ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່

ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່ - 35541264 796940693849839 8254163003805532160 n - ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່
ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່ - Untitled design - ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່

ທ້າຍອາທິດຜ່ານ​ມາ, ທີ່​ສະ​ໂມ​ສອນ​ເປ​ຕັງ ​ເພັດ​ເປ​ຕັງ ​ເມືອງ​ສີ​ສັດຕະ​ນາກ ນະຄອນຫລວງ​ວຽງ​ຈັນ (ນວ) ໄດ້ມີພີທີແຕ່ງ​ຕັ້ງ​ຄະນະ​ບໍລິຫານ​ງານ​ສະຫະພັນ​ກິລາ​ເປ​ຕັງ (ນ.ວ) ຊຸດ​ໃໝ່ຢ່າງ​ເປັນ​ທາງ​ການ ​ເພື່ອ​ກຽມ​ຄວາມ​ພ້ອມ​ນຳ​ທີມນັກກິລາເປຕັງນະຄອນຫລວງ​ວຽງ​ຈັນ​ເຂົ້າ​ຮ່ວມ​ລ່າ​ຫລຽນ​ຄຳ ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ 11 ຫລື ຊຽງ​ຂວາງ​ເກ​ມ ທີ່​ແຂວງ​ຊຽງ​ຂວາງເປັນ​ເຈົ້າພາບ ລະຫວ່າງ​ວັນ​ທີ 11-21 ພະຈິກ​ນີ້.

ທ່ານ ຄຳເກີດ ຟອງ​ສານຸ​ວົງ ປະທານ​ສະຫະພັນ​ເປ​ຕັງ​ ນະຄອນຫລວງ​ວຽງ​ຈັນຄົນ​ໃໝ່ ກ່າວ​ວ່າ: ​ເພື່ອ​ເປັນ​ການ​ຈັດ​ຕັ້ງ​ປະຕິບັດ​ເຮັດ​ໃຫ້​ຈຸດປະສົງ​ເປົ້າ​ໝາຍ​ຂອງ​ຄະນະ​ນຳ​ຂັ້ນ​ເທິງ​ໄດ້​ຮັບ​ຜົນສຳ​ເລັດ​ຕາມ​ຄວາມ​ມຸ້ງ​ຫວັງ ຂໍ​ໃຫ້​ເຊື່ອ​ໝັ້ນ​ວ່າ ຄະນະ​ບໍລິຫານ​ງານ​ຊຸດ​ໃໝ່​ພວກ​ເຮົາ​ຈະ​ພ້ອມ​ກັນ​ຕັ້ງໜ້າ​ເອົາ​ໃຈ​ໃສ່​ຢ່າງ​ສຸດ​ຂີດ ​​ໂດຍຮ່ວມ​ກັນວາງ​ແຜນ​ການ​ພັດທະນາ​ຢ່າງຮອບດ້ານ, ​ໃນ​ນັ້ນ ຈະປັບປຸງ​ກົງຈັກ​ການຈັດ​ຕັ້ງ​ພາຍ​ໃນ​ສະຫະພັນ​ຊຸດ​ນີ້​ໃຫ້​ມີ​ຄວາມ​ສາມັກຄີ​ເປັນ​ຈິດ​ໜຶ່ງ​ໃຈ​ດຽວ, ພ້ອມ​ທັງຈະ​ສົ່ງ​ເສີມ​ການ​ພັດທະນາ​ວົງ​ການ​ເປ​ຕັງ​ນະຄອນຫຼວງ​ວຽງ​ຈັນ​ໃຫ້​ມີ​ການ​ເຄື່ອນ​ໄຫວ ​ແລະ ​ແລກ​ປ່ຽນບົດຮຽນ​ກັນ​ຢ່າງ​ເປັນ​ປຶກ​ແຜ່ນ, ​ເອົາ​ໃຈ​ໃສ່​ສ້າງ​ນັກ​ກິລາຮຸ່ນ​ເຍົາວະ​ຊົນ​ເປັນ​ຫລັກ ພ້ອມ​ທັງ​ສ້າງ​ຄົນ​ຮຸ່ນ​ໃໝ່ທີ່​ມີ​ສີມື​ດີ​ກ້າວ​ຂຶ້ນ​ມາທົດ​ແທນ​ນັກ​ກິລາ​ຮຸ່ນ​ອ້າຍ​ໃຫ້​ໄດ້​ຫລາຍ​ທີ່​ສຸດ, ທັງ​ນີ້ເພື່ອ​ກຽມ​ຄວາມ​ພ້ອມ​ສົ່ງນັກ​ກິລາ​ຜູ້ດີ​ເດັ່ນ​ເຂົ້າ​ຮ່ວມລ່າ​ຫລຽນ​ຄຳ​ໃນ​ການ​ແຂ່ງຂັນ​ເປ​ຕັງທົ່ວ​ປະ​ເທດ ຊີງ​ຂັນ​ພະນະ​ທ່ານ​ນາຍົກລັດຖະມົນຕີ​ແຫ່ງ​ສປປ ລາວ ​ແລະ ງານ​ມະຫາ​ກຳ​ກິລາ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງເປັນ​ເຈົ້າພາບ.

ສຳລັບ​ຄະນະ​ບໍລິຫານ​ງານ​ສະຫະພັນ​ເປ​ຕັງນະຄອນຫຼວງ​ວຽງ​ຈັນຊຸດ​ໃໝ່​ນີ້ ປະກອບ​ມີ: ທ່ານ ຄຳ​ເກີດ ຟອງ​ສານຸ​ວົງ ​ເປັນ​ປະທານ, ທ່ານ ບົວ​ເພັດ ບຸນ​ເລີດ ​ເປັນ​ຮອງ​ປະທານ. ນອກຈາກ​ນັ້ນ ຍັງ​ມີ​ຄະນະ 2 ທ່ານ, ຄູ​ເຝິກ 2 ທ່ານ ​ແລະ ຄະນະ​ຄູ​ເຝິກອີກ 3 ທ່ານ.

ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່ - Wave100S AD to Website 2020 0 - ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່
ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່ - WhatsApp Image 2020 05 27 at 5 - ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່
ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່ - WhatsApp Image 2020 05 27 at 5 - ແຕ່ງຕັ້ງຄະນະບໍລິຫານເປຕັງ ນວ ຊຸດໃໝ່
error: Alert: ເນື້ອຫາຂ່າວມີລິຂະສິດ !!