ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ

ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ - AAyCH4a - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ
ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ - AGL banner - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ກ່າວ​ໃນ​ວັນ​ທີ 13 ມິຖຸນາ​ວ່າ: ທ່ານ​ບໍ່​ເຊື່ອ​ວ່າ​ຟີ​ລິບ​ປິນຈະ​ເປັນ​ປະ​ເທດ​ທີ່​ສາມາດ​ຜະລິດ​ເຂົ້າ​ໄດ້​ເອງ​ຢ່າງ​ພຽງພໍ​ຕໍ່​ຄວາມ​ຕ້ອງການ​ພາຍ​ໃນ​ປະ​ເທດ. ໝາຍ​ຄວາມ​ວ່າ ລັດຖະບານ​ມະນິລາ​ຍັງ​ຕ້ອງ​ນຳ​ເຂົ້າ​ເຂົ້າຈາກ​ປະ​ເທດ​ເພື່ອນ​ບ້ານ​ຕໍ່​ໄປ ​ໂດຍ​ທ່ານ ດູ​ເຕີ​ເຕ ​ໃຫ້​ເຫດຜົນ​ກ່ຽວ​ກັບ​ການ​ຫລຸດ​ລົງ​ຂອງ​ເນື້ອທີ່​ກະສິກຳ​ໃນ​ຟີ​ລິບ​ປິນ. ຂະນະ​ທີ່​ຈຳນວນ​ປະຊາກອນ​ໃນ​ປະ​ເທດ​ເພີ່ມ​ຂຶ້ນຢ່າງ​ຕໍ່​ເນື່ອງ ສົ່ງ​ຜົນ​ໃຫ້​ຜົນ​ຜະລິດ​ເຂົ້າ ​ເຊິ່ງປູກ​ເອງ​ບໍ່​ພຽງພໍ​ຕໍ່​ຄວາມ​ຕ້ອງການ​ຂອງ​ປະຊາຊົນ.

ທັງ​ນີ້, ຜູ້ນຳ​ຟີ​ລິບ​ປິນມີ​ຄຳ​ສັ່ງ​ໃນ​ເດືອນ​ເມສາ​ຜ່ານ​ມາ ມອບ​​ໃຫ້​ສຳນັກງານ​ອາຫານ​ແຫ່ງ​ຊາດ (NFA) ຂະຫຍາຍ​ໂກ​ຕ້າ​​ເຂົ້າ​ໃຫ້​ພຽງພໍ​ສຳລັບ​ການ​ບໍລິ​ໂພ​ກພາຍ​ໃນ​ປະ​ເທດ​ເປັນ​ເວລາ 60 ວັນ ຫລື ປະມານ 1,92 ລ້ານ​ໂຕນ ​ແລະ ທ່ານ​ຕ້ອງການ​ໃຫ້​ປະລິມານ​ເຂົ້າ​ໃນ​ສາງ​ພຽງພໍ​ສະ​ເໝີ. ປັດຈຸບັນ ຟີ​ລິບ​ປິນມີ​ປະຊາກອນ​ປະມານ 106 ລ້ານ​ຄົນ ​ແລະ ລັດຖະບານ​ມະນິລາ​ເປັນ​ລູກ​ຄ້າ​ລາຍ​ໃຫຍ່​ໃນ​ການ​ຊື້​ເຂົ້າຈາກ​ປະ​ເທດ​ເພື່ອນ​ບ້ານ​ຮ່ວມ​ພາກພື້ນອາຊີ​ຕາ​ເວັນ​ອອກສຽງ​ໃຕ້ ຄື​ໄທ ​ແລະ ຫວຽດນາມ ​ເຊິ່ງ​ແຂ່ງຂັນ​ກັນ​ຢ່າງ​ໜັກ​ມາ​ຕະຫລອດ​ໃນ​ການ​ເປັນ​ຜູ້​ຂາຍ​ເຂົ້າ “ລາຄາ​ດີ​ທີ່​ສຸດ” ​ໃຫ້​ຟີ​ລິບ​ປິນ.

​ເຖິງ​ຢ່າງ​ໃດ​ກໍ​ຕາມ, ລາຄາ​ຂາຍຍ່ອຍ​ເຂົ້າສານ​ໃນ​ຟີ​ລິບ​ປິນ​ເພີ່ມ​ສູງ​ຂຶ້ນ​ເລື້ອຍໆ​ມາ​ແຕ່​ຕົ້ນປີ​ນີ້ ​ເນື່ອງ​ຈາກ​ລັດຖະບານ​ມະນິລາ​ຢຸດ​ມາດ​ຕະການ​ອຸດ​ໜູນ​ລາຄາ​ສິນຄ້າ​ປະ​ເພດ​ດັ່ງກ່າວ. ຂະນະ​ທີ່​ອັດຕາ​ເງິນ​ເຟີ້​ຂອງ​ປະ​ເທດ​ໃນ​ເດືອນ​ພຶດສະພາ​ຜ່ານ​ມາ ຢູ່​ລະດັບ​ສູງ​ສຸດ​ຢ່າງ​ໜ້ອຍ​ໃນ​ຮອບ 5 ປີ.

ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ - Wave100S AD to Website 2020 0 - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ
ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ - lattana banner - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ
ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ - lattana banner 1 - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ
ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ -    AD conten website - ຟີລິບປິນຍອມຮັບຜະລິດເຂົ້າໄດ້ເອງບໍ່ພຽງພໍ
error: Alert: ເນື້ອຫາຂ່າວມີລິຂະສິດ !!