ທ່ານ ທຣຳ ໄຟຂຽວຂຶ້ນພາສີສິນຄ້າຈີນ

ທ່ານ ທຣຳ ໄຟຂຽວຂຶ້ນພາສີສິນຄ້າຈີນ - 0 - ທ່ານ ທຣຳ ໄຟຂຽວຂຶ້ນພາສີສິນຄ້າຈີນ
ທ່ານ ທຣຳ ໄຟຂຽວຂຶ້ນພາສີສິນຄ້າຈີນ - Untitled design - ທ່ານ ທຣຳ ໄຟຂຽວຂຶ້ນພາສີສິນຄ້າຈີນ

ຜູ້ນຳ​ອາ​ເມ​ລິ​ກາ​ເຫັນ​ພ້ອມ​ກັບ​ແຜນການ​ຂຶ້ນພາສີ​ສິນຄ້ານຳ​ເຂົ້າຈາກ​ຈີນ​ມູນ​ຄ່າ​ຫລາຍ​ພັນ​ລ້ານ​ໂດ​ລາ​ສະຫະລັດ, ຂະນະ​ທີ່ IMF ​ເຕືອນ​ການ​ໃຊ້​ມາດ​ຕະການ​ກີ​ດກັນທາງ​ການ​ຄ້າ​ຂອງ​ທ່ານ ທຣຳ ຈະ​ບໍ່​ສົ່ງ​ຜົນ​ດີ​ຕໍ່​ເສດຖະກິດ​ອາ​ເມ​ລິ​ກາ.

ປະທານາທິບໍດີ ​ໂດນັນ ທຣຳ ຂອງ​ອາ​ເມ​ລິ​ກາ ອະນຸມັດ​ແຜນການ​ຂຶ້ນພາສີ​ສິນຄ້າ​ນຳ​ເຂົ້າຈາກ​ຈີນ​ມູນ​ຄ່າ​ຫລາຍ​ພັນ​ລ້ານ​ໂດ​ລາ​ສະຫະລັດ ​ເພື່ອ​ຕອບ​ໂຕ້​ທີ່​ຈີນ​ເຮັດ​ການ​ຄ້າ​ແບບ​ບໍ່​ເປັນ​ທຳ ຈົນ​ອາ​ເມ​ລິ​ກາ​ຕ້ອງ​ຂາດ​ດຸນ​ການ​ຄ້າ​ຈີນ​ເປັນ​ຈຳນວນ​ຫລາຍ, ຄາດ​ກັນ​ວ່າ​ແຜນການ​ຂຶ້ນພາສີ​ສິນຄ້າ​ນຳ​ເຂົ້າຈາກ​ຈີນ​ອາດ​ມີ​ມູນ​ຄ່າ​ສູງ​ເຖິງ 40.000 ລ້ານ​ໂດ​ລາ​ສະຫະລັດ.

​ເຖິງ​ຢ່າງ​ໃດ​ກໍດີ, ທາງ​ການ​ອາ​ເມ​ລິ​ກາ​ຈະ​ມີ​ການ​ພິຈາລະນາ​ຫາລື​ກັນ​ອີກ ກ່ອນ​ຈະ​ມີ​ການ​ປະກາດ​ຂຶ້ນພາສີ​ສິນຄ້າ​ນຳ​ເຂົ້າຈາກ​ຈີນ​ຢ່າງ​ເປັນ​ທາງ​ການ ​ເຊິ່ງຫລາຍ​ຝ່າຍ​ເບິ່ງ​ວ່າ​ອາດ​ເປັນ​ສາ​ເຫດ​ໃຫ້​ເກີດ​ສົງຄາມ​ການ​ຄ້າ​ລະຫວ່າງ ອາ​ເມ​ລິ​ກາ ​ແລະ ຈີນ ສອງ​ເສດຖະກິດ​ຍັກ​ໃຫຍ່​ຂອງ​ໂລກ. ນອກຈາກ​ນີ້ ຍັງ​ອາດ​ບໍ່​ສົ່ງ​ຜົນ​ດີ​ຕໍ່​ການ​ເຈລະຈາ​ປົດ​ອາວຸດ​ນິວ​ເຄຼຍ ລະຫວ່າງ ອາ​ເມ​ລິ​ກາ ​ແລະ ສປປ ​ເກົາຫລີ ນຳ​ອີກ. ຂະນະ​ດຽວ​ກັນ, ທ່ານ​ນາງ ຄຣິສຕິນ ລາ​ກາດ ອຳນວຍ​ການ​ກອງ​ທຶນ​ການ​ເງິນ​ສາກົນ ຫລື IMF ​ເຕືອນ​ວ່າ: ການ​ໃຊ້​ມາດ​ຕະການ​ກີດ​ກັນ​ທາງ​ການ​ຄ້າ​ຂອງ​ປະທານາທິບໍດີ ​ທຣຳ ຈະ​ສົ່ງ​ຜົນ​ກະທົບ​ຕໍ່​ລະບົບ​ການ​ຄ້າ​ໂລກ ​ແລະ ຈະ​ເຮັດ​ໃຫ້​ປະ​ເທດ​ຕ່າງໆ​ຕອບ​ໂຕ້​ອາ​ເມ​ລິ​ກາ​ທັນທີ ​ແລະ ຈະ​ສ້າງ​ຄວາມ​ເສຍ​ຫາຍ​ຕໍ່​ເສດຖະກິດ​ຂອງ​ອາ​ເມ​ລິ​ກາ​ໃນ​ທີ່​ສຸດ.

ທ່ານ ທຣຳ ໄຟຂຽວຂຶ້ນພາສີສິນຄ້າຈີນ - Wave100S AD to Website 2020 0 - ທ່ານ ທຣຳ ໄຟຂຽວຂຶ້ນພາສີສິນຄ້າຈີນ
ທ່ານ ທຣຳ ໄຟຂຽວຂຶ້ນພາສີສິນຄ້າຈີນ - WhatsApp Image 2020 05 27 at 5 - ທ່ານ ທຣຳ ໄຟຂຽວຂຶ້ນພາສີສິນຄ້າຈີນ
ທ່ານ ທຣຳ ໄຟຂຽວຂຶ້ນພາສີສິນຄ້າຈີນ - WhatsApp Image 2020 05 27 at 5 - ທ່ານ ທຣຳ ໄຟຂຽວຂຶ້ນພາສີສິນຄ້າຈີນ
error: Alert: ເນື້ອຫາຂ່າວມີລິຂະສິດ !!