ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ

ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - 44411 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ
ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - Untitled design - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ

  ໂດຍ: ຊາຍພະເນຈອນ  

ຄອບຄົວ ທ່ານ ເມດຕາ ປາພັດສະລາງ ແລະ ນາງ ນາລີ ປາພັດສະລາງ ຢູ່ບ້ານ ຫາຍໂສກ, ເມືອງຈັນທະບູລີ, ນະຄອນຫຼວງວຽງຈັນ ເຊິ່ງ ໄດ້ດໍາເນີນທຸລະກິດຜະລິດໝີ່ ເຫຼືອງສົ່ງຂາຍເປັນອາຊີບ ຫຼັກທີ່ໄດ້ສືບທອດຈາກພໍ່ແມ່ ມາຫຼາຍສິບປີແລ້ວ ແລະ ໄດ້ ມີຊື່ສຽງສັງຄົມມາກວ່າ 50 ປີແລ້ວ.

 

ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - 774 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ

 

ແມ່ຍິງໃນເຂດຊົນນະບົດມີບົດບາດຫລາຍຂຶ້ນ ໃນການວາງແຜນພັດທະນາຄອບຄົວ ແລະ ຊຸມຊົນ

ຍ້ອນອາຊີບຄ້າຂາຍພາໃຫ້ຊີວິດດີຂຶ້ນ

ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - Wave100S AD to Website 2020 0 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ

ນາງ ນາລີ ປາພັດສະ ລາງ ເຈົ້າຂອງກິດຈະການ ຜະລິດໝີ່ເຫຼືອງໃຫ້ຮູ້ວ່າ: ການຜະລິດໝີ່ເຫຼືອງເປັນສິນ ຄ້າ ຂາຍເປັນທຸລະກິດ ແບບ ຄອບຄົວໂດຍໄດ້ສືບທອດມາ ຈາກພໍ່ ແລະ ແມ່ນັບຕັ້ງແຕ່ ປີ 1970 ເປັນຕົ້ນມາ, ເຊິ່ງ ໃນ ເບື້ອງຕົ້ນພໍ່ ແລະ ແມ່ເພິ່ນ ເຮັດແມ່ນໄດ້ນໍາໃຊ້ແຕ່ແຮງ ງານຄົນ, ສ່ວນເຄື່ອງຈັກຜະ ລິດເສັ້ນໝີ່ໃນຄາວນັ້ນແມ່ນ ຍັງບໍ່ທັນມີ. ຍ້ອນຄວາມອົດ ທົນພາກພຽນພະຍາຍາມ ຂອງພວກເພິ່ນພໍຕົກມາ ຮອດໄລຍະໜຶ່ງຈຶ່ງໄດ້ຊື້ ເຄື່ອງຈັກ ຜະລິດເສັ້ນໝີ່ ໜຶ່ງຊຸດແຕ່ບໍ່ທັນສະໄໝ ແລະ ຍັງໄດ້ນຳໃຊ້ແຮງ ງານຄົນເປັນສ່ວນໃຫ່ຍ, ເປັນຕົ້ນແມ່ນການໂມ້ ແປ້ງ, ການລີດແປ້ງ ແລະ ຜົນຜະລິດກໍບໍ່ທັນຕອບ ສະໜອງຕາມຄວາມຮຽກ ຮ້ອງຕ້ອງການຂອງສັງ ຄົມ, ຄຸນນະພາບໃນການ ຜະລິດກໍຍັງບໍ່ທັນ ໄດ້ດີ ເທົ່າ ທີ່ຄວນແຕ່ກໍໄດ້ພະ ຍາຍາມເຮັດທຸກຢ່າງເພື່ອ ເຮັດໃຫ້ຜົນຜະລິດໄດ້ມີຄຸນ ນະພາບດີຂຶ້ນເທ່ືອລະກ້າວ.

ມາຮອດປັດຈຸບັນນີ້ ພວກເຮົາກໍໄດ້ສືບທອດ ຈາກພວກເພິ່ນມາໃນການຜະລິດເສັ້ນໝີ່ ແລະ ເລີ່ມ ຈາກເຄື່ອງຈັກໝ່ວຍດຽວ ມາຮອດດຽວນີ້ສາມາດມີ ເຄື່ອງຈັກຊ່ວຍຈຳນວນ 5 ເຄື່ອງແລ້ວ, ແຮງງານຄົນ ຈາກ6 ຄົນ ໃນເມື່ອກ່ອນ ຍັງເຫຼືອພຽງ 3 ຄົນ, ວັດ ຖຸດິບທີ່ຊື້ມາຜະລິດມີ: ແປ້ງ ສາລີສຳລັບເຮັດໝີ່ເຫຼືອງ ແລະ ໂສດາ ກິນຊະນິດ ເປັນຜົງ ຊື້ຈາກປະເທດ ເພື່ອນບ້ານ, ສ່ວນໄຂ່ ແລະ ເກືອ ແມ່ນຊື້ພາຍ ໃນປະ ເທດ. ການລົງທຶນແມ່ນປະ ມານ 10 ລ້ານກີບເດືອນ.

ສ່ວນລາຍຮັບຄິດສະເລ່ຍ ໄດ້ກຳ ໄລປະມານ 6-7 ລ້ານ ກີບ/ເດືອນແຕ່ລະມື້ຈະມີ ລູກຄ້າມາຊື້ຢູ່ ກັບທີ່ບໍ່ຫຼຸດ 50 ກິໂລ/ມື້.
ສ່ວນລູກຄ້າປະຈຳກໍມີ ບັນດາໂຮງແຮມຕ່າງໆ, ພັດ ຕະຄານຮ້ານອາຫານໃນຕົວ ເມືອງນອກຈາກສົ່ງຂາຍຢູ່ ພາຍໃນນະຄອນຫຼວງແລ້ວ, ຍັງໄດ້ສົ່ງໄປຂາຍຢູ່ຕ່າງ ແຂວງນຳອີກ, ເປັນຕົ້ນ: ຫຼວງ ພະບາງ, ແຂວງຄຳມ່ວນ ເຊິ່ງ ລາຄາ ເສັ້ນໝີ່ພວກເຮົາຂາຍ ຢູ່ໜ້າຮ້ານ ແລະ ຂາຍສົ່ງ ກິໂລລະ 20.000 ກີບ, ເສັ້ນ ໝີ່ທີ່ຜະລິດມີທັງເສັ້ນນ້ອຍ, ເສັ້ນກາງ, ເສັ້ນໃຫ່ຍ, ແຜ່ນ ກ້ຽວ, ເສັ້ນຂົ້ວ, ໝີ່ກອບ.
ທ່ານ ເມດຕາ ປາພັດ ສະລາງສາມີເຈົ້າຂອງກິດ ຈະການຜະລິດໝີ່ເຫຼືອງໄດ້ ບອກໃຫ້ຮູ້ວ່າ: ນັບແຕ່ໄດ້ສືບ ຕໍ່ໃນການດຳເນີນກິດຈະການດັ່ງກ່າວມາກໍເປັນເວລາເກືອບ 50 ປີແລ້ວ ເຫັນວ່າຂາປະຈໍາ ແລະ ລູກຄ້າທັງໜ້າເກົ່າ ແລະ ໃໝ່ກໍຍັງມີຄວາມນິຍົມຊົມ ຊອບ ແລະ ໃຫ້ຄວາມສໍາຄັນ ກັບລົດຊາດຂອງເສັ້ນໝີ່ ໂດຍຕະຫຼອດມາເຮັດໃຫ້ຕົນເອງ ພ້ອມຄອບຄົວມີຄວາມ ພູມໃຈເປັນພິເສດ ກໍຍ້ອນວ່າ ທາງໂຮງງານຂອງພວກ ເຮົາໄດ້ມີການພັດທະນາ ທາງດ້ານການປຸງແຕ່ງໃຫ້ ລົດຊາດໂດດເດັ່ນກວ່າເກົ່າ ຮັບປະກັນຄວາມສະອາດ ແລະ ປາສະຈາກສານພິດ ທຸກຢ່າງ. ຈາກບັນຫາທີ່ ກ່າວມານັ້ນ ຈຶ່ງເຮັດໃຫ້ການ ດໍາເນີນທຸລະກິດຜະລິດເສັ້ນໝີ່ຂອງພວກເຮົາຍືນຍົງຄົງຕົວຢູ່ໄດ້ ຮອດປັດຈຸບັນ ແລະ ເຮັດໃຫ້ຄອບຄົວໄດ້ມີຢູ່ມີກິນ, ເສີມຂະຫຍາຍເສດຖະກິດ ຄອບຄົວດີຂຶ້ນ ແລະ ນໍາພາ ຄອບຄົວຫຼຸດພົ້ນຈາກຄວາມທຸກຍາກ. ປັດຈຸບັນນີ້, ກຳ ລັງຂະຫຍາຍກິດຈະການ ຂຶ້ນຕື່ມ, ເພື່ອຮອງຮັບ ແລະ ບໍລິການລູກຄ້າໃຫ້ພຽງ ພໍເຊິ່ງກຳລັງປຸກສ້າງເຮັດ ໂຮງງານບ່ອນໃໝ່ຢູ່ບ້ານ ໂນນສະຫວ່າງ, ເມືອງໄຊ ເຊດຖາ, ນະຄອນຫຼວງ ວຽງຈັນໃກ້ຈະສໍາເລັດ ແລ້ວໃນໄວໆນີ້.

ຍ້ອນມີຄວາມອົດທົນ ພາກພຽນ, ຄວາມເອົາໃຈ ໃສ່ ແລະ ຄວາມສາມັກຄີ ພາຍໃນຂອງຄອບຄົວໃນ ການເຮັດທຸລະກິດທີ່ໄດ້ສືບທອດມາຈາກພໍ່ ແລະ ແມ່ ພ້ອມພາກັນເຮັດດ້ວຍການ ປະຢັດໃນການໃຊ້ຈ່າຍ ແລະ ຊື່ສັດບໍລິສຸດກັບລູກ ຄ້າທຸກຄົນ ຈິ່ງເຮັດໃຫ້ທຸ ລະກິດດໍາເນີນໄປດ້ວຍດີ ແລະ ນໍາພາຄອບຄົວຫຼຸດ ພົ້ນຈາກຄວາມທຸກຍາກ ເທື່ອລະກ້າວ./.

ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - 44411 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ

ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - WhatsApp Image 2020 05 27 at 5 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ
ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ - WhatsApp Image 2020 05 27 at 5 - ເສັ້ນໝີ່ເຫລືອງສ້າງຊື່ສຽງມາເກືອບ 50 ປີແລ້ວ
error: Alert: ເນື້ອຫາຂ່າວມີລິຂະສິດ !!