​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ

​ໂຕ​ແທນ crowne plaza vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ - 1 chef - ​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ
​ໂຕ​ແທນ crowne plaza vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ - Untitled design - ​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ

ອາຫານສະເຕກໝູ ແລະ ຊຸບນໍ້າໃສ, ເຊິ່ງປຸງແຕ່ງ ໂດຍທ້າວ ສະຖາພອນ ແລະ ທ້າວ ເລີດຕະນາ ພອນຊິດ ພໍ່ຄົວຈາກໂຮງແຮມຄລາວພາຊາ (CROWNE PLAZA VIENTIANE) ສາມາດຄວ້າລາງວັນຊະນະເລີດໃນການແຂ່ງຂັນປຸງແຕ່ງອາຫານລະດັບປະເທດ ໃນງານວາງສະແດງ Lao Top 3 Expo 2018 ໃນບໍລິການດ້ານການໂຮງແຮມ, ອາຫານ ແລະ ເຄື່ອງດື່ມ (Lao Food+Hotel ‘18) ທີ່ຈັດຂຶ້ນແຕ່ວັນທີ 7-9 ມິຖຸນາຜ່ານມານີ້ຢູ່ສູນປະ ຊຸມແຫ່ງຊາດນະຄອນຫຼວງວຽງຈັນ, ຂະນະທີ່ນາງ ອອນອານົງ ລັດຕະນະພອນ (ແມັກກີ້) ແລະ ນາງ ທິບ ພາວັນ (ຕິ້ໆ) ພະນັກງານຝ່າຍບໍລິການເຄື່ອງດື່ມ ຂອງໂຮງແຮມຄລາວພລາຊາ ກໍຄວ້າໄດ້ອັນດັບ 2 ແລະ 3 ຕາມລໍາດັບໃນການແຂ່ງຂັນດັ່ງກ່າວອີກດ້ວຍ.

ທ່ານ ກຽດ ວໍລະຈັກ ຮອງຜູ້ຈັດການພະແນກອາຫານ ແລະ ເຄື່ອງດື່ມໂຮງແຮມຄລາວພລາຊາ ໄດ້ໃຫ້ ສໍາພາດໜັງສືພິມລາວພັດ ທະນາ, ພາຍຫລັງທີ່ພະນັກງານຕົວແທນຂອງໂຮງແຮມຕົນສາມາດຄວ້າໄດ້ຫລາຍລາງວັນໃນການແຂ່ງຂັນເທື່ອນີ້ວ່າ: ງານວາງສະແດງທີ່ຍິ່ງໃຫຍ່ນີ້, ຈັດຂຶ້ນເປັນຄັ້ງທໍາອິດຢູ່ປະເທດເຮົາ, ຊຶ່ງມີຜູ້ປະກອບການໂຮງແຮມເຂົ້າຮ່ວມຈໍານວນຫລາຍ ແລະ ສໍາລັບການ ແຂ່ງຂັນປຸງແຕ່ງອາຫານ ແລະ ຊົງກາເຟ ກໍແມ່ນໜຶ່ງກິດຈະກໍາສໍາຄັນທີ່ສ້າງສີສັນໃນງານດັ່ງກ່າວ, ເຊິ່ງໄດ້ມີພໍ່ຄົວ ແລະ ນັກປຸງກາເຟທີ່ສີມືດີຈາກຫລາຍໂຮງແຮມທີ່ມີຊື່ສຽງດັງໃນນະຄອນຫລວງວຽງຈັນເຂົ້າຮ່ວມຈໍານວນຫລາຍ. ສໍາລັບໂຮງແຮມພວກເຮົາກໍໄດ້ຄັດເລືອກເອົາພະນັກງານທີ່ມີສີມືດີ ແລະ ມີປະສົບການສູງ ເພື່ອເປັນຕົວແທນເຂົ້າຮ່ວມແຂ່ງຂັນຄັ້ງນີ້, ໂດຍສົ່ງທ້າວ ສະຖາພອນ ແລະ ທ້າວ ເລີດ ຕະນາ ພອນຊິດ ເຂົ້າແຂ່ງຂັນປຸ່ງແຕ່ງອາຫານ ແລະ ໄດ້ສົ່ງນາງ ແມັກກີ້ ແລະ ນາງ ຕິ້ໆ ເຂົ້າແຂ່ງຂັນການຊົງກາເຟ.

ທ່ານ ກຽດ ກ່າວວ່າ: ໃນການແຂ່ງຂັນປຸງແຕ່ງອາຫານມີຜູ້ເຂົ້າຮ່ວມແຂ່ງຂັນ 6 ທີມ, ໂດຍຄະນະກໍາ ມະການໄດ້ຈັດສັນວັດຖຸດີບຕ່າງໆ ແລະ ກໍານົດເວລາ 90 ນາທີໃນການປຸງແຕ່ງ ເປັນອາຫານໃຫ້ກໍາມະການຊິມເພື່ອຕັດສີນ, ໂດຍຜູ້ແຂ່ງຂັນຈາກໂຮງແຮມພວກເຮົາ ໄດ້ປຸງແຕ່ງອາຫານອອກມາສອງລາຍການຄື: ສະ ເຕກໝູ ແລະ ຊຸບນໍ້າໃສ, ຊຶ່ງ ຜ່ານການທົດລອງຊີມຂອງຄະນະກໍາມະການກໍປາກົດວ່າຍົກໃຫ້ສະເຕກໝູ ແລະ ຊຸບນໍ້າໃສ ຈາກພໍ່ຄົວໂຮງແຮມຄລາວພາຊາ ຊະນະເລີດ, ສ່ວນການແຂ່ງຂັນຊົງກາເຟແມ່ນຄະນະກໍາມະການໄດ້ໃຫ້ຜູ້ແຂ່ງຂັນຊົງກາເຟໃນລົດຊາດຕ່າງໆໃຫ້ໄດ້ 8 ຈອກໃນເວລາ 12 ນາທີ ແລະ ຕົວແທນຂອງໂຮງແຮມພວກເຮົາກໍຄວ້າໄດ້ອັນດັບທີ 2 ແລະ 3 ຄອງ, ໂດຍ ຜູ້ຊະນະຈາກການແຂ່ງຂັນຄັ້ງນີ້ແມ່ນໄດ້ຮັບຫລຽນລາງວັນ ແລະ ໃບຢັ້ງຢືນຈາກຄະນະກໍາມະການຈັດການແຂ່ງຂັນ ກໍຄືສະມາຄົມໂຮງແຮມ ແລະ ຮ້ານອາຫານແຫ່ງຊາດ.

​ໂຕ​ແທນ crowne plaza vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ - Wave100S AD to Website 2020 0 - ​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ

ທ່ານ ກຽດ ກ່າວວ່າ: ລາງວັນດັ່ງກ່າວ, ມັນແມ່ນຄວາມພາກພູມໃຈລວມຂອງຜູ້ບໍລິຫານ ແລະ ພະນັກງານໂຮງແຮມທຸກຄົນ, ທັງເປັນສິ່ງທີ່ຢັ້ງຢືນໃຫ້ເຫັນວ່າຄລາວພາຊາ ແມ່ນໂຮງແຮມ ທີ່ມີມາດຕະຖານ ແລະ ການບໍລິການລະດັບສາກົນສໍາລັບລູກຄ້າທຸກຄົນ.

​ໂຕ​ແທນ crowne plaza vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ - WhatsApp Image 2020 05 27 at 5 - ​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ
​ໂຕ​ແທນ crowne plaza vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ - WhatsApp Image 2020 05 27 at 5 - ​ໂຕ​ແທນ Crowne Plaza Vientiane ຄວ້າ 3 ລາງວັນ ​ແຂ່ງຂັນ​ປຸງ​ແຕ່ງອາຫານ ​ແລະ ຊົງ​ກາ​ເຟ
error: Alert: ເນື້ອຫາຂ່າວມີລິຂະສິດ !!