ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.

- Untitled design - ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.

- docter 300x172 - ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.ທ່ານໝໍ​ຈາກ​ລັດ​ເກນ​ຕັກ​ກີ ທີ່​ຖືກ​ດຶງ​ຕົວ​ລົງ​ຈາກ​ເຮືອບິນ​ຂອງ​ສາຍ​ການບິນ​ຢູ​ໄນ​ເຕັດ ​​ໃນຕົ້ນ​ເດືອນ​ນີ້ ​ໄດ້​ຮັບ​ເງິນ​ທົດ​ແທນ​ຈາ​ກສາຍ​ການບິນ​ແລ້ວ.

ທະນາຍຄວາມ​ຂອງ​​ທ່ານໝໍ​ເດ​ວິດ ດ່າວ ອາຍຸ 69 ປີ ກ່າວ​ວ່າ: ໜຶ່ງ​ໃນ​ເງື່ອນ​ໄຂ​ການ​ຈ່າຍ​ເງິນ​ທົດ​ແທນ ຄື​ຕ້ອງ​ປິດ​ຈຳນວນ​ເງິນ​ເປັນຄວາມ​ລັບ ​ແລະ ລະບຸ​ວ່າ: ທ່ານ ອໍ​ສກາຣ ມູນ​ອບ ຜູ້​ບໍລິຫານ​ຂອງ​ສາຍ​ການບິນ ກ່າວ​ວ່າ: ທ່ານ​ຈະ​ເຮັດ​ສິ່ງ​ທີ່​ຖືກຕ້ອງ ​ເຊິ່ງທ່ານ​ໄດ້​ປະຕິບັດ​ຕາມ​ຄຳ​ເວົ້າ​ແລ້ວ.

ກ່ອນ​ໜ້າ​ນີ້, ​ທ່ານໝໍ​ດ່າວ ຊາວ​ອາ​ເມ​ລິ​ກາ​ເຊື້ອສາຍ​ຫວຽດນາມ ທີ່​ມີ​ບາດ​ແຜເລືອດ​ອອກ ຖືກ​ດຶງ​ຕົວ​ລົງ​ຈາກ​ເຮືອບິນ ​ໄດ້​ຖືກ​​ເຜີຍ​ແຜ່​ລົງ​ໃນ​ສັງຄົມອອນ​ລາຍ​ຢ່າງ​ວ່ອງ​ໄວ ​ແລະ ສ້າງ​ຄວາມ​ບໍ່ພ​ໍ​ໃຈ​ໃຫ້​ຄົນ​ທົ່ວ​ໂລກ. ​ເຫດການ​ດັ່ງກ່າວ​ເກີດ​ຂຶ້ນພາຍຫລັງ​ທ່ານໝໍ​ດາວ ບໍ່​ຍອມ​ສະລະ​ບ່ອນ​ນັ່ງ​ໃຫ້​ພະນັກງານ​ຂອງ​ສາຍ​ການບິນຢູ​ໄນ​ເຕັດ 4 ຄົນ ​ໃນ​ຖ້ຽວ​ບິນ​ທີ່​ມີ​ການ​ຈອງ​ບ່ອນ​ນັ່ງ​ເກີນ​ຈາກ​ເມືອງ​ຊິ​ກາ​ໂກ​ໄປ​ເມືອງ​ຫລຸຍ​ສະ​ວິດ ​ໂດຍ​ທ່ານໝໍ​ດ່າວ ​ໃຫ້​ເຫດຜົນ​ວ່າ: ທ່ານ​ມີ​ນັດ​ກັບ​ຄົນ​ເຈັບ​ເຊົ້າມື້ຕໍ່​ມາ.

ທ່ານ ​ໂທ​ມັດ ດີ​ມີ​ທຣີ​ໂອ ທະນາຍຄວາມ​ຂອງ​ທ່ານໝໍ​ດ່າວ ກ່າວ​ວ່າ: ລູກ​ຄວາມ​ຂອງ​ທ່ານ​ໄດ້​ກາຍ​ເປັນ​ຜູ້​ຊະນະ​​ ເຊິ່ງຈະ​ຊ່ວຍ​ປັບປຸງ​ຄຸນ​ນະພາ​ບຊີວິດ​ຂອງ​ຜູ້​ໂດຍສານອີກ​ນັບ​ລ້ານ​ຄົນ​ໄດ້​ຢ່າງ​ແນ່ນອນ.

ທ່ານໝໍ​ດ່າວ ​ໄດ້​ຮັບ​ບາດ​ເຈັບ​ຈາກ​ການ​ກະທົບ, ດັງ​ຫັກ ​ແລະ ​​ແຂ້ວ​ທາງ​ໜ້າ​ຫັກ 2 ​ເຫລັ້ມ. ສິ່ງ​ທີ່ທະນາຍຄວາມ​ຝ່າຍ​ໂຈດ​ເອີ້ນ​ວ່າ: ການ​ຈ່າຍ​ຄ່າ​ທົດ​ແທນ​​ແບບ​ເປັນ​ມິດ. ພ້ອມ​ກັບ​ຖະ​ແຫລ​ງການ​ທົບ​ທວນ​ນະ​ໂຍບາຍ​ການ​ຮັບ​ຈອງ​ບ່ອນ​ນັ່ງ​ຂອງ​ສາຍ​ການບິນ​ຢູ​ໄນ​ເຕັດ ​ເຊິ່ງຈາກ​ນີ້​ໄປ ຜູ້​ໂດຍສານ​ທີ່​ຍອມ​ເສຍ​ສະລະ​ບ່ອນ​ນັ່ງ​ຈະ​ໄດ້​ຮັບ​ຄ່າ​ທົດ​ແທນ​ເປັນ​ເງິນ 10.000 ​ໂດ​ລາ​ສະຫະລັດ ​ແລະ ຍັງ​ມີ​ການ​ປ່ຽນ​ແປງ​ອີກ​ຫລາຍ​ຂໍ້.

​ເຖິງ​ຢ່າງ​ໃດ​ກໍ​ຕາມ, ຜູ້​ຊ່ຽວຊານ​ດ້ານ​ການບິນ​ສົງ​ໄສ​ວ່າ: ຈະ​ມີ​ຜູ້​ໂດຍສານ​ຈຳນວນ​ຫລາຍ​ທີ່​ໄດ້​ຮັບ​ເງິນ​ທົດ​ແທນ​ຈຳນວນ​ນີ້.

- Wave100S AD to Website 2020 0 - ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.

ສ່ວນ​ສາຍ​ການບິນ​ເດລຕ້າ ປະກາດ​ຂຶ້ນອັດຕາ​ຄ່າ​ທົດ​ແທນ​ເປັນ 9.950 ​ໂດ​ລາ​ສະຫະລັດ ​ເຊັ່ນ​ດຽວ​ກັນ, ສ່ວນ​ສາຍ​ການບິນ​ເຊົາ​ເວສ ລະບຸ​ວ່າ: ຕໍ່​ໄປ​ນີ້​ຈະ​ບໍ່​ອະນຸຍາດ​ໃຫ້​ຝ່າຍ​ຂາຍ​ຮັບຮອງ​ບ່ອນ​ນັ່ງ​ເກີນ​ຈຳນວນ​ແລ້ວ.

ທ່ານ ມູນ​ອບ ຜູ້​ບໍລິຫານ​ສາຍ​ການບິນ​ຢູ​ໄນ​ເຕັດ ກ່າວ​ໃນ​ການ​ຖະ​ແຫລ​ງປ່ຽນ​ນະ​ໂຍບາຍ​ວ່າ: ລູກ​ຄ້າ​ທຸກ​ຄົນ​ຄວນ​ໄດ້​ຮັບ​ບໍລິການ​ໃນ​ລະດັບ​ສູງ​ສຸດ, ພ້ອມ​ກັບ​ການ​ຍົກຍ້ອງ​ໃນ​ສັກ​ສີ ​ແລະ ຕ້ອງ​ໄດ້​ຮັບ​ຄວາມ​ເຄົາລົບ.

​ເຈົ້າໜ້າ​ທີ່ 3 ຄົນ​ຈາກ​ກົມ​ການບິນ​ນະຄອນ​ຊິ​ກາ​ໂກ ​ເຊິ່ງ​ເປັນ​ຜູ້​ລາກ​ທ່ານໝໍ​ດ່າວລົງ​ຈາກ​ເຮືອບິນ ​ແລະ ຫົວໜ້າ​ຜູ້​ຮັບຜິດຊອບ​ການ​ຕັດສິນ​ໃຈ, ປັດຈຸບັນ​ນີ້​ຍັງ​ຢູ່​ລະຫວ່າງ​ຖືກ​ສັ່ງ​ພັກ​ວຽກ ​ໂດ​ຍບໍ່​ຕັດ​ເງິນ​ເດືອນ.

​ໃນ​ວັນ​ທີ 26 ​ເມສາຜ່ານ​ມາ​ນີ້, ສາຍ​ການບິນ​ຢູ​ໄນ​ເຕັດ ຕ້ອງ​ຕົກ​ເປັນ​ຂ່າວ​ໃນ​ໜັງສືພິມ​ອີກ​ເທື່ອ​ໜຶ່ງ ຈາກ​ເລື່ອງ​ຂອງ​ໄຊ​ມ່ອນ ກະຕ່າຍ​ຍັກ​ຍາວ 90 ຊັງ​ຕີ​ແມັດ ທີ່​ຕາຍ​ລະຫວ່າງ​ການ​ຂົນ​ສົ່ງ​ທາງ​ອາກາດ ​ເຊິ່ງທາ​ງສາຍ​ການບິນ​ໄດ້​ເປີດ​ການ​ສອບ​ສວນ​ແລ້ວ.

- WhatsApp Image 2020 05 27 at 5 - ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.
- WhatsApp Image 2020 05 27 at 5 - ຢູໄນເຕັດແອລາຍ ຈ່າຍຄ່າທົດແທນຜູ້ໂດຍສານທີ່ຖືກດຶງຕົວລົງຈາກເຮືອບິນ.
error: Alert: ເນື້ອຫາຂ່າວມີລິຂະສິດ !!