ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ

ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ - advert banner 728 90 728x90 - ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ

​ກອງ​ປະຊຸມ​ສະຫຼຸບ​ຜົນສຳເລັດ​ການ​​ເດີນ​ສຳ​ຫຼວດ​ຫົວໜ່ວຍ​ທຸລະ​ກິດ​ຢູ່ 4 ເມືອງ​ໃນນະຄອນຫຼວງວຽງຈັນ ແລະ ລາຍ​ງານ​ຜົນ​ການ​ນຳ​ໃຊ້​ເຄື່ອງ​ບັນທຶກ​ການ​ຂາຍ​ສິນຄ້າ ແລະ ການ​ບໍລິການ (POS) ແລະ ການນໍາໃຊ້ລະບົບ TMIS-EASY TAX ຢູ່ 5 ເມືອງ​ໃນ​ນະຄອນຫຼວງ​ວຽງ​ຈັນ, ​ໄດ້ຈັດຂຶ້ນໃນທ້າຍອາທິດຜ່ານມາ, ໂດຍການເປັນປະທານຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ ລັດຖະມົນຕີ​ກະຊວງ​ການ​ເງິນ, ມີຮອງລັດຖະມົນຕີ ກະຊວງແຜນການ ແລະ ການລົງທຶນ, ມີຜູ້ຕາງຈາກຫົວໜ້າກົມສ່ວຍສາອາກອນ, ສູນ​ສະຖິຕິ​ແຫ່ງ​ຊາດ ແລະ ພາກສ່ວນທີ່ກ່ຽວຂ້ອງ​ເຂົ້າ​ຮ່ວມ.

ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ - new3 - ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ

ໂອກາດນີ້, ທ່ານຮອງ​ຫົວໜ້າ​ສູນ​ສະຖິຕິ​ແຫ່ງ​ຊາດ ໄດ້ລາຍງານໂດຍສັງເຂບກ່ຽວກັບຜົນສຳເລັດການ​​ເດີນ​ສຳ​ຫຼວດ​ບັນດາ​ຫົວໜ່ວຍ​ທຸລະ​ກິດ​ຢູ່ 4 ເມືອງ​ໃນນະຄອນຫຼວງວຽງຈັນ ຄື: ເມືອງຈັນທະບູລີ, ເມືອງສີສັດຕະນາກ, ໄຊເຊດຖາ ແລະ ເມືອງສີໂຄດຕະບອງວ່າ: ໂຄງການ​ສຳ​ຫຼວດ​ເກັບ​ກຳ​ຂໍ້​ມູນ​ຫົວໜ່ວຍ​ທຸລະ​ກິດ​ແມ່ນ​ເພື່ອ​ຮັບ​ໃຊ້​ໃຫ້​ແກ່​ການ​ວາງ​​ນະໂຍບາຍ​ເກັບ​ລາຍ​ຮັບ​ເຂົ້າ​ງົບປະມານ​ໄດ້​ຖືກຕ້ອງ​ຊັດ​ເຈນ, ສອດຄ່ອງ​ກັບ​ຕົວ​ຈິງ​ໃນ​ໄລຍະ​ໃໝ່, ຊຶ່ງ​ສອດຄ່ອງ​ກັບ​ຄຳ​ສັ່ງ​ຂອງ​ນາຍົກລັດຖະມົນຕີ ກ່ຽວ​ກັບ​ການ​ລົງ​ສຳ​ຫຼວດ​ເກັບ​ກຳ​ຖານ​ລາຍ​ຮັບ​ຄືນ  ໃໝ່ເພື່ອ​ເຮັດ​ໃຫ້​ວຽກ​ງານ​ການສຳຫຼວດໄດ້​ດຳເນີນ​ໄປ​ຖືກຕ້ອງ​ຕາມ​ລະບຽບ​ຫຼັກການ​ທີ່​ໄດ້​ກຳນົດ​ໃນ​ກົດໝາຍ​ວ່າ​ດ້ວຍ​ສະຖິຕິ ແລະ ໄດ້​ຮັບ​ຜົນ​ຕາມ​ຈຸດປະສົງ​ຄາດໝາຍ​ທີ່​ກະຊວງ​ການ​ເງິນໄດ້​ກຳນົດ​ໄວ້, ຈຶ່ງ​ໄດ້​ສົມທົບ​ກັບ​ສູນ​ສະຖິຕິ​ແຫ່ງ​ຊາດ ກະຊວງ​ແຜນການ ແລະ ການ​ລົງທຶນ ແລະ ພາກສ່ວນ​ກ່ຽວຂ້ອງ​ອື່ນໆ…ພ້ອມ​ກັນ​ຄົ້ນຄວ້າ​ສ້າງ​ແຜນ​ໂຄງການ​ສຳ​ຫຼວດ​ນີ້​ຂຶ້ນ​ມາ.

ສຳລັບເປົ້າໝາຍການ​ສຳ​ຫຼວດ​ຄັ້ງ​ນີ້, ແມ່ນ​ຫົວໜ່ວຍ​ພື້ນຖານ​ເສດຖະກິດຫົວໜ່ວຍ​ທຸລະ​ກິດ, ຫ້າງ​ຮ້ານ​ຂະ   ໜາດ​ນ້ອຍ ແລະ ກາງທີ່​ຄຸ້ມ​ຄອງ​ໃນ​ລະບົບ​ແຂວງ ແລະ ເມືອງທີ່​ພວມ​ດຳເນີນ​ການເຄື່ອນໄຫວ​ທຸລະ​ກິດການ​ຜະລິດ​ສິນຄ້າ ແລະ ບໍລິການ​ຢູ່​ໃນ 4 ເມືອງ​ໃນ​ນະຄອນຫຼວງ​ວຽງ​ຈັນປະກອບມີ​ທັງ​ໝົດ 175 ບ້ານ ໃນ​ນີ້, ມີ​ຫົວໜ່ວຍ​ທຸລະ​ກິດ​ທັງໝົດ 23.632 ຫົວໜ່ວຍ, ສ່ວນເມືອງທີ່ມີຈຳນວນຫົວໜ່ວຍທຸລະກິດຫຼາຍກວ່າໝູ່ແມ່ນເມືອງໄຊເຊດຖາກວມເອົາ 6.538 ຫົວໜ່ວຍ, ຮອງລົງມາແມ່ນເມືອງສີໂຄດຕະບອງ 6.450 ຫົວໜ່ວຍ, ເມືອງຈັນທະບູລີ, ເມືອງສີສັດຕະນາກຕາມລໍາດັບ.

ນອກ​ນັ້ນ, ການສຳ​ຫຼວດ​ຍັງ​ໄດ້​ແນໃສ່​ຂັ້ນ​ບ້ານ ແລະ ບາງ​ຄອບຄົວ​ທີ່​ມີ​ການ​ເຊົ່າ​ອາຄານເຮືອນ ແລະ ຫ້ອງ​ແຖວ ເພື່ອ​ເບິ່ງ​ການ​ເກັບ​ລາຍ​ຮັບ​ດ້ານ​ການ​ເຊົ່າ​ຊັບ​ສິນ ເພື່ອ​ເຮັດ​ໃຫ້ການ​ຈັດ​ເກັບ​ລາຍ​ຮັບ​ເຂົ້າ​ງົບປະມານ​ໄດ້​ຕາມ​ແຜນການ ແລະ ເພີ່ມ​ຂຶ້ນ​ໃນ​ແຕ່​ລະ​ປີ.

ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ - lattana 1 - ສະຫຼຸບຜົນສຳຫຼວດຫົວໜ່ວຍທຸລະກິດຢູ່ 4 ເມືອງ​ ນະຄອນຫຼວງວຽງຈັນ

ທ່ານຮອງ​ຫົວໜ້າ​ສູນ​ສະຖິຕິ​ແຫ່ງ​ຊາດ ກ່າວວ່າ: ນີ້ເປັນການສໍາຫຼວດຄັ້ງທໍາອິດທີ່ໄດ້ເລີ່ມຈັດຕັ້ງປະຕິບັດແຕ່ວັນທີ 5 ກຸມພາ 2018 ແລະ ແບ່ງເປັນ 2 ແບບຜົນສໍາຫຼວດຄື: ຜົນການສໍາຫຼວດບ້ານຫົວໜ່ວຍທຸລະກິດຢູ່ 4 ເມືອງໃນນະຄອນຫຼວງວຽງຈັນ (F1), ຜົນສໍາຫຼວດຫົວໜ່ວຍທຸລະກິດຢູ່ 4 ເມືອງໃນນະຄອນຫຼວງວຽງຈັນ (F2), ຊຶ່ງສາມາດສະຫຼຸບໄດ້ດັ່ງນີ້: F1 ມີຈໍານວນບ້ານທີ່ມອບພັນທະ 175 ບ້ານ ແລະ ຈໍານວນທີ່ສໍາຫຼວດໄດ້ແມ່ນ 151 ບ້ານທີ່ສາມາດມອບພັນທະການເສຍອາກອນໃນປີ 2017 ໄດ້ທັງໝົດ 8,76 ຕື້ກີບ, F2 ສະຖານທີ່ຕັ້ງຂອງຫົວໜ່ວຍທຸລະກິດທີ່ໄດ້ຈາກການສໍາຫຼວດ 23.632 ຫົວໜ່ວຍ.

ໃນກອງ​ປະຊຸມ​ດັ່ງກ່າວ, ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກະຊວງການເງິນ ໄດ້ລາຍງານກ່ຽວກັບຄວາມຄືບໜ້າການ​ນຳ​ໃຊ້​ເຄື່ອງ​ບັນທຶກ​ການ​ຂາຍ​ສິນຄ້າ ແລະ ການ​ບໍລິການ (POS) ແລະ ການນໍາໃຊ້ລະບົບ TMIS-EASY TAX ຢູ່ 5 ເມືອງ​ໃນ​ນະຄອນຫຼວງ​ວຽງ​ຈັນຄື: ເມືອງຈັນທະບູລີ, ເມືອງສີສັດຕະນາກ, ເມືອງໄຊເຊດຖາ, ເມືອງສີໂຄດຕະບອງ ແລະ ເມືອງໄຊທານີ ຊຶ່ງມາຮອດປັດຈຸບັນການຕິດຕັ້ງເຄື່ອງບັນທຶກການຂາຍ ແລະ ບໍລິການ ເຄື່ອງເຊື່ອມຕໍ່ສົ່ງຂໍ້ມູນ P S, ເຄື່ອງຄິດໄລ່ເງິນສົດ CRM ໄດ້ສຳເລັດຄາດໝາຍ 100%, ບັນດາຫົວໜ່ວຍທຸລະກິດທີ່ໄດ້ຮັບການຕິດຕັ້ງ ແລະ ເຊື່ອມຕໍ່ສໍາເລັດແລ້ວມີການເຄື່ອນໄຫວຊື້-ຂາຍຜ່ານ  POS ຢ່າງເປັນປົກກະຕິ ແລະ ຮັບປະກັນໃຫ້ມີການນຳໃຊ້ກວມຫຼາຍກວ່າ 80% ຂອງການຕິດຕັ້ງທັງໝົດໃນປີ 2018, ສຳລັບຫົວໜ່ວຍທຸລະກິດທີ່ບໍ່ໄດ້ນຳໃຊ້ POS ທີ່ນອນໃນລະບອບອາກອບມອບເໝົາຕ້ອງຍົກຖານລາຍຮັບຂຶ້ນໃຫ້ທຽບເທົ່າກັບຫົວໜ່ວຍທຸລະກິດທີ່ໄດ້ຕິດຕັ້ງ ແລະ ນຳໃຊ້ POS ຢູ່ໃນຂອບເຂດທີ່ຕົນຮັບຜິດຊອບກວມຫຼາຍກວ່າ 80%, ສຳລັບຫົວໜ່ວຍທີ່ນຳໃຊ້ເຄື່ອງເຂົາເຈົ້າເອງ ຕ້ອງໄດ້ໃຫ້ມາຂຶ້ນທະບຽນຂໍອະນຸຍາດນຳໃຊ້ເຄື່ອງ ນຳຂະແໜງສ່ວຍສາອາ ກອນ ພ້ອມທັງປັບປຸງຮູບແບບໃບເກັບເງິນໃຫ້ຖືກຕ້ອງຕາມຂະແໜງສ່ວຍສາອາກອນກໍານົດໄວ້.

error: Content is protected !!