ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ

ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ - Lao kip bank - ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ
ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ - Untitled design - ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ

    ກອງປະຊຸມຄະນະກໍາມະການຄຸ້ມຄອງຫຼັກຊັບ (ຄຄຊ) ຄັ້ງທີ I ປະຈໍາປີ 2018 ​ໄດ້​ຈັດ​ຂຶ້ນທີ່ທະນາຄານ​ແຫ່ງ ສປປ ລາວ ນະຄ​ອນຫຼວງ ວຽງ​ຈັນໃນ​ວັນ​ທີ 15 ມິຖຸນານີ້ ​ເຊິ່ງ​ ພາຍ​ໃຕ້​ການ​ເປັນ​ປະທານ​ຂອງທ່ານ ສົມດີ ດວງດີ ຮອງ​ນາຍົກລັດຖະມົນຕີ, ລັດຖະມົນຕີກະຊວງ ການ​ເງິນ, ປະທານ ຄຄຊ, ພ້ອມດ້ວຍ​ສະມາ​ຊິກ ​ແລະ​ພາກສ່ວນ​ກ່ຽວ​ຂອງ​ ເຂົ້າ​ຮ່ວມ.

ທ່ານ ນາງ ສາຍສະໝອນ ຈັນທະຈັັກ ຫົວໜ້າສໍານັກງານ ຄຄຊ ​ໄດ້ລາຍງານການຈັດຕັ້ງປະຕິບັດມະ ຕິກອງປະຊຸມ ຄຄຊ ຄັ້ງທີ III ປີ 2017, ລາຍງານຄວາມຄືບໜ້າ ກ່ຽວກັບການກະກຽມຂໍອອກຈຳໜ່າຍຮຸ້ນໃຫ້ແກ່ມວນຊົນ; ຄວາມຄືບໜ້າໃນການກະກຽມອອກຈຳໜ່າຍຮຸ້ນ ແລະຈົດທະບຽນຂອງ 1 ບໍລິສັດ; ການຫຼຸດຊັດສ່ວນຮຸ້ນ ທີ່ລັດຖະບານຖືຄອງໃນທະນາຄານການຄ້າຕ່າງປະເທດລາວ ມະຫາຊົນ (BCEL); ການປັບປຸງຕົວຊີ້ວັດການປົກປ້ອງຜູ້ລົງທຶນລາຍຍ່ອຍ; ລາຍງານຄວາມຄືບໜ້າ ກ່ຽວກັບການລົງເກັບກຳຂໍ້ມູນຂອງບໍລິສັດເປົ້າໝາຍຈົດທະບຽນໃນຕະຫຼາດຫຼັກຊັບລາວ ​ແລະ ຄວາມຄືບໜ້າໃນການກະກຽມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບລາວ, ນອກ​ນີ້​ ຍັງພິຈາລະນາຮັບຮອງ ແລະ ລາຍງານຄວາມຄືບໜ້າ ​ແລະ ​ການ​ຮັບຮອງ ຮ່າງຂໍ້ຕົກລົງວ່າດ້ວຍການກຳ ນົດລະຫັດຫຼັກຊັບຢູ່ ສປປ ລາວ; ຮ່າງຂໍ້ຕົກລົງວ່າດ້ວຍຕົວແທນຜູ້ຖືຮຸ້ນກູ້ ​ແລະ ​ກໍ່​ຄືລາຍງານຄວາມຄືບໜ້າຮ່າງລັດຖະບັນຍັດວ່າດ້ວຍຄ່າທໍານຽມ.

ໃນໄລຍະປີ 2017 ຜ່ານມາ ​ແມ່ນໄດ້ເອົາໃຈໃສ່ຈັດຕັ້ງປະຕິບັດວຽກງານຄຸ້ມຄອງ ແລະ ພັດທະນາຫຼັກຊັບຢ່າງຕັ້ງໜ້າ ເຮັດໃຫ້ມີຜົນສໍາເລັດທີ່ພົ້ນເດັ່ນຫຼາຍດ້ານ ບໍ່ວ່າຈະເປັນການສ້າງ ແລະ ປັບປຸງນິຕິກໍາລຸ່ມກົດໝາຍ, ການຄຸ້ມຄອງໃນຕະຫຼາດຂັ້ນໜື່ງ ແລະ ຂັ້ນສອງ, ການຂະຫຍາຍປະເພດການໃຫ້ບໍລິການຂອງບັນດາສະຖາບັນສື່ກາງດ້ານຫຼັກຊັບ (ບໍລິສັດປະເມີນຊັບສິນ), ກໍ່ຄືການສ້າງຄວາມເຂັ້ມແຂງຂອງອົງການຄຸ້ມຄອງ ດ້ວຍການເລີ່ມບໍລິຫານງົບປະມານດ້ວຍຕົນເອງ.

ໃນໂອກາດທ່ານ ສົມດີ ດວງດີ ຮອງ​ນາຍົກລັດຖະມົນຕີ,  ​ໄດ້​ເນັ້ນ​ວ່າ:  ໃນໄລຍະຕໍ່ໜ້າ, ພວກເຮົາຍັງຈະຕ້ອງໄດ້ສືບຕໍ່ບຸກທະລຸອີກຫຼາຍດ້ານ ເພື່ອພັດທະນາຕະຫຼາດທຶນໃຫ້ເຂັ້ມແຂງຂຶ້ນກວ່າເກົ່າ  ​ແນ​​ໃສ່​ເພື່ອສ້າງ​ຕະຫຼາດ​ທຶນ​ລາວ ​ໂດຍ​ສະ​ເພາະ​​ຕະຫຼາດ​ຫຼັກ​ຊັບ​ລາວໃຫ້​ມີ​ຄວາມ​ກ້າວໜ້າ ທັນ​ສະ​ໄໝ ສາມາດ​ດຶງ​ດູດ​ການ​ລົງທຶນ​ໃຫ້​ຫຼາຍ ​ເພາະຕະຫຼາດ​ຫຼັກ​ຊັບ​ລາວ​ເປັນ​ແຫຼ່ງທຶນ​ອັນ​ສໍາຄັນ​ທີ່ປະກອບສ່ວນ​​ເຂົ້າ​ໃນ​ການ​ພັດທະນາ​​ເສດຖະກິດ- ສັງຄົມ ​ແລະ​ປະ​ເທດ​ຊາດ​ ​ໃຫ້ຈະ​ເລີ​ນຂຶ້ນ​ຢ່າງ​ບໍ່​ຢຸດ​ຢັ້ງ.

 

ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ - Wave100S AD to Website 2020 0 - ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ

# ຂ່າວ-​ພາບ: ຣັດສະໝີ ດວງ​ສັດຈະ

 

ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ - WhatsApp Image 2020 05 27 at 5 - ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ
ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ - WhatsApp Image 2020 05 27 at 5 - ລາວກຽມຄວາມພ້ອມນໍາເອົາພັນທະບັດລັດຖະບານເຂົ້າຈົດທະບຽນໃນຕະຫຼາດຫຼັກຊັບ
error: Alert: ເນື້ອຫາຂ່າວມີລິຂະສິດ !!