ສປປ ລາວ ໃຫ້ສັດຕະຍາບັນສົນທິສັນຍາຕ້ານການຄ້າມະນຸດອາຊຽນ

- Untitled design - ສປປ ລາວ ໃຫ້ສັດຕະຍາບັນສົນທິສັນຍາຕ້ານການຄ້າມະນຸດອາຊຽນ

ໃນວັນທີ 21 ເມສາ 2017, ຄະນະປະຈຳສະພາແຫ່ງຊາດ ໄດ້ພິຈາລະນາ ແລະ ຕົກລົງໃຫ້ສັດຕະຍາບັນສົນທິ ສັນຍາອາຊຽນ ວ່າດ້ວຍການຕ້ານການຄ້າມະນຸດ ໂດຍສະເພາະແມ່ຍິງ ແລະ ເດັກນ້ອຍ (SAEAN Convention Against Trafficking in Persons, Especially Women and Children).  ສົນທິສັນຍາສະບັບນີ້ໄດ້ຮັບການ ລົງນາມໂດຍຜູ້ນຳອາຊຽນໃນໂອກາດກອງປະຊຸມສຸດຍອດອາຊຽນ ຄັ້ງທີ 27 ເດືອນພະຈິກ 2015 ທີ່ກົວລາລຳ ເປີ ປະເທດມາເລເຊຍ. ປັດຈຸບັນມີ 7 ປະເທດສະມາຊິກອາຊຽນ ໄດ້ໃຫ້ສັດຕະຍາບັນສົນທິສັນຍາສະບັບນີ້ ລວມທັງ ສປປ ລາວ.

ສົນທິສັນຍາມີຈຸດປະສົງເພື່ອເພີ່ມທະວີການຮ່ວມມືລະຫວ່າງປະເທດອາຊຽນໃນການຕ້ານ ແລະ ສະກັດກັ້ນ ການຄ້າມະນຸດ ໂດຍສະເພາະແມ່ຍິງ ແລະ ເດັກນ້ອຍໃຫ້ມີປະສິດທິຜົນ, ຮັບປະກັນການລົງໂທດຕໍ່ຜູ້ກະທຳຜິດ ຖານການຄ້າມະນຸດ, ປົກປ້ອງ ແລະ ຊ່ວຍເຫລືອຜູ້ຖືກເຄາະຮ້າຍ ໂດຍຄຳນຶງເຖິງສິດທິມະນຸດຂອງພວກເຂົາເຈົ້າ, ສົ່ງເສີມການຮ່ວມມືລະຫວ່າງປະເທດສະມາຊິກອາຊຽນໃນການຊ່ວຍເຫລືອກັນທາງດ້ານຍຸຕິທຳ, ການສົ່ງຜູ້ຮ້າຍ ຂ້າມແດນ, ການດຳເນີນຄະດີຕໍ່ການຄ້າມະນຸດ ໂດຍຜ່ານການຈັດຕັ້ງປະຕິບັດພັນທະພາຍໃຕ້ສົນທິສັນຍາ ແລະ ແຜນປະຕິບັດງານອາຊຽນ ວ່າດ້ວຍການຕ້ານການຄ້າມະນຸດ ໂດຍສະເພາະແມ່ຍິງ ແລະ ເດັກນ້ອຍ (ASEAN Plan of Action against Trafficking in Persons, Especially Women and Children ຫລື APA).

ສປປ ລາວ ໄດ້ເຄື່ອນໄຫວຢ່າງຕັ້ງໜ້າໃນວຽກງານການຕ້ານ ແລະ ສະກັດກັ້ນການຄ້າມະນຸດ ເປັນຕົ້ນການ ສ້າງຕັ້ງຄະນະກຳມະການຕ້ານການຄ້າມະນຸດລະດັບຊາດ ເຊິ່ງມີກອງເລຂາຢູ່ກະຊວງປ້ອງກັນຄວາມສະຫງົບ, ມີ ສັນຍາຮ່ວມມືໃນລະດັບສອງຝ່າຍກັບ ສສ ຫວຽດນາມ, ສປ ຈີນ ແລະ ໄທ, ມີການຮ່ວມມືໃນລະດັບອະນຸພາກພື້ນ ລຸ່ມແມ່ນ້ຳຂອງ, ຮ່ວມມືໃນລະດັບອາຊຽນ, ພາກພື້ນ ແລະ ສາກົນ. ສປປ ລາວ ມີນິຕິກຳພາຍໃນໃນການຈັດຕັ້ງ ປະຕິບັດສົນທິສັນ ຍາດັ່ງກ່າວ ເປັນຕົ້ນກົດໝາຍວ່າດ້ວຍການຕ້ານການຄ້າມະນຸດ, ກົດໝາຍອາຍາ, ກົດໝາຍ ວ່າດ້ວຍການດຳເນີນຄະດີອາຍາ, ກົດໝາຍວ່າດ້ວຍການພັດທະນາ ແລະ ປົກປ້ອງແມ່ຍິງ, ກົດໝາຍວ່າດ້ວຍ ການປົກປ້ອງສິດ ແລະ ຜົນປະ ໂຫຍດຂອງເດັກ, ກົດໝາຍວ່າດ້ວຍການຕ້ານ ແລະ ສະກັດກັ້ນຄວາມຮຸນແຮງຕໍ່ ແມ່ຍິງ ແລະ ເດັກ, ກົດໝາຍວ່າດ້ວຍ ການຕ້ານການສໍ້ລາດບັງຫລວງ, ກົດໝາຍວ່າດ້ວຍການຕ້ານການຟອກ ເງິນ, ການສະໜອງເງິນທຶນໃຫ້ແກ່ການກໍ່ການຮ້າຍ. ລັດຖະບານລາວໄດ້ຮັບຮອງເອົາແຜນງານແຫ່ງຊາດວ່າດ້ວຍ ການສະກັດກັ້ນ ແລະ ຕ້ານການຄ້າມະນຸດ ແຕ່ປີ 2017-2020 ໃນກາງເດືອນເມສາຜ່ານມາ.

- Wave100S AD to Website 2020 0 - ສປປ ລາວ ໃຫ້ສັດຕະຍາບັນສົນທິສັນຍາຕ້ານການຄ້າມະນຸດອາຊຽນ
- WhatsApp Image 2020 05 27 at 5 - ສປປ ລາວ ໃຫ້ສັດຕະຍາບັນສົນທິສັນຍາຕ້ານການຄ້າມະນຸດອາຊຽນ
- WhatsApp Image 2020 05 27 at 5 - ສປປ ລາວ ໃຫ້ສັດຕະຍາບັນສົນທິສັນຍາຕ້ານການຄ້າມະນຸດອາຊຽນ
error: Alert: ເນື້ອຫາຂ່າວມີລິຂະສິດ !!