ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ

ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ - southsudan 201612 dnahr1871 2 resized - ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ
ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ - Untitled design - ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ (UNHCR) ອອກ​ລາຍ​ງານ​ປະຈຳ​ປີ ​ເນື່ອງ​ໃນ​“ວັນ​ຜູ້​ລີ້​ໄພ​ໂລກ” ​ເຊິ່ງກົງ​ກັບ​ວັນ​ທີ 20 ມິຖຸນາ ຂອງ​ທຸກ​ປີ ກ່ຽວ​ກັບ​ສະຖານະ​ການ​ການ​ລີ້​ໄພ​ທົ່ວ​ໂລກ​ໃນ​ປີຜ່ານມາ​ວ່າ: ສະຖິຕິ​ການ​ເປັນ​ຜູ້​ລີ້​ໄພ, ສະ​ແຫວ​ງຫາ​ສະຖານະ​ຜູ້​ລີ້​ໄພ ຫລື ບໍ່​ມີ​ບ່ອນ​ຢູ່​ອາ​ໄສ​ພາຍ​ໃນ​ປະ​ເທດ​ຂອງ​ຕົນ​ເອງ ​ເນື່ອງ​ຈາກ​ສົງຄາມ, ຄວາມ​ຮຸນ​ແຮງ ​ແລະ ການ​ກົດ​ຂີ່​ຂູດ​ຮີດ​ໃນ​ປີຜ່ານມາມີ​ເຖິງ 68,5 ລ້ານ​ຄົນ ​ເພີ່ມ​ຂຶ້ນ​ເກືອບ 3 ລ້ານ​ຄົນ​ຈາກ​ສະຖິຕິ​ໃນ​ປີ 2016 ​ແລະ ໝາຍ​ຄວາມ​ວ່າ​ໃນ​ປະຊາກອນ​ໂລກ​ທຸກ 110 ຄົນ ຈະ​ມີ 1 ຄົນ​ຢູ່​ໃນ​ສະຖານະ​ຜູ້​ລີ້​ໄພ.

ທັງ​ນີ້, ຊີຣີຍັງ​ຄອງ​ອັນ​ດັບ 1 ຂອງ​ປະ​ເທດ​ທີ່​ປະຊາກອນ​ຢູ່​ໃນ​ສະຖານະ​ຜູ້​ລີ້​ໄພ ​ໂດຍ​ສະຖິຕິ​ໃນ​ປີຜ່ານມາ​ມີ​ຫລາຍ​ກວ່າ 6,3 ລ້ານ​ຄົນ ຄິດ​ເປັນ​ອັດຕາ​ສ່ວນ​ສູງ​ເຖິງ 1 ​ໃນ 3 ຂອງ​ປະຊາກອນ​ຜູ້​ລີ້​ໄພ ​ເຊິ່ງຢູ່​ພາຍ​ໃຕ້​ການ​ເບິ່ງ​ແຍງ​ຂອງ UNHCR ​ແລະ ​ເພີ່ມ​ຂຶ້ນ​ປະມານ 800.000 ຄົນ ຈາກ​ສະຖິຕິ​ໃນ​ປີ 2016, ​ແຕ່​ສະຖິຕິ​ດັ່ງກ່າວ​ເປັນ​ຄົນ​ລະ​ສ່ວນ​ກັບ​ຊາວ​ຊີຣີອີກ 6,2 ລ້ານ​ຄົນ ​ເຊິ່ງຄົງ​ຄ້າງ​ຢູ່​ຕາມ​ສະໜາມຮົບ ຫລື ບໍ່​ມີ​ບ່ອນຢູ່​ອາ​ໄສ​ຢູ່​ພາຍ​ໃນ​ປະ​ເທດ, ສ່ວນ​ອັນ​ດັບ 2 ຄື​ອັບ​ກາ​ນິດ​ສະຖານ ຈາກ​ສະຖິຕິ 2,6 ລ້ານ​ຄົນ ​ເພີ່ມ​ຂຶ້ນ 5% ​ໃນ​ຮອບ 1 ປີຜ່ານມາ.

​ເຖິງ​ຢ່າງ​ໃດ​ກໍ​ຕາມ, ປະ​ເທດ​ທີ່​ມີ​ອັດຕາ​ສ່ວນ​ການ​ເພີ່ມ​ຂຶ້ນຂອງ​ຜູ້​ລີ້​ໄພ​ຫລາຍ​ທີ່​ສຸດ ຄື​ຊູ​ດັງ​ໃຕ້ ​ໂດຍ​ເພີ່ມ​ຂຶ້ນຈາກ 1,4 ລ້ານ​ຄົນ​ໃນ​ໄລ​ຍະຕົ້ນປີຜ່ານມາ ​ເປັນ​ສູງ​ເຖິງ 2,4 ລ້ານ​ຄົນ ​ໃນ​ໄລຍະ​ທ້າຍ​ປີ​ດຽວ​ກັນ ສ່ວນ​ຫລາຍ​ລີ້​ໄພ​ໄປ​ປະ​ເທດ​ໃກ້​ຄຽງ​ເຊັ່ນ: ​ເກນ​ຢາ, ອູ​ກັນດາ ​ແລະ ຊູ​ດັງ. ຂະນະ​ທີ່​ສະຖິຕິ​ຜູ້​ລີ້​ໄພ​ຈາກ​ມຽນມາ​ເພີ່ມ​ຂຶ້ນ 2 ​ເທົ່າ​ໃນ​ປີຜ່ານມາ​ເປັນ 1,2 ລ້ານ​ຄົນ ​ແນ່ນອນ​ວ່າ​ສ່ວນ​ຫລາຍ​ເປັນ​ຊາວ​ໂຮຣິງຢາ​ໃນ​ລັດ​ຍະ​ໄຂ່ ​ແລະ ລີ້​ໄພ​ໄປ​ບັງ​ກະລາ​ເທດ.

ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ - WhatsApp Image 2020 05 27 at 5 - ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ
ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ - WhatsApp Image 2020 05 27 at 5 - ສະຖິຕິຜູ້ລີ້ໄພທົ່ວໂລກ ເພີ່ມຂຶ້ນເກືອບ 70 ລ້ານຄົນ
error: Alert: ເນື້ອຫາຂ່າວມີລິຂະສິດ !!