ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ

ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ - Untitled design - ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ

ຄວາມ​ຕັ້ງ​ໃຈ​ຂອງ​ລັດຖະ​ບານຄື​ພະຍາຍາມ​ສ້າງສາ​ພັດທະນາ​ປະ​ເທດ​ໃຫ້​ບັນລຸ​ຕາມ​​ແຜນ​ພັດທະນາ​​ເສດຖະກິດ-​ສັງຄົມ​ວາງໄວ້, ໂດຍສະເພາະ​ນໍາພາ​ປະ​ເທດໃຫ້ຫລຸດ​ພົ້ນອອກຈາກ​ຄວາມ​ດ້ອຍ​ພັດທະນາໃນປີ 2020 ​ແລະ ບັນລຸເປົ້າ​ໝາຍ​ແຫ່ງ​ການ​ພັດທະນາຮອດປີ 2025 ລວມທັງ​ແຜນ​ຍຸດ​ທະ​ສາດ​ຂອງ​ການ​ພັດທະນາ​ຮອດປີ 2030, ແຕ່ຜ່ານ​ມາ, ​ຍ້ອນ​ບັນຫາ​ສະພາບ​ແວດ​ລ້ອ​ມທັງພາຍ​ໃນ ​ແລະ ​ພາຍ​ນອກ​, ທັງ​ນອກ​ຕົວ ​ແລະ ​ໃນ​ຕົວ ​ໄດ້ກະທົບ​ຕໍ່​ການ​ບໍລິຫານຈັດການຂອງ​ລັດຫລາຍດ້ານ, ຈຶ່ງ​ເຮັດໃຫ້ການຈັດ​ຕັ້ງ​ປະຕິບັດແຜນພັດທະນາເສດຖະກິດ-ສັງຄົມຫລາຍດ້ານ​ຍັງ​ບໍ່​ທັນ​ບັນລຸໄດ້​ຕາມ​ແຜນ.

ທ່ານ ທອງ​ລຸນ​ ສີ​ສຸ​ລິດ ນາຍົກລັດ​ຖະມົນຕີ ໄດ້​ລາຍ​ງານ​ຕໍ່​ກອງ​ປະຊຸມ​ສະພາທີ່ພວມດໍາເນີນໃນປັດຈຸບັນນີ້​ວ່າ: ລັດຖະບານ​ຈະ​ສື​ບຕໍ່​ແກ້​ໄຂ​ບັນຫາ​ອຸດ​ຕັນ​ຕໍ່​ການ​ພັດທະນາປະເທດ. ​ໜຶ່ງ​ໃນ​ນັ້ນ​ແມ່ນສືບ​ຕໍ່​ປັບ​ປຸງ​ພາລະ​ບົດບາດ​ຂອງ​ບັນດາ​ກະຊວງ​ ​ແລະ ​ອົງການໃຫ້​ຈະ​ແຈ້ງ​ແທດ​​ເໝາະຕົວ​ຈິງ, ​ເລັ່ງ​ໃສ່​ບົດບາດ​ການຄຸ້ມ​ຄອງ​ມະຫາ​ພາກໃນ​ດ້ານ​ນະ​ໂຍບາຍ, ນິຕິ​ກຳ, ການ​ກວດກາ, ກວດ​ສອບ ​ແລະ​ການ​ກໍ່ສ້າງ​ພະນັກງານ, ​ແບ່ງ​ຄວາມ​ຮັບຜິດຊອບ​ ແລ​ະ ສິດ​ຕົກລົງ​ການ​ບໍລິ ຫານ​ລັດຕາມ​ກົດໝາຍ​ໃຫ້​ທ້ອງ​ຖິ່ນ ເພື່ອ​ເສີມ​ຂະຫຍາຍ​ຄວາມ​ເປັນ​ເຈົ້າ​ການ​ໃຫ້​ທ້ອງ​ຖິ່ນ​ຫລາຍ​ຂື້ນ, ສືບ​ຕໍ່​ສ້າງ​ການ​ຫັນ​ປ່ຽນ​ແບບ​ບຸກທະລຸ​ດ້ານ​ລະບອບ, ກົນ​ໄກ​ ທີ່​ຍັງ​ກົດ​ໜ່ວງ​​ອຸດ​ຕັນ, ບູລະນະ​ລະບົບ​ກົນ​ໄກ​ຕ່າງໆເພື່ອ​ອຳ​ນວຍ​ຄວາມ​ສະດວກ​ໃຫ້​ປະຊາຊົນ​ໄດ້​ເຂົ້າ​ເຖິງ​ການ​ບໍລິການ​ທີ່​ວ່ອງ​ໄວ, ມີ​ຄຸນ​ນະພາ​ບ, ມີ​ຄວາມ​ສະ​ເໝີ​ພາບ, ສືບ​ຕໍ່​ປັບປຸງ​ໂຄງ​ປະກອບ​ການຈັດ​ຕັ້ງ ​ແລະ ​ບຸກຄະລາ​ກອນແຕ່ລະ​ຂະ​ແໜງ​ການ​ໃຫ້​ເປັນ​ລະບົບ​ໜັກ​ແໜ້ນ​ເຂັ້ມ​ແຂງ ​ເພື່ອ​ສາມາດ​ເຮັດ​ໜ້າ​ທີ່​ຢ່າງ​ມີ​ປະສິດ​ທິພາ​ບ ​ແລະ ​ປະສິດທິ​ຜົນ​ສູງ, ອຳ​ນວຍ​ຄວາມ​ສະດວກ​​ໃຫ້​ແກ່​ການ​ພັດທະນາ​ເສດຖະກິດ-​ສັງຄົມ​ ແລະ ​ເຊື່ອມ​ໂຍງ​ສາກົນເປັນຢ່າງດີ, ເອົາ​ໃຈ​ໃສ່​ວຽກ​ກວດ​ກາ​ ໂດຍ​ປະສານ​ສົມທົບ​ໜັກ​ແໜ້ນກັບ​ອົງການ​ກວດ​ສອບ​ແຫ່ງ​ລັດ, ​ສືບ​ຕໍ່​ກວດກາ ​​ແລະ ​ກວດສອບ​ການ​ປະຕິບັດ​ພາລະ​ບົດບາດ, ການ​ປະຕິບັດ​ວິ​ໄນ​ແຜນການ​-ການ​ເງິນ, ການ​ຫັນ​ຊັບ​ເປັນ​ທຶນ ​ແລະ ກາ​ນ​ເຄື່ອນ​ໄຫວ​ເສດຖະກິດ-​ສັງຄົມ ​ແລະ ​ອື່ນໆ ທີ່​ບໍ່​ຖືກຕ້ອງສອດຄ່ອງ​ກັບລະບຽບ​ກົດໝາຍ​ ແລະ​ຄວາມ​ບໍ່​ໂປ່​ງ​ໃສ​ໃນ​ການ​ປະຕິບັດ​ໜ້າ​ທີ່ ​ແລະ ​ສິດ​ຂອງ​ບັນດາ​ອົງການ​ຈັດ​ຕັ້ງ​ຂັ້ນ​ສູນ​ກາງ ​ແລະ ​ອົງການ​ປົກຄອງ​ທ້ອງ​ຖິ່ນ ​ເພຶ່ອສະກັດ​ກັ້ນ ​ແລະ ​ຕ້ານ​ການ​ສໍ້ ​ລາ​ດບັງຫລວງ​ທຸກຮູບ​ແບບ, ພະຍາດ​ອາດຍາ​ສິດ ແລະ ຕ້ານ​ປະກົດ​ການ​ຫຍໍ້​ທໍ້ຕ່າງໆ​ໃຫ້​​ເປັນ​ຮູບ​ປະ​ທຳ. ​ພ້ອມທັງເພີ່ມ​ທະວີ​ການ​ຕິດຕາມ​, ຊຸກຍູ້, ​ກວດກາ​ແລະ​ ປະ​ເມີນ​ການ​ປະຕິບັດ​ກົດໝາຍ​ ແລະ ​ນິຕິ​ກຳ​ລຸ່ມ​ກົດໝາຍ ​ແນ່​ໃສ​ເຮັດ​ໃຫ້ການ​ປະຕິບັດ​ກົດໝາຍ​ມີ​ຄວາມ​ສັກສິດ ​ແລະ ​ເຂັ້ມ​ງວດຕາມ​ທິດ​ສ້າງ​ລັດ​ຄຸ້ມ​ຄອງ​ດ້ວຍ​ກົດໝາຍ.

ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ - Wave100S AD to Website 2020 0 - ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ
ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ - WhatsApp Image 2020 05 27 at 5 - ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ
ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ - WhatsApp Image 2020 05 27 at 5 - ລັດ​ຍອມຮັບການ​ບໍລິຫານ​ຕ້ອງ​ໄດ້​ປັບປຸງຫລາຍ​ດ້ານ
error: Alert: ເນື້ອຫາຂ່າວມີລິຂະສິດ !!