ເຊຍບານເດິກໂດຍບໍ່ເສຍສຸຂະພາບ.

ເຊຍບານເດິກໂດຍບໍ່ເສຍສຸຂະພາບ. - 38 - ເຊຍບານເດິກໂດຍບໍ່ເສຍສຸຂະພາບ.
ເຊຍບານເດິກໂດຍບໍ່ເສຍສຸຂະພາບ. - Untitled design - ເຊຍບານເດິກໂດຍບໍ່ເສຍສຸຂະພາບ.
  1. ນອນເຜື່ອໄວ້ກ່ອນ : ໂດຍໃຫ້ກຽມເຂົ້ານອນໄວນັບແຕ່ເວລາ 22:00 ໂມງໄວ້ກ່ອນລ່ວງໜ້າ ຖ້າຫລາຍຄືນໄດ້ຍິ່ງດີ ເພາະມີການສຶກສາວ່າການນອນໄດ້ພຽງພໍຈະຊ່ວຍໄລ່ຄວາມອິດເມື່ອຍອ່ອນເພຍໄດ້ດີ. ຕອນນີ້ຍັງພໍມີເວລາກໍຟ້າວປິດສະວິດຕານອນກ່ອນສຳຮອງແຮງໄວ້ ຈະຊ່ວຍໃຫ້ທ່ານຮັບມືກັບອາການຍາມທີ່ຕ້ອງອົດນອນໄດ້ດີ.
  2. ເລືອກເບິ່ງແຕ່ຄູ່ທີ່ມັກ : ຖ້າເປັນໄປໄດ້ຂໍໃຫ້ເລືອກເບິ່ງແຕ່ຄູ່ທີ່ທ່ານມັກ ຈຶ່ງບໍ່ຕ້ອງຢູ່ເດິກຈົນເຖິງຮອບຮອງ ຫລື ຮອບສຸດທ້າຍ ເພາະເມື່ອເຖິງຕອນນັ້ນຖ້າທ່ານຕາໂກນ, ສະໝອງມຶນງົງແລ້ວກໍໝົດມ່ວນ ຂໍໃຫ້ເຮັດໂປຣແກຣມສ່ວນໂຕເລືອກເບິ່ງເປັນບາງຄູ່ຈະຊ່ວຍໄດ້.
  3. ໃຊ້ປະໂຫຍດຊັອກໂກແລັດດຳ : ໃນຊັອກໂກແລັດດຳມີເຄມີພິເສດຊ່ວຍບຳລຸງສະໝອງໄດ້ເປັນຢ່າງດີ ຊ່ວຍໃຫ້ທ່ານມີຄວາມຈື່ຈຳດີ, ມີສານດີໆຕໍ່ສະໝອງອີກຫລວງຫລາຍ. ນອກຈາກນີ້, ຊັອກໂກແລັດດຳຍັງຊ່ວຍຄວບຄຸມນຳ້ຕານໃນເລືອດ ແລະ ຊ່ວຍຫລຸດຄວາມດັນປ້ອງກັນພະຍາດຫລອດເລືອດສະໝອງນຳ.
  4. ເຮັດໂຕບໍ່ກິນເດິກ : ຂໍໃຫ້ລະວັງ ເພາະການກິນເດິກນອນເດິກອາດເຮັດໃຫ້ຕຸ້ຍແລ້ວຍັງເຮັດໃຫ້ທ່ານນອນຫລັບບໍ່ແຈບດີ ເມື່ອຈົບຄູ່ການແຂ່ງຂັນແລ້ວ ການກິນຢູ່ໜ້າຈໍຕອນເຊຍບານອາດເຮັດໃຫ້ທ່ານກິນຫລາຍບໍ່ຮູ້ໂຕ ຜົນທີ່ໄດ້ຮັບກໍຄືຕຸ້ຍກົມຄືກັບໝາກບານຢູ່ນອກຈໍໄດ້.
  5. ດື່ມໂກ້ໂກ້ແທນກາເຟ : ພະຍາຍາມຫລີກເວັ້ນເຄື່ອງດື່ມກາເຟ ຫລື ເຄື່ອງດື່ມຊູກຳລັງທີ່ໃສ່ກາເຟອີນຫລາຍຂະນະເບິ່ງບານເຕະ ເພາະຈະເຮັດໃຫ້ທ່ານຕາຄ້າງບໍ່ຮູ້ໂຕ ແລ້ວໄປເກີດອາການງ່ວງຊຶງພາຍຫລັງ ຄື : ໃນເວລາເຮັດວຽກ ຫລື ຂັບລົດຕອນກາງເວັນ. ດັ່ງນັ້ນ ຖ້າຫລີກເວັ້ນເປັນໂກ້ໂກ້ຮ້ອນ ເຊິ່ງມີກາເຟອີນໜ້ອຍກ່ວາ ທັງຍັງມີປະໂຫຍດຕໍ່ສະໝອງ ແລະ ຊ່ວຍປ້ອງກັນພະຍາດຫລອດເລືອດໄດ້ກໍຈະດີກ່ວາຫລາຍ.
  6. ດື່ມນຳ້ໃຫ້ຫລາຍ : ເລື່ອງນີ້ສຳຄັນຫລາຍສຳລັບຄົນນອນເດິກ ເພາະຮ່າງກາຍຍັງຄົງຕ້ອງເຮັດວຽກລ່ວງເວລາ ຈຶ່ງອາດມີປະຕິກິລິຍາອັກເສບເສື່ອມໄດ້ງ່າຍ ລວມເຖິງພູມຕ້ານທານກໍອາດອ່ອນແອລົງຈົນເຈັບປ່ວຍບໍ່ສະບາຍ ການດື່ມນຳ້ຈະຊ່ວຍຮັກສາຄວາມດຸ່ນດ່ຽງຂອງເຄມີໃນຮ່າງກາຍ ຫລຸດຄວາມສ່ຽງອັກເສບຕາມບ່ອນຕ່າງໆ ແລ້ວຍັງເຮັດໃຫ້ເລືອດຂອງທ່ານໄປລ້ຽງອະໄວຍະວະຕ່າງໆໄດ້ຢ່າງຄ່ອງໂຕ.
  7. ຫາກບໍ່ໄຫວຢ່າຝືນ : ຂໍ້ສຸດທ້າຍນີ້ສຳຄັນຫລາຍ ຄື : ຫາກຮູ້ສຶກໜັງຕາໜັກ, ງ່ວງນອນຫລາຍແລ້ວ ຈົນເລີ່ມຫລັບໃນ ກໍຂໍໃຫ້ທ່ານຢ່າຝືນ ເພາະມັນສະແດງເຖິງວ່າສະໝອງຂອງທ່ານຮັບບໍ່ໄຫວກັບການເຮັດວຽກແລ້ວ ທັງນີ້ອາດເກີດຈາກຄວາມອິດເມື່ອຍອາດສົ່ງຜົນຮ້າຍແກ່ຮ່າງກາຍໄດ້.
ເຊຍບານເດິກໂດຍບໍ່ເສຍສຸຂະພາບ. - Wave100S AD to Website 2020 0 - ເຊຍບານເດິກໂດຍບໍ່ເສຍສຸຂະພາບ.
ເຊຍບານເດິກໂດຍບໍ່ເສຍສຸຂະພາບ. - WhatsApp Image 2020 05 27 at 5 - ເຊຍບານເດິກໂດຍບໍ່ເສຍສຸຂະພາບ.
ເຊຍບານເດິກໂດຍບໍ່ເສຍສຸຂະພາບ. - WhatsApp Image 2020 05 27 at 5 - ເຊຍບານເດິກໂດຍບໍ່ເສຍສຸຂະພາບ.
error: Alert: ເນື້ອຫາຂ່າວມີລິຂະສິດ !!