ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ

ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ - vacine - ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ
ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ - Untitled design - ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ

​ໃນ​ວັນ​ທີ 16 ມິຖຸນານີ້, ຂະ​ແໜງ​ລ້ຽງສັດ ​ແລະ ການ​ປະມົງ​ ນະຄອນຫລວງ​ວຽງ​ຈັນ, ໄດ້ເປີດຂະບວນການສັກຢາກັນພະຍາດວໍ້ສຳລັບ 7 ບ້ານເປົ້າໝາຍ ຂອງເມືອງຈັນທະບູລີ ​ເພື່ອ​ເປັນ​ການ​ປຸກລະດົມ​ໃຫ້​​ປະຊາຊົນ​ ໄດ້​ເອົາ​ໃຈ​ໃສ່​ໃນ​ການ​ສັກ​ຢາ​ກັນ​ພະຍາດ​ວໍ້​ ໃຫ້​ກັບ​ສັດລ້ຽງຂອງ​ຕົນ.

ກໍເພື່ອເປັນການສືບຕໍ່ຈັດຕັ້ງປະຕິບັດໂຄງການສ້າງເຂດທ່ອງທ່ຽວ ປອດພະຍາດວໍ້ ຢູ່ 2 ເມືອງ 9 ບ້ານຂອງນະຄອນຫລວງວຽງຈັນ ຄື: ບ້ານ​ເກົ້າ​ຍອດ ​ແລະ ບ້ານ​ເພຍ​ວັດ; ​ເມືອງ ສີສັດຕະນາກ, ບ້ານ ສີ​ຫອມ, ວັດ​ຈັນ, ມີ​ໄຊ, ຫາຍ​ໂສກ, ອາຍຸ, ຊຽງຍືນ ​ແລະ ບ້ານ ໜອງປີງ ເມືອງ ຈັນທະບູລີ.

ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ - Wave100S AD to Website 2020 0 - ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ

ທ່ານຮອງ​ຫົວໜ້າຂະ​ແໜງ​ລ້ຽງສັດ ​ແລະ ການ​ປະມົງ​ ນະຄອນຫລວງ​ວຽງ​ຈັນ ກ່າວ​​ວ່າ: ປີ​ນີ້​ເປັນ​ປີ​ທີ 4 ຂອງ​ໂຄງການ​ດັ່ງ ກ່າວ ​ແລະ ສຳລັບ 7 ບ້ານເປົ້າໝາຍ ຂອງເມືອງ ຈັນທະບູລີ ​ແມ່ນ​ໄດ້​ການ​ສະ​ໜັບສະ​ໜູນ​ ວັກ​ແຊງປ້ອງ​ກັນ​ພະຍາດ​ວໍ້​ໃນ​ງວດ​ທຳ​ອິດ​ ຈາກກົມ​ລ້ຽງສັດ ​ແລະ ການ​ປະມົງ​ ຈຳນວນ 200 ​ໂດລາສະຫະລັດ. ເມືອງຈັນທະ​ບູລີ ​ເປັນ​ເມືອງ​ຢູ່​ໃນ​ເທສະບານ ​ແລະ ​ເປັນ​ເຂດ​ທ່ອງ​ທ່ຽວ, ສະ​ນັ້ນ ​ເພື່ອ​ຮັບປະກັນ​ໃຫ້​ປວງ​ຊົນ ກໍ​ຄື​ ນັກ​ທ່ອງ​ທ່ຽວ​ໄດ້​ມີ​ຄວາມ​ປອດ​ໄພ ພວກ​ເຮົາ​ຈຶ່ງ​ໄດ້​ປຸກລະດົມ​ໃຫ້​ພໍ່​ແມ່​ປະ​ຊາຊົນ​ຜູ້​​ລ້ຽງໝາ ໃນ​ຂອບ​ເຂດບ້ານ​ດັ່ງ​ກ່າວ ​ໃຫ້​ເອົາ​ໃຈ​ໃສ່​ໃນ​ການ​ສັກ​ຢາ​ກັນ​ພະຍາດ​ວໍ້​ໃຫ້​ທົ່ວ​ເຖິງ ​ໂດຍ​ເລີ່​ມ​ແຕ່ໝານ້ອຍ​ທີ່​ມີ​ອາຍຸ​ແຕ່ 2 ​ເດືອນ​ເຄິ່ງຫາ 3 ​ເດືອນ ສຳລັບ​ເຂັມ​ທຳ​ອິດ. ພະຍາດ​ວໍ້​ແມ່ນ​ພະຍາດ ​ທີ່​ເກີດ​ຈາກ​ເຊື້ອ​ໄວຣັດຊະນິດໜຶ່ງ, ຊຶ່ງ​ເປັນ​ພະຍາດ​ທີ່​ຕິດ​ແປດ​ຮ້າຍ​ແຮງ​ທີ່​ສຸດ ​ໂດຍສາມາດ​ຕິດ​ຕໍ່​ໄດ້​ຈາກ​ສັດ​ສູ່​ສັດ ​ແລະ ຈາກ​ສັດ​ສູ່​ຄົນ ດ້ວຍການ​ກັດ​ຂອງ​ສັດ​ທີ່​ມີ​ເຊື້ອ​ພະຍາດ​ວໍ້ ຫລື ຜ່ານ​ບາດ​ແຜດ້ວຍ​ການ​ສຳ​ຜັດ​ນ້ຳລາຍ​ທີ່​ປົນ​ເປື້ອນດ້ວຍ​ເຊື້ອ​ພະຍາດ​ວໍ້. ຄົນທີ່ຖືກໝາ, ແມວ ຫລື ລີງ ທີ່ເປັນພະຍາດວໍ້ກັດ, ໂດຍບໍ່ໄດ້ຮັບການສັກຢາກັນໃຫ້ຄົບແຕ່ຫົວທີ ມີໂອກາດເສຍຊີວິດ 100%. ພະຍາດ​ດັ່ງກ່າວ, ​ສາມາດ​ປ້ອງ​ກັນ​ໄດ້​ດ້ວຍ​ການ​ສັກ​ຢາ​ກັນ​ທີ່​ຖືກ​ວິທີ, ສັກ​ຄົບ​ເຂັມ, ສັກ​ປົກກະຕິຕໍ່​ເນື່ອງ.

ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ - WhatsApp Image 2020 05 27 at 5 - ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ
ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ - WhatsApp Image 2020 05 27 at 5 - ເປີດຂະບວນການສັກຢາກັນພະຍາດວໍ້ ຢູ່ເມືອງຈັນທະບູລີ
error: Alert: ເນື້ອຫາຂ່າວມີລິຂະສິດ !!