ວິທີການກິນເຫັດຢ່າງປອດໄພ

ວິທີການກິນເຫັດຢ່າງປອດໄພ - 021806 2018 -  ວິທີການກິນເຫັດຢ່າງປອດໄພ
ວິທີການກິນເຫັດຢ່າງປອດໄພ - Untitled design -  ວິທີການກິນເຫັດຢ່າງປອດໄພ

ອາການຂອງຄົນກິນເຫັດເບື່ອຈະແຕກຕ່າງກັນໄປຕາມຊະນິດຂອງເຫັດ ສ່ວນຫລາຍຈະມີອາການວິນຫົວປວດຮາກ, ຖ່າຍ ແຫລວ, ເຈັບທ້ອງ, ຂາປັ້ນ ເຊິ່ງອາດເກີດຂຶ້ນຫລັງກິນເຫັດເບື່ອບໍ່ເທົ່າໃດນາທີ, ຫລາຍຊົ່ວໂມງ ຫລື ຫລາຍມື້, ບາງຄົນທີ່ອາການຮຸນແຮງຈະເສຍຊີວິດພາຍໃນ 1 – 8 ມື້ ເນື່ອງຈາກຕັບຖືກທຳລາຍ. ດັ່ງນັ້ນ, ວິທີການຊ່ວຍເຫລືອທີ່ສຳຄັນແມ່ນເຮັດໃຫ້ຄົນເຈັບຮາກອອກມາໃຫ້ຫລາຍທີ່ສຸດ ໂດຍດື່ມນຳ້ອຸ່ນປະສົມເກືອ ແລ້ວບ້ວນລ້າງຄໍອອກ ເພື່ອຫລຸດການດູດຊຶມສານພິດເຂົ້າສູ່ຮ່າງກາຍ ແລ້ວຟ້າວນຳໂຕສົ່ງໂຮງໝໍ ຫລື ສຸກສາລາໃກ້ເຮືອນທັນທີ ພ້ອມທັງເອົາເຫັດທີ່ກິນແລ້ວເບື່ອນັ້ນໄປນຳ.

     – ວິທີປ້ອງກັນອັນຕະລາຍຈາກເຫັດເບື່ອ ປະກອບມີຄື :

  1. ຢ່າກິນເຫັດທີ່ບໍ່ຮູ້ຈັກ ຫລື ຫາກຈຳເປັນຕ້ອງກິນຄວນຈະຊີມເບິ່ງໜ້ອຍໜຶ່ງກ່ອນເພື່ອເບິ່ງອາການ.
  2. ເຫັດຍ່ອຍຍາກ ຄວນກິນໃນປະລິມານທ່ີພໍດີພໍງາມ ເພາະອາດເປັນສາເຫດຂອງອາຫານເປັນພິດໄດ້. ນອກຈາກນີ້, ເຫັດທີ່ບູດເນົ່າກໍເປັນອີກສາເຫດໜຶ່ງຂອງອາການອາຫານເປັນພິດ.
  3. ລະມັດລະວັງຢ່າກິນເຫັດພ້ອມກັບດື່ມເຫລົ້າ ຫລື ເຄື່ອງດື່ມມຶນເມົາຕ່າງໆ ເພາະເຫັດບາງຊະນິດຈະເກີດພິດທັນທີ.
  4. ຢ່າກິນອາຫານທີ່ປຸງແຕ່ງສຸກໆດິບໆ ຫລື ເຫັດດິບດອງ ເພາະເຫັດບາງຊະນິດຍັງຈະມີພິດອ່ອນໆເຫລືອຢູ່ ຜູ້ກິນຈະບໍ່ຮູ້ສຶກ ໂຕວ່າມີພິດຈົນເມື່ອກິນເຂົ້າໄປຫລາຍເທື່ອກໍສະສົມພິດຫລາດຂຶ້ນ ແລະ ເປັນພິດຮ້າຍແຮງເຖິງຂັ້ນເສຍຊີວິດໄດ້ໃນພາຍຫລັງ.

     – ສ່ວນລັກສະນະຂອງເຫັດທີ່ຄວນຫລີກເວັ້ນ ບໍ່ຄວນເກັບມາບໍລິໂພກຄວນສັງເກດຈາກ :

  1. ເຫັດທີ່ເປັນສີນຳ້ຕານ, ເຫັດທີ່ມີໝວກເຫັດສີຂາວ.
  2. ເຫັດທີ່ມີເປືອກຫຸ້ມກົກ, ເຫັດທີ່ມີວົງແຫວນຢູ່ກ້ອງໝວກ.
  3. ເຫັດທີ່ມີກົກອວບໃຫຍ່, ເຫັດທີ່ມີຕຸ່ມໆ.
  4. ເຫັດທີ່ມີໝວກເຫັດເປັນຮູບນັ້ນຮູບນີ້ ແທນທີ່ຈະເປັນຊ່ອງໆຄ້າຍຄືຄີປາ.

5.​ ເຫັດທີ່ມີລັກສະນະຄ້າຍຄືສະໝອງ ຫລື ອານຮອງຫລັງມ້າ, ບາງຊະນິດຕົ້ມແລ້ວກິນໄດ້, ແຕ່ບາງຊະນິດມີພິດຮ້າຍແຮງ.

ວິທີການກິນເຫັດຢ່າງປອດໄພ - Wave100S AD to Website 2020 0 -  ວິທີການກິນເຫັດຢ່າງປອດໄພ

6.​ ເຫັດຈູມທີ່ມີຊີ້ນສີຂາວ, ເຫັດທີ່ເກີດຢູ່ຂີ້ສັດ ຫລື ໃກ້ຂີ້ສັດ.

– ການທົດລອງເຫັດເບື່ອມີຫລາຍວິທີ, ແຕ່ບໍ່ໄດ້ຜົນ 100% ການທົດລອງອາດມີການຜິດພາດ ເຮັດໃຫ້ເກີດອັນຕະລາຍແກ່ຜູ້ບໍລິໂພກໄດ້ ຄວນບໍລິໂພກເຫັດທີ່ເຄີຍບໍລິໂພກແລ້ວບໍ່ເກີດອັນຕະລາຍເທົ່ານັ້ນ ເປັນວິທີທີ່ດີສຸດໃນການປ້ອງກັນອັນຕະລາຍຈາກການບໍລິໂພກເຫັດ.

ວິທີການກິນເຫັດຢ່າງປອດໄພ - WhatsApp Image 2020 05 27 at 5 -  ວິທີການກິນເຫັດຢ່າງປອດໄພ
ວິທີການກິນເຫັດຢ່າງປອດໄພ - WhatsApp Image 2020 05 27 at 5 -  ວິທີການກິນເຫັດຢ່າງປອດໄພ
error: Alert: ເນື້ອຫາຂ່າວມີລິຂະສິດ !!