ​ເຊ​ວິຊ ​ແລະ ຟີ​ໂອ​ດໍຣ໌ ຄູ​ເດີ​ຢາ​ຊອຟ. ກອງ​ກາງ​ມີ ​ໂຣນັນ ​ໂຊ​ບິນ ຈະ​ຮັບ​ໜ້າ​ທີ່​ຕົວ​ຕັດ​ເກ​ມ ​ໂດຍ​ມີ ອາ​ເລັກ​ຊານ​ເດີ ຊາ​ເມດ​ອຟ, ອາ​ເລັກ​ຊານ​ເດີ ​ໂກ​ໂລ​ວິນ, ດາ​ເລີຣ໌ ຄູ​ຊາ​ເຢຟ ​ແລະ ຢູຣິ ​ເຊີຣ໌ຄອຟ ​ເຮັດ​ໃຫ້​​ເກ​ມລຸກ​ສະໜັບສະໜູນຊ່ວຍ ຟີ​ໂອ​ດໍຣ໌ ສ​ໂມ​ລອຟ ຫົວ​ຫອກ​ຕົວ​ເປົ້າ.

ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - soudi - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ

ຊາ​ອຸ​ດິອາຣະ​ເບຍ: ຮວນ ອັນ​ໂຕນິ​ໂອ ປິ​ຊຊີ ​ໂຄ໊ສຊາວ​ອາ​ເຈນ​ຕິ​ນາ ຂອງ​ທີ​ມຊາດ​ຊາ​ອຸ​ດິອາຣະ​ເບຍ ພາ​ທີ​ມ​ເສຍ​ໃຫ້ ​ເຢຍລະ​ມັນ 1-2 ​ໃນ​ເກ​ມອຸ່ນ​ເຄື່ອງ​ຫລ້າ​ສຸດ ​ເປັນ​ການ​ເສຍ 3 ນັດ​ຕິດ​ຕໍ່​ກັນ. ສະພາບ​ທີ​ມສຳລັບ​ນັດ​ເປີດ​ສະໜາມ​ເກ​ມນີ້ ​ປິ​ຊຊີ ບໍ່​ມີ​ບັນຫາ​ໃດໆ​ລົບ​ກວນ ພ້ອມ​ຈັດ​ທີ​ມຊຸດ​ທີ່​ດີ​ທີ່​ສຸດ​ລົງ​ລຸຍກັບ​ເຈົ້າພາບ ​ໂດຍ​ຕ້ອງ​ຝາກ​ຄວາມ​ຫວັງ​ໃນ​ເກ​ມບຸກ​ໄວ້​ທີ່ ຊາ​ເລັມ ອັລ-ດໍ​ຊາຣີ ​ແລະ ຟາ​ຮັດ ອັລ-ມູວັລລັດ 2 ນັກ​ເຕະ​ຄວາມ​ໄວ​ສູງ ທີ່​ມີ​ປະສົບ​ການ​​ເຕະ​ໃນ ລາ​ລີ​ກາ ສະ​ເປ​ນ ກັບ ບີ​ຢາ​ເຣອັລ ​ແລະ ​ເລ​ບັນ​ເຕ້ ຕາມ​ລຳດັບ. ຊາ​ອຸ​ດິອາຣະ​ເບຍ​ ຈະ​ລົງ​ສະໜາມ​ໃນ​ລະບົບ 4-2-3-1 ​ໂດຍ​ມີ ອັບ​ດຸລລາ ອັລ-ມາ​ຢຸຟ ລົງ​ເຝົ້າ​ເສົາ, ​ແນວ​ຮັບ​ປະກອບ​ມີ ​ໂມ​ຮຳ​ເໝັດ ອັລ-​ເບຣອິກ, ​ໂອ​ມາຣ໌ ຮໍ​ຊາ​ວີ, ​ໂອຊາ​ມາ ຮໍ​ຊາ​ວີ ​ແລະ ຍາ​ສ​ເຊີ ອັລ-ຊາຣານີ, ​ແດ​ນກາງ ຊັລມານ ອັລ-ຟາຣາ ຈະ​ຄຸມ​ເກ​ມຮ່ວມ​ກັບ ອັບ​ດຸລລາ ​ໂອ​ຕາຟ, ສ່ວນ ຊາ​ເລັມ ອັລ-ດໍ​ຊາ​ຣີ, ​ໄທ​ເຊຍ ອັລ-ຈາ​ສຊິ​ມ ​ແລະ ຍາ​ຍ່າ ອັລ-​ເຊຣີ ຈະ​ເຮັດ​ເກ​ມລຸກ​ຂ້າງ​ຫລັງ, ຟາ​ຮັດ ອັລ-ມູວັລລັດ ທີ່​ຮັບ​ບົດ​ຫອກ​ເປົ້າ.

 

ລາຍ​ຊື່​ຜູ້​ຫລິ້ນທີ່​ຄາດ​ວ່າ​ຈະ​ລົງ​ສະໜາມ:

ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - Wave100S AD to Website 2020 0 - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ

ຣັດ​ເຊຍ: ​ໂຄ໊ສ ອາ​ກິນ​ເຟ​ເຍຟ ອິກໍຣ໌, ກາ​ບູລອຟ ວະ​ລາ​ດິ​ເມຍ, ສ​ໂມ​ລອຟ ຟີ​ໂຍດໍຣ໌, ຄຸດ​ເຣຍຊອຟ ​ເຟ​ເດີຣ໌, ອິກນາ​ເຊ​ວິຊ ​ເຊີຣ໌​ເກ​ຍ໌, ​ເຟຣ໌ນານ​ເດຊ ມາຣິ​ໂອ, ຊີຣ໌ຄອຟ ຍູຣິ, ຄູ​​ເຊຍ​ເຍຟ ດາ​ເລີຣ໌, ຊອບ​ນິນ ​ໂຣມັນ, ຊາ​ເມດ​ອຟ ອາ​ເລັກ​ຊານ​ເດີຣ໌, ​ເອ​ໂຣຄິນ ອາ​ເລັກ​ຊານ​ເດີຣ໌.

ຊາ​ອຸ​ດິອາຣະ​ເບຍ: ​ໂຄ໊ສ ອັລ-ມາ​ຍູ​ຟ ອັບ​ດຸລລາ, ຮາວ​ຊາ​ວີ ​ໂອຊາ​ມ່າ, ຮາວ​ຊາ​ວີ ​ໂອ​ມາຣ໌, ອັລ-​ເບຣອິກ ​ໂມ​ຮຳ​ເໝັດ, ອັລ-ຊາຣານີ ຍາ​ສ​ເຊີຣ໌, ອັລ-ຟາຣາຈ ຊັລມານ, ​ອັລ-​ເຊຣີ ຍາ​ຍ່າ, ​ໂອ​ເຕຟ ອັບ​ດຸລລາ, ອັລ-ຍາ​ສຊິ​ມ ​ໄຕ​ເຊຍ, ອັລ-ດາວ​ຊາຣີ ຊາ​ເລັມ, ອັລ-ມູວັລລາດ ຟາ​ຮັດ.

 

ຄວາມ​ໄດ້​ປຽບ​ໃນ​ເກ​ມ: ນັດ​ເປີດ​ສະໜາມບານ​ໂລກ 2018 ​ເປັນ​ການ​ພົບ​ກັນ ລະຫວ່າງ ຣັດ​ເຊຍ ​ເຈົ້າພາບ ​ແລະ ຊາ​ອຸ​ດິອາຣະ​ເບຍ ຕົວ​ແທນ​ຈາກ​​ເອ​ເຊຍ ​ເຖິງ​ວ່າ​ທີ​ມຣັດ​ເຊຍ ຈະ​ມີ​ຜົນງານ​ໃນ​ນັດ​ອຸ່ນ​ເຄື່ອງ​ບໍ່​ຄ່ອຍ​ດີ ​ແຕ່​ພວກ​ເຂົາ​ກໍ​ໄດ້​ປຽບ​ແນ່ນອນ​ໃນ​ຖານະ​ເຈົ້າຂອງ​ບ້ານ ບວກ​ກັບ​ແຮງ​ເຊຍ​ຈາກ​ແຟນໆ. ຂະນະ​ທີ່ ຊາ​ອຸ​ດິອາຣະ​ເບຍ ມາ​ຮອບ​ນີ້​ແບບ​ບໍ່​ມີ​ນັກ​ເຕະ​ລະດັບ​ໂດ່​ງດັງທີ່​ສາມາດ​ຝາກ​ຄວາມ​ຫວັງ​ໄດ້ ຕ້ອງ​ອາ​ໄສ​ການ​ຫລິ້ນ​ເກ​ມຮັບ​​ແລ້ວ​ລໍຖ້າ​ໂຕ້​ກັບ ທຽບ​ປະສິດທິພາບ​ແລ້ວ​ຍັງ​ເປັນ​ຮອງ​ເຈົ້າພາບ ​ເຊື່ອ​ວ່າ​ບໍ່​ອາດ​ຈະ​ມີ​ການ​ພິກ​ລ໋ອກ​ໃນ​ນັດ​ເປີດສະໜາມ​ສຳລັບ​ບານ​ໂລກ​ຄັ້ງນີ້.

ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ -    AD conten website - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ
ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - lattana banner - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ
ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ - lattana banner 1 - ວິເຄາະບານໂລກ: ຣັດເຊຍ ພົບ ຊາອຸດິອາຣະເບຍ
error: Alert: ເນື້ອຫາຂ່າວມີລິຂະສິດ !!