3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131%

3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131% - advert banner 728 90 728x90 - 3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131%

ປີນີ້, ດ່ານພາສີສາກົນ ປາກຊັນແຂວງບໍລິຄໍາໄຊ ໄດ້ ມີແຜນເກັບລາຍຮັບໝົດປີ 204,41 ຕື້ກີບ ແລະ ຜ່ານ ການຈັດຕັ້ງປະຕິບັດຕົວຈິງໃນ 3 ເດືອນຕົ້ນປີສາມາດປະຕິ ບັດໄດ້ 79,91 ຕື້ກີບ ເທົ່າກັບ 131% ຂອງແຜນງວດ ແລະ ເທົ່າກັບ 39,09% ຂອງແຜນ ການປີ. ໂດຍສ່ວນຫລາຍແມ່ນ ໄດ້ຈາກພາສີນຳເຂົ້າພາຫະນະ ແລະ ນ້ຳມັນເຊື້ອໄຟ.

3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131% - new3 - 3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131%

ພາສີ​ເຂັ້ມງວດກວດຕູ້ຄອນເທນເນີ ຜ່ານດ່ານຂົວມິດຕະພາບ 1

ພະແນກການເງິນແຂວງຊຽງຂວາງປະຕິບັດລາຍຮັບເພີ່ມຂຶ້ນທຸກປີ

ທ່ານ ໄຊຊະນະ ວົງຊົມພູ ຮອງຫົວໜ້າດ່ານພາສີສາ ກົນປາກຊັນ ໃຫ້ຮູ້ວ່າ: ດ່ານ ພາສີສາກົນປາກຊັນປະກອບ ມີ 3 ດ່ານປະເພນີ ແລະ 1 ຈຸ ງານທີ່ຂຶ້ນກັບ, ສະເພາະດ່ານ ສາກົນປາກຊັນແມ່ນເກັບລາຍ ຮັບໄດ້ 79,19 ຕື້ກີບ ເທົ່າກັບ 158% ຂອງແຜນງວດ, ດ່ານປະເພນີປາກກະດິງປະຕິ ບັດ 17 ລ້ານກວ່າກີບ ເທົ່າ ກັບ 66%, ດ່ານປະເພນີ ທ່າ ສະອາດເກັບລາຍຮັບໄດ້ 33 ລ້ານກວ່າກີບເທົ່າກັບ 90% ແລະ ດ່ານປະເພນີ ບ້ານ ທວາຍເກັບລາຍຮັບໄດ້ 100 ລ້ານກວ່າກີບເທົ່າກັບ 134% ແລະ ຈຸງານຄຸ້ມຄອງ ພາຫະນະ-ຜູ້ໂດຍສານປະ ຕິບັດໄດ້ 570 ລ້ານກວ່າກີບ ເທົ່າກັບ 62% ຂອງແຜນ ງວດ. ສາເຫດທີ່ພາໃຫ້ເກັບ ລາຍຮັບໄດ້ລື່ນແຜນຍ້ອນ ການນຳເຂົ້າພາຫະນະ ແລະ ນ້ຳມັນເຊື້ອໄຟເພີ່ມຂຶ້ນ. ສຳ ລັບລາຍຮັບຕົ້ນຕໍຢູ່ດ່ານພາສີສາກົນປາກຊັນເກັບລາຍ ຮັບໄດ້ລື່ນແຜນການແມ່ນ ໄດ້ ຈາກຄ່າຊັກພິເສດ 54 ລ້ານກວ່າກີບ, ການນຳເຂົ້າ ນ້ຳມັນເຊື້ອໄຟ 43 ຕື້ກີບ ກວມເອົາ 54% ຂອງລາຍ ຮັບທັງໝົດ, ພາຫະນະ 23 ຕື້ກວ່າກີບ, ວັດສະດຸກໍ່ສ້າງ 233 ລ້ານກີບ, ເຄື່ອງອຸ ປະໂພກ-ບໍລິໂພກ 1 ຕື້ກວ່າ ກີບ, ສິນຄ້ານຳເຂົ້າເພື່ອ ສົ່ງອອກ 3,17 ຕື້ກີບ, ຄັງ ແຮ 7,48 ຕື້ກີບ, ຄ່າທຳ ນຽມ 652 ລ້ານກວ່າກີບ ແລະ ອື່ນໆ.

ທ່ານ ໄຊຊະນະ ວົງ ຊົມພູ ໃຫ້ຮູ້ຕື່ມວ່າ: ສຳລັບ ງວດທີສອງແມ່ນຈະສູ້ ຊົນເກັບລາຍຮັບໃຫ້ໄດ້ທັງ ໝົດ 51,10 ຕື້ກີບ. ໃນນັ້ນ ປະກອບມີຄ່າຊັກພິເສດ 107 ລ້ານກີບ, ພາສີ-ອາ ກອນຂາເຂົ້າ 42,77 ຕື້ກີບ, ນຳເຂົ້າ-ສົ່ງອອກ 2,23 ຕື້ ກີບ, ຄ່າປັບໄໝຂາຍ ເຄື່ອງ ຢຶດ 2,62 ລ້ານກີບ ແລະ ດ່ານທຳນຽມ 5,98 ຕື້ກີບ ເຊຶ່ງໃນໂຕເລກດັ່ງກ່າວ, ບັນ ດາດ່ານຈະຕ້ອງສູ້ຊົນ ເກັບໃຫ້ໄດ້ຕາມແຜນການ ເປັນຕົ້ນ: ດ່ານປາກຊັນ ຕ້ອງສູ້ຊົນເກັບໃຫ້ໄດ້ ຫລາຍກວ່າ 50 ຕື້ກີບ, ດ່ານປາກກະດິງ 25,65 ລ້ານກີບ, ດ່ານທ່າ ສະອາດ 37,50 ລ້ານກີບ, ດ່ານ ບ້ານທວາຍ 75 ລ້ານກີບ ແລະ ຈຸງານຄຸ້ມຄອງພາ ຫະນະຕ້ອງເກັບໃຫ້ໄດ້ 912 ລ້ານກວ່າກີບ.

3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131% - 6 1 - 3 ເດືອນຕົ້ນປີດ່ານພາສີສາກົນ ປາກຊັນເກັບລາຍຮັບ 131%

error: Content is protected !!