ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ

ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ - 1529036046176 960x0 - ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ
ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ - Untitled design - ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ

ທ່ານ ຊິນ​ອິຈິ​ໂຣ ​ທາ​ສຶຄາ​ດະ ​ເຈົ້າຂອງ​ບໍລິສັດ​ຜະລິດ​ປລາສະຕິກ ​ໃນ​ນະຄອນຫລວງ​ໂຕກ​ຽວ ບອກ​ວ່າ: ກິດຈະການ​ນ້ອຍໆ​ຂອງ​ລາວ​ຈະ​ບໍ່​ສາມາດ​ຢູ່​ລອດ​ໄດ້ ຖ້າ​ຂາດ​ເຂີນ​ແຮງ​ງານ​ຈີນ ​ແລະ ຫວຽດນາມ 22 ຄົນ ​ເຊິ່ງຄິດ​ເປັນ​ເຄິ່ງໜຶ່ງ​ຂອງ​ທັງ​ໝົດ. ຂະນະ​ທີ່ ລັດຖະບານ​ກຽມ​ພິຈາລະນາ​ຫລຸດຜ່ອນ​ກົດ​ລະບຽບ​ໃຫ້​ແຮງ​ງານ​ຕ່າງປະ​ເທດ.

ນາຍ​ຈ້າງ​ຊາວ​ຍີ່ປຸ່ນ ກ່າວ​ວ່າ: ​ແຮງ​ງານ​ຕ່າງປະ​ເທດ​ມີຄ່າ​ຫລາຍ ທ່າມກາງ​ປະຊາກ​ອນອາຍຸ​ສູງ​ເພີ່ມ​ຂຶ້ນ ​ແລະ ຄົນ​ໄວ​ເຮັດ​ວຽກ​ຫລຸດ​ລົງ ​ເຮັດ​ໃຫ້​ບໍ່​ສາມາດ​ຜະລິດ​ແຮງ​ງານ​ໄດ້​ພຽງພໍ ຈຶ່ງ​ຕ້ອງ​ໃຫ້​ຜູ້​ອົບ​ພະຍົບ​ເຂົ້າປະ​ເທດ. ​ໂຮງ​ແຮມ, ​ກະສິກຳ ​ແລະ ສະຖານ​ທີ່​ກໍ່ສ້າງ​ທົ່ວ​ຍີ່ປຸ່ນ​ຕ່າງ​ກໍ​ປະສົບ​ບັນຫາ​ແຮງ​ງານ ​ເຊິ່ງມີ​ຈຳນວນ​ຫລຸດ​ລົງ ທັງ​ທີ່​ປະລິມານ​ຄວາມ​ຕ້ອງການ​ແຮງ​ງານ​ຫລາຍ​ຂຶ້ນ​ໃນ​ໄລຍະ​ກຽມ​ການ​ເປັນ​ເຈົ້າພາບ​ຈັດການ​ແຂ່ງຂັນ​ໂອ​ແລມປິກ​ໂຕ​ກຽວ 2020. ​ເຖິງ​ຢ່າງ​ໃດ​ກໍ​ຕາມ, ລັດຖະບານ​ຍີ່ປຸ່ນ​ຕ້ອງ​ດຳ​ເນີນ​ການ​ເລື່ອງ​ນີ້​ຢ່າງ​ລະມັດລະວັງ ​ເພາະ​ກໍລະນີ​ຜູ້​ອົບ​ພະຍົບ​ເປັນ​ບັນຫາ​ລະອຽດ​ອ່ອນ​ໃນ​ຍີ່ປຸ່ນ, ຫລາຍ​ຄົນ​ກັງວົນ​ວ່າການ​ປ່ອຍ​ໃຫ້​ແຮງ​ງານ​ຕ່າງປະ​ເທດ​ເຂົ້າມາ ຈະ​ສົ່ງ​ຜົນ​ຕໍ່​ຄວາມ​ສະຫງົບ​ໃນ​ສັງຄົມ, ຍາດ​ວຽກ​ເຮັດ ​ແລະ ທຳລາຍ​ປະ​ເພນີ​ວັດທະນະທຳ​ເກົ່າ​ແກ່​ຂອງ​ຍີ່ປຸ່ນ. ​ເຖິງ​ຢ່າງ​ໃດ​ກໍ​ຕາມ, ​ແຮງ​ກົດ​ດັນ​ຈາກ​ສະພາບ​ເສດຖະກິດ ​ແລະ ບັນຫາ​ປະຊາກອນ​ຍີ່ປຸ່ນ ​ເຮັດ​ໃຫ້​ລັດຖະບານ​ຕ້ອງ​ປະກາດ​ແຜນ ​ເຊິ່ງອາດ​ອອກ​ກົດ​ໃຫ້​ໃບ​ອະນຸຍາດ​ເຮັດ​ວຽກ​ໃໝ່​ໄລຍະ 5 ປີ​ສຳລັບຊາວ​ຕ່າງປະ​ເທດ​ໃນ​ຂະ​ແໜງ​ກະສິກຳ, ກໍ່ສ້າງ, ​ໂຮງ​ແຮມ, ສະຖານ​ເບິ່ງ​ແຍງ​ຜູ້​ອາຍຸ​ສູງ ​ແລະ ທຸລະ​ກິດ​ເຮືອ. ນອກຈາກ​ນີ້ ຍີ່ປຸ່ນ​ຍັງ​ພິຈາລະນາ​ໃຫ້​ແຮງ​ງານ​ຕ່າງປະ​ເທດ​ທີ່​ຜ່ານ​ການ​ທົດ​ສອບ​ແລ້ວ​ສາມາດ​ຢູ່​ອາ​ໄສ​ໄດ້​ຖາວອນ ​ແລະ ພາ​ຄອບຄົວ​ມາ​ໄດ້, ຖ້າ​ຄະນະ​ລັດຖະບານ​ຍີ່ປຸ່ນ​ອະນຸມັດ​ລະບຽບ​ໃໝ່​ດັ່ງກ່າວ​ແລ້ວ, ລັດຖະບານ​ຄາດ​ວ່າ​ສະພາ​ຈະ​ບັງຄັບ​ໃຊ້​ເປັນ​ກົດໝາຍ​ໄດ້​ພາຍ​ໃນ​ລະດູ​ໃບ​ໄມ້​ຫລົ່ນ​ນີ້.

ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ - Wave100S AD to Website 2020 0 - ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ
ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ - WhatsApp Image 2020 05 27 at 5 - ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ
ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ - WhatsApp Image 2020 05 27 at 5 - ຍີ່ປຸ່ນອາດຫລຸດກົດຜູ້ອົບພະຍົບ ເພາະຂາດເຂີນແຮງງານ
error: Alert: ເນື້ອຫາຂ່າວມີລິຂະສິດ !!