ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ

ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ - f41f2ab35b8184bd4857bb2bcdd4be87 - ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ
ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ - Untitled design - ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ

7 ເລື່ອງໜ້າຮູ້ກ່ຽວກັບສຸຂະພາບ ທີ່ຄວນຮູ້ເອົາໄວ້ ເພື່ອສຸຂະພາບຮ່າງກາຍ ແລະ ຈິດໃຈທີ່ດີ. ປັດຈຸບັນພະຍາດໂຣກໄພກາຍເປັນສິ່ງໃກ້ຕົວທີ່ຄ່ອຍຖາມຫາຢູ່ສະເໝີ ເຮົາຈ່ຶງຄວນຕ້ອງເບິ່ງແຍງສຸຂະພາບໃຫ້ດີເປັນພິເສດ ບາງຄົນອາດຈະສະແຫວງຫາອາຫານເສີມ ຫຼື ອາຫານບໍາລຸງຕ່າງໆ ເພື່ອບໍາລຸງໃຫ້ສຸຂະພາບແຂງແຮງ ທັງໆທີ່ຈິງແລ້ວການມີສຸຂະພາບດີອາດເປັນເລື່ອງໃກ້ຕົວກວ່າທີ່ເຮົາຄິດ ຄືເວັບໄຊຕ໌ allwomenstalk.com  ນໍາເອົາເລື່ອງໜ້າຮູ້ກ່ຽວກັບສຸຂະພາບທີ່ດີມາຝາກ ຢາກມີສຸຂະພາບດີຕ້ອງອ່ານ.

  1. ໝາກກ້ວຍຊ່ວຍຫຼຸດອາການທ້ອງອືດໄດ້: ທ້ອງອືດເປັນອາການທີ່ເກີດແກ໊ສຈໍານວນຫຼາຍໃນກະເພາະອາຫານ ບາງຄັ້ງກໍເກີດຈາກການກິນໂຊດຽມຫຼາຍເກີນ ແລະ ໝາກກ້ວຍນີ້ແຫຼະທີ່ຈະຊ່ວຍເຮັດໃຫ້ອາການທ້ອງອືດເບົາບາງລົງ ແຕ່ຖ້າເຮົາບໍ່ຢາກທ້ອງອືດ ກໍຫຼີກລ່ຽງອາຫານທີ່ມີເກືອ ຫຼື ໂຊດຽມຫຼາຍເກີນໄປຕັ້ງແຕ່ຕົ້ນຈະດີກວ່າ.
  2. ນໍ້າໃນຮ່າງກາຍຈະເຮັດໃຫ້ນໍ້າໜັກໂຕຂອງເຮົາຈະຂຶ້ນລົງຢ່າງໜ້ອຍມື້ລະ 1-2 ກິໂລກຣາມ: ເຄີຍສົງໃສບໍ່ວ່າ? ເປັນຫຍັງເວລາທີ່ຊັ່ງນໍ້າໜັກໃນຕອນເຊົ້າ ແລະ ຕອນແລງເຖິງແຕກຕ່າງກັນ ທັ້ງໆທີກໍບໍ່ໄດ້ກິນຫຼາຍ ແຕ່ນັ້ນກໍເປັນເພາະນໍ້າໜັກຂອງນໍ້າໃນຮ່າງກາຍທີ່ມາຈາກອາຫານທີ່ມີລົດເຄັມ ຫຼື ພາວະມີປະຈໍາເດືອນຂອງເຮົາທີ່ເຮັດໃຫ້ນໍ້າໜັກເຫຼົ່ານີ້ຂຶ້ນ ຫຼື ລົງຕະຫຼອດເວລາ ແຕ່ຖ້າຫາກຕ້ອງການທີ່ຈະຈັດການກັບນໍ້າໜັກຂອງນໍ້າທີ່ມີໃນຮ່າງກາຍ ຄວນຈະໄປປຶກສາແພດໝໍເພື່ອໃຊ້ຢາຂັບປັດສະວະກໍໄດ້.
  3. ການນັ່ງຢູ່ກັບທີ່ຫຼາຍກວ່າມື້ລະ 11 ຊົ່ວໂມງເຮັດໃຫ້ອາຍຸສັ້ນລົງ: ການທີ່ນັ່ງເຮັດວຽກຢູ່ກັບໂຕະຕະຫຼອດເວລາໂດຍບໍ່ລຸກໄປໃສເລີຍໝົດມື້ ອາດຈະເຮັດໃຫ້ອາຍຸສັ້ນລົງໂດຍບໍ່ຮູ້ໂຕ ນັ້ນກໍເປັນເພາະວ່າ ເມື່ອຮ່າງກາຍຂອງເຮົາບໍ່ໄດ້ຂະຫຍັບເຄື່ອນໄປໃສເລີຍກໍອາດຈະກໍ່ບັນຫາສຸຂະພາບໄດ້ ບໍ່ວ່າຈະເປັນບັນຫາກ່ຽວກັບລະບົບເຜົາຜານ, ລະບົບຍ່ອຍອາຫານ, ລະບົບຂັບຖ່າຍ ຫຼື ລະບົບໄຫຼວຽນເລືອດ ດັ່ງນັ້ນ ຖ້າຢາກຈະມີອາຍຸທີ່ຍືນຍາວ ກໍໝັ່ນລຸກຈາກໂຕະເຮັດວຽກ ພຽງແຕ່ລຸກໄປເຂົ້າຫ້ອງນໍ້າກໍຊ່ວຍໄດ້ຫຼາຍ ຫຼື ຖ້າບໍ່ຢາກລຸກກໍລອງຢືດເສັ້ນຢືດສາຍ ກໍຈະຊ່ວຍໄດ້ຄືກັນ.
  4. ຊາຂຽວຊ່ວຍສ້າງເສີມການທໍາງານຂອງສະໝອງໄດ້: ຊາຂຽວມີສານຕ້ານອະນຸມູນອິດສະຫລະຢູ່ສູງ ຈຶ່ງຊ່ວຍປ້ອງກັນການເກີດໂຣກມະເຮັງໄດ້ ແຕ່ອີກປະໂຫຍດໜຶ່ງທີ່ສໍາຄັນກໍຄື ຊາຂຽວຊ່ວຍເສີມສ້າງການທໍາງານຂອງສະໝອງໄດ້ອີກດ້ວຍ ໂດຍມີການສຶກສາໜຶ່ງພົບວ່າ ຄົນທີ່ດື່ມຊາຂຽວເປັນປະຈໍາຈະຊ່ວຍເຮັດໃຫ້ມີຄວາມຈໍາດີກວ່າຜູ້ທີ່ບໍ່ເຄີຍດື່ມຊາຂຽວເລີຍ.
  5. ນໍ້າຕານ ເຮັດໃຫ້ອາການຊ່ວງເປັນປະຈໍາເດືອນໜັກຂຶ້ນ: ຫຼາຍຄົນມັກຄິດວ່າ ການກິນຂອງຫວານໃນຊ່ວງມີປະຈໍາເດືອນ ຈະຊ່ວຍໃຫ້ອາການຕ່າງໆທີ່ເກີດຂຶ້ນໃນຊ່ວງມີປະຈໍາເດືອນຫຼຸດລົງ ແຕ່ທີ່ຈິງແລ້ວມັນນີ້ແຫຼະໂຕຮ້າຍທີ່ເຮັດໃຫ້ອາການເຫຼົ່ານັ້ນຍິ່ງໜັກຂຶ້ນ ເພາະການກິນນໍ້າຕານຫຼາຍເກີນໄປຈະໄປເຮັດໃຫ້ແມກນີຊຽມໃນຮ່າງກາຍຫຼຸດລົງ ເຮັດໃຫ້ທ້ອງອືດ ຊຶ່ງທ້ອງອືດເປັນອາການທີ່ເຮົາຄົງບໍ່ຢາກຈະເປັນຊ່ວງມີປະຈໍາເດືອນ. ດັ່ງນັ້ນ ຖ້າມີປະຈໍາເດືອນປ່ຽນຈາກຂອງຫວານມາກິນຂອງຫວ່າງທີ່ດີຕໍ່ສຸຂະພາບເຊັ່ນໝາກໄມ້ຈະດີກວ່າ.
  6. ສາລີຊ່ວຍໃຫ້ອາລົມດີ: ເພາະສາລີນັ້ນຈະໄປຊ່ວຍເພີ່ມລະດັບຂອງເຊໂຮໂທນິນໃນສະໝອງ ຊຶ່ງສານຊະນິດນີ້ເປັນສານທີ່ຊ່ວຍເຮັດໃຫ້ອາລົມດີໄດ້.
  7. ການອອກກໍາລັງກາຍຕັ້ງແຕ່ໄວລຸ້ນຈະຊ່ວຍໃຫ້ມີຄວາມຈໍາດີເມື່ອແກ່ຕົວລົງ: ການເລີ່ມອອກກໍາລັງກາຍຕັ້ງແຕ່ຍັງໜຸ່ມສາວ ນອກຈາກຈະເຮັດໃຫ້ສຸຂະພາບຮ່າງກາຍແຂງແຮງໄປເຖິງອະນາຄົດແລ້ວ ກໍຍັງເປັນຜົນດີຕໍ່ສະໝອງອີກດ້ວຍ ເພາະມີການສຶກສາພົບວ່າ ການອອກກໍາລັງກາຍເປັນປະຈໍາໃນຊ່ວງ 20 ປີເປັນຕົ້ນໄປ ຈະຊ່ວຍໃຫ້ມີຄວາມຈໍາທີ່ດີ ເຖິງວ່າອາຍຸຈະລ່ວງເລີຍໄປເຖິງ 40 ຫຼື 50 ຂຶ້ນໄປແລ້ວກໍຕາມ.

ສຸຂະພາບຮ່າງກາຍຂອງເຮົາເປັນສິ່ງທີ່ສໍາຄັນ ຫາກເຮົາເບິ່ງແຍງຮັກສາມັນຢ່າງດີ ກໍຈະຊ່ວຍໃຫ້ສຸຂະພາບຈິດໃຈຂອງເຮົາດີຕາມໄປດ້ວຍ ແຕ່ຖ້າຫາກເຮົາປ່ອຍປະລະເລີຍມັນກໍອາດຈະເຮັດໃຫ້ທັງກາຍ ແລະ ໃຈຂອງເຮົາຊຸດໂຊມລົງ ຫຼັງຈາກນັ້ນພະຍາດຕ່າງໆ ກໍຈະຖາມຫາ ດັ່ງນັ້ນ ກ່ອນທີ່ຈະຕ້ອງເສຍເງິນ ແລະ ເສຍເວລາໄປກັບພະຍາດເຫຼົ່ານັ້ນ ກໍຄວນຫັນກັບມາຮັກສາສຸຂະພາບຕົນເອງຫຼາຍໆ.

 

 

 

ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ - Wave100S AD to Website 2020 0 - ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ

   

 

ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ - WhatsApp Image 2020 05 27 at 5 - ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ
ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ - WhatsApp Image 2020 05 27 at 5 - ຮູ້ໄວ້ໄດ້ປະໂຫຍດກັບ 7 ເລື່ອງໜ້າຮູ້ກ່ຽວກັບສຸຂະພາບ
error: Alert: ເນື້ອຫາຂ່າວມີລິຂະສິດ !!