ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ

ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ - 1529372054961 960x0 - ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ
ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ - Untitled design - ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ

ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ປະກາດ​ໃນ​ວັນ​ທີ 18 ມິຖຸນາ​ນີ້ ຂູ່​ຈະ​ເກັບ​ພາສີ 10% ຈາກ​ສິນຄ້າ​ນຳ​ເຂົ້າຈາກ​ຈີນ ລວມມູນ​ຄ່າ 200.000 ລ້ານ​ໂດ​ລາ​ສະຫະລັດ ຖ້າ​ລັດຖະບານ​ຈີນ​ຍັງ​ບໍ່​ຍອມ​ປະຕິບັດ​ຕາມ​ຄຳ​ຮຽກຮ້ອງ​ຂອງ​ອາ​ເມ​ລິ​ກາ.

ທ່ານ ທຣຳ ກ່າວ​ໃນ​ຖະ​ແຫລ​ງການ​ວ່າ: ທ່ານ​ໄດ້​ຂໍ​ໃຫ້​ຜູ້​ແທນ​ການ​ຄ້າ​ຂອງ​ອາ​ເມ​ລິ​ກາລະ​ບຸ​ຊະນິດ​ສິນຄ້າ​ຂອງ​ຈີນ​ທີ່​ຈະ​ຕ້ອງ​ຖືກ​ເກັບ​ພາສີ​ໃໝ່​ໃນ​ຄັ້ງນີ້. ທ່ານ​ກ່າວ​ວ່າ: ມາດ​ຕະການ​ນີ້​ນຳ​ມາ​ໃຊ້​ເພື່ອ​ຕອບ​ໂຕ້​ການ​ຕັດສິນ​ໃຈ​ຂອງ​ຈີນ​ທີ່​ເພີ່ມ​ພາສີ​ທີ່​ຍອມຮັບ​ບໍ່​ໄດ້​ກັບ​ສິນຄ້າ​ອາ​ເມ​ລິ​ກາ​ຄິດ​ເປັນ​ມູນ​ຄ່າ 50.000 ລ້ານ​ໂດ​ລາ​ສະຫະລັດ. ທ່ານ ທຣຳ ກ່າວ​ວ່າ: ຫລັງ​ຈາກ​ຂະ​ບວນການ​ທາງ​ກົດໝາຍ​ສຳ​ເລັດ​ສົມບູນ, ການຈັດ​ເກັບ​ພາສີ​ຈະ​ມີ​ຜົນ​ບັງຄັບ​ໃຊ້ ຖ້າ​ຈີນ​ຍັງ​ບໍ່​ປ່ຽນ​ແປງ​ແນວທາງ​ປະຕິບັດ ​ແລະ ​ເດີນ​ໜ້າ​ໃຊ້​ການຈັດ​ເກັບ​ພາສີ​ສິນຄ້າ​ຈາກ​ອາ​ເມ​ລິ​ກາ​ໃນ​ອັດຕາ​ໃໝ່​ທີ່​ປະກາດ​ໃຊ້​ເມື່ອ​ມໍ່​ໆ​ນີ້. ທ່ານ ທຣຳ ກ່າວ​ວ່າ: ອາ​ເມ​ລິ​ກາ​ຕ້ອງ​ດຳ​ເນີນ​ມາດ​ຕະການ​ເພື່ອ​ກະ​ຕຸ້ນ​ໃຫ້​ຈີນ​ປ່ຽນ​ແປງ​ການ​ປະຕິບັດ​ທີ່​ບໍ່​ເປັນ​ທຳ​ກັບ​ອາ​ເມ​ລິ​ກາ, ພ້ອມ​ທັງ​ຕ້ອງ​ເປີດ​ຕະຫລາດ​ໃຫ້​ສິນຄ້າ​ອາ​ເມ​ລິ​ກາ ​ແລະ ຍອມຮັບ​ການ​ພົວພັນ​ທາງ​ການ​ຄ້າ​ທີ່​ສົມ​ດູ​ນກັບ​ອາ​ເມ​ລິ​ກາ. ​ໃນ​ອາທິດ​ຜ່ານ​ມາ, ທ່ານ ທຣຳ ປະກາດ​ເກັບ​ພາສີ 25% ຈາກ​ສິນຄ້າ​ທີ່​ນຳ​ເຂົ້າຈາກ​ຈີນ​ມູນ​ຄ່າ 50.000 ລ້ານ​ໂດ​ລາ​ສະຫະລັດ ​ເຮັດ​ໃຫ້​ຈີນ​ຕອບ​ໂຕ້​ ​ໂດຍ​ການ​ເກັບ​ພາສີ​ໃນ​ອັດຕາ​ທີ່​ເທົ່າ​ກັບ​ສິນຄ້າ​ທີ່​ສົ່ງ​ອອກ​ຈາກ​ອາ​ເມ​ລິ​ກາ.

ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ - WhatsApp Image 2020 05 27 at 5 - ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ
ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ - WhatsApp Image 2020 05 27 at 5 - ຜູ້ນຳອາເມລິກາຂູ່ຈະເກັບພາສີ ສິນຄ້າຈາກຈີນເພີ່ມອີກ
error: Alert: ເນື້ອຫາຂ່າວມີລິຂະສິດ !!