ຊາວກະສິກອນເມືອງອາດສະພັງທອງຂຸ້ນຂ້ຽວປັກດຳນາປີ
ຕາມການລາຍງານ ຂອງ ທ່ານ ພອນເພັດ ໄຊປັນ ຍາ ຫົວໜ້າ ຫ້ອງການກະສິ ກຳ ແລະ ປ່າໄມ້ ເມືອງອາດ ສະພັງທອງ ແຂວງ ສະຫວັນ ນະເຂດໃຫ້ຮູ້ວ່າ: ປັດຈຸບັນ ຊາວກະສິກອນທົ່ວເມືອງກຳ ລັງຂຸ້ນຂ້ຽວປັກດຳນາປີຢ່າງ ເປັນຂະບວນຟົດຟື້ນ.
+ ກະສິກອນບໍລິຄຳໄຊພວມຂຸ້ນຂ້ຽວ ປັກດຳນາປີໃຫ້ສຳເລັດທັນລະດູການ
+ ທົ່ວປະເທດເກັບກ່ຽວເຂົ້ານາປີສໍາເລັດແລ້ວ 100%
ໃນນີ້ສາມາດໄຖ່ຮຸດໄດ້ແລ້ວ 95% ຂອງເນື້ອທີ່ທັງ ໝົດ 13.206 ເຮັກຕາ, ລົງ ມືຕົກກ້າໄດ້ 85% ແລະ ມີ ບາງເຂດຂອງເມືອງສາມາດ ປັກດຳແລ້ວ ຈຳນວນໜຶ່ງ ແລະ ຫາກສະພາບດິນຟ້າ ອາກາດເອື້ອອຳນວຍຄາດ ວ່າ ການປັກ ດຳເຂົ້ານາປີຢູ່ ເມືອງພວກເຮົາຈະສຳເລັດ ໃນທ້າຍເດືອນກໍລະກົດນີ້.
ນອກນີ້ຊາວກະສິກອນ ໃນທົ່ວ ເມືອງໄດ້ກະກຽມ ປູກພືດສຳຮອງລະດູຝົນ ຕື່ມອີກໃນເນື້ອທີ່ 500 ກວ່າ ເຮັກຕາ ແລະ ນິຍົມປູກ ຫລາຍແມ່ນ: ໝາກແຕງ, ເຜືອກ, ມັນ ແລະ ພືດຜັກ ຕ່າງໆ ເພື່ອແນໃສ່ຮັບປະ ກັນໃຫ້ແຕ່ລະຄອບຄົວໃຫ້ ມີຢູ່ມີກິນຂຶ້ນໄປ ເລື້ອຍໆ ພ້ອມກັນກ້າວໄປສູ່ຄວາມ ຮັ່ງມີຕາມແນວທາງນະໂຍ ບາຍຂອງພັກວາງອອກໃຫ້ ປະກົດເປັນຈິງ./.