ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ

ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - images 1 - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ
ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - Untitled design - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ

ໂດຍ: ທິດກ່ຳ

ໃນຄໍລຳມື້ນີ້, ທິດກ່ຳຂໍ ເວົ້າແບບກວມລວມ ແລະ ແກ້ແບບກວມລວມ, ບໍ່ໄດ້ເວົ້າ ສະເພາະເຈາະຈົງລະບຸລາຍຊື່ທ່ານນັ້ນນາງນີ້ວ່າມີສ່ວນ ຮ່ວມການທຸຈະລິດໃຫ້ສິນບົນ-ຮັບສິນບົນຈາກຜູ້ນັ້ນຜູ້ນີ້, ພຽງແຕ່ວິເຄາະເຈາະເລິກເຖິງ ສະພາບການບ້ານເມືອງເຮົາໃນຜ່ານມາ ກໍຄືໃນປັດຈຸບັນ ເຫັນວ່າບັນຫາການສົ່ງເສີມທຸຈະລິດຜິດກົດໝາຍເປັນປາກົດ ການທີ່ພົ້ນເດັ່ນແຜ່ລາມໃນ ສັງຄົມເຮົາໃນຍຸກປັດຈຸບັນ.

 

ບັນຫາສິນບົນ ແລະ ນະໂຍບາຍບຳນານ

ປີຜ່ານມາພົບ​ການ​ສໍ້​ລາດ​ບັງ​ຫລວງ​ໃນ​ກຳລັງ ​ປກສ ​ເສຍ​ຫາຍ​ຫລາຍຕື້ກີບ

ອັນສາເຫດພາໃຫ້ທິດກ່ຳ ເວົ້າ ແລະ ຂຽນບົດນີ້ອອກມາ ກໍຍ້ອນວ່າເຫັນແຫລ່ງຂ່າວ ທາງສື່ອອນລາຍກ່າວເວົ້າຈາພາທີຕີສິນນິນທາກັນເກືອບ ເວົ້າໄດ້ວ່າເປັນບັນຫາທີ່ພົ້ນ ເດັ່ນ ແລະ ເປັນວົງກວ້າງສົມ ຄວນ. ກົກຂອງບັນຫາໃນໄລ ຍະຫລາຍປີຜ່ານມາ ກໍຄືມີ ການໃຫ້ສິນບົນ-ຮັບສິນບົນ ລະຫວ່າງກຸ່ມຄົນກັບກຸ່ມຄົນ ຫລື ບຸກຄົນກັບບຸກຄົນເກືອບ ເວົ້າໄດ້ວ່າກາຍເປັນອາຈິນ ແລະ ເຂົ້າກະດູກດຳໄປແລ້ວ.

ສະໄໝນີ້ ມັນກໍເຖິງໂອ ກາດສຸກງອມທີ່ທຸກຄົນມີສິດ ເວົ້າວ່າຕຳນິຕິຕຽນ ແລະ ສົ່ງ ຂ່າວຄາວຕໍ່ກັນໃນສິ່ງທີ່ບໍ່ດີ ໄດ້ປາກົດຕົວຂຶ້ນຢູ່ໃນສັງຄົມບ້ານເມືອງເຮົາ. ໃນຜ່ານມາ, ຊາທິດກ່ຳໄດ້ເຫັນ ແລະໄດ້ຟັງ ຕົວຈິງການເວົ້າວ່າ ກ່າວຫາ ກັນນັ້ນ, ບາງຄົນກໍຢູ່ໃນຂອບ ລັກສະນະສ້າງສັນ, ມີການ ຕຳນິຕິຊົມກັນແທ້ໂດຍຍົກ ເອົາເຫດ ແລະ ຜົນຕົວຈິງມາ ເວົ້າວ່າແທ້ ທັງຕົນເອງກໍໄດ້ ປະສົບພົບພໍ້, ເຊິ່ງການເວົ້າ ວ່າ ກ່າວຫາກໍມີເຫດມີຜົນ ແລະ ເປັນຕາຟັງ ແລະ ເປັນແນວ ຄວາມຄິດທີ່ດີຄວນເອົາໄປ ເປັນບົດຮຽນ ແລະ ຈັດຕັ້ງປະ ຕິບັດ. ແຕ່ໄປຄຽງຄູ່ກັນນັ້ນ, ມີຄົນຈຳນວນບໍ່ໜ້ອຍໄດ້ຕຳນິຕິຕຽນກັນໃນລັກສະນະໃສ່ຮ້າຍປ້າຍສີ, ກ່າວໂຈມຕີປ້ອຍ ດ້າດູຖູກຢຽບຫຍາມ ແລະ ຖິ້ມ ໂທດໃສ່ແນວທາງ ແລະ ການ ນຳພາຂອງພັກ-ລັດເຮົາ.

ດັ່ງທີ່ຮູ້ກັນແລ້ວວ່າ, ນັບ ແຕ່ປະເທດຊາດບ້ານເມືອງ ຂອງພວກເຮົາໄດ້ກ້າວສູ່ການພັດທະນາເສດຖະກິດ-ສັງຄົມຕາມແນວທາງປ່ຽນແປງໃໝ່ຢ່າງມີຫລັກການຂອງພັກ ໄດ້ ສ້າງເງື່ອນໄຂໃຫ້ປະເທດຊາດ ຂອງພວກເຮົາມີຄວາມຈະ ເລີນຮຸ່ງເຮືອງ ແລະ ພັດທະ ນາໄປຢ່າງບໍ່ຢຸດຢັ້ງ.

ໄປຄຽງຄູ່ກັບດ້ານດີ ຢ່າງ ຫລວງຫລາຍພາຍມາກແລ້ວ, ປາກົດການຫຍໍ້ທໍ້ ຫລືວ່າສິ່ງ ກະເຕິະເຮິະຮ້າຍກໍຕາມມາ ຈຳນວນບໍ່ໜ້ອຍເໝືອນດັ່ງ ຄົນກັບເງົາ, ປາກົດການທີ່ວ່າ ນີ້ກໍເກືອບເວົ້າໄດ້ວ່າມີສັບມະປີ, ມີທັງຂອງຈິງຂອງປອມ, ມີອັນດີອັນຮ້າຍ, ມີຕົວະຕົ້ມ ຫລອກຫລວງ, ມີປຸ້ນຈີ້ຂ້າ ເຈົ້າເອົາຂອງ, ເກີດພະຍາດ ໂລບມາກໂລພາ, ມີຂາຍຢາ ບ້າຄ້າຢາເມົາ, ມີສໍ້ລາດບັງ ຫລວງ, ມີຄົນຕາຍໃນທ້ອງ ຖະໜົນໃນແຕ່ລະມື້, ມີການ ຫລິ້ນກິນຟູມເຟືອຍເສລີບີແຕກ ແລະ ປາກົດການຫຍໍ້ທໍ້ອື່ນໆ ທີ່ຫລາກຫລາຍເກືອບວ່ານັບບໍ່ຖ້ວນ.

ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - Wave100S AD to Website 2020 0 - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ

ນອກຈາກສິ່ງຕ່າງໆ ທີ່ທິດກ່ຳໄດ້ກ່າວມາຂ້າງເທິງນັ້ນແລ້ວ, ປາກົດການທີ່ແຜ່ ລາມ ພົ້ນເດັ່ນຢູ່ບ້ານເຮົາໃນ ຫລາຍປີຜ່ານມາອີກອັນໜຶ່ງ ກໍແມ່ນການໃຫ້ສິນບົນຊື້ຈ້າງຈອບອອຍນັບແຕ່ອັນກິໆກີໆ ໄປຈົນຮອດຂົງເຂດວຽກງານ ສ້າງສາປະເທດຊາດບ້ານ ເມືອງ ດັ່ງສັງຄົມເຂົາຊ່າກັນ ວ່າ ຍຸກນີ້ເປັນຍຸກເສດຖະກິດ, ຍຸກເງິນຍຸກຄຳ ເຮັດຫຍັງ ກໍມີແຕ່ຈ້າງກັບຈ້າງວ່າຊັ້ນ! ຢາກເປັນຄູກໍຕ້ອງໄດ້ຈ້າງ, ຢາກເປັນແພດເປັນໝໍກໍຈ້າງ, ຢາກເປັນທະຫານຕຳຫລວດກໍຈ້າງ, ຢາກເຮັດວຽກພາສີ ອາກອນກໍຈ້າງ, ຢາກໄດ້ລາຍ ເຊັນກໍຈ້າງ, ຢາກໄດ້ໂຄງການ ກໍຈ້າງ, ຢາກເປັນເລຂາໃຫ້ ນາຍກໍຈ້າງ, ຢາກຮ່ຳຢາກ ຮຽນກໍຕ້ອງໄດ້ຈ້າງ, ໄປປິ່ນ ປົວພະຍາດຢູ່ໂຮງໝໍກໍຕ້ອງ ໄດ້ຈ້າງ, ຢາກມີຄວາມສຸກໃນ ຊີວິດກໍຕ້ອງໄດ້ຈ້າງ, ສະຫລຸບ ແລ້ວ, ໃນຍຸກເສດຖະກິດທີ່ມີ ການຂະຫຍາຍຕົວເກືອບທຸກຢ່າງກໍຕ້ອງໄດ້ຈ້າງ ແລະ ໄດ້ ເສຍເງິນກັນທັງນັ້ນ, ແຕ່ອັນ ສຳຄັນມັນກໍມີບ່ອນຈ້າງແພງຈ້າງຖືກ.

ຈາກປາກົດການ ທີ່ທິດ ກ່ຳໄດ້ຍົກມານີ້, ມັນກໍເລີຍກໍ ໃຫ້ເກີດບັນຫາລາມພະລາມ ຈົວ ແລະ ມີຄົນຈຳນວນບໍ່ ໜ້ອຍໄດ້ພາກັນສວຍໂອກາດລວາດແຂ້ວເຕົ່າ. ຂະບວນທີ່ ໜັກໜ່ວງກວ່າໝູ່ແມ່ນໃນຖັນແຖວພະນັກງານທັນໃຜທັນ ເຮັດ ທັງແບບເປີດເຜີຍ ແລະ ທັງປິດລັບໂຕທີ່ໂດດເດັ່ນ ແລະ ແຜ່ລາມໜັກກໍແມ່ນການໃຫ້ ສິນບົນ-ຮັບສິນບົນ ທັງເຮັດ ແບບບັງຟັນບໍ່ມີໃຜຮູ້, ຜູ້ໃຫ້ສິນ ບົນກໍຍິນດີຈ້າງ, ຜູ້ຮັບສິນບົນ ກໍຍິນ ດີຮັບເອົາພື້ນຖານສອງ ຝ່າຍເວົ້າວ່າ ແລະ ຕົກລົງກັນ.

ແຕ່ຜົນສຸດທ້າຍ, ໃນເມື່ອ ຝ່າຍໃດຝ່າຍໜຶ່ງປະຕິບັດຕໍ່ ຄຳສັນຍາບໍ່ໄດ້ກໍເລີຍເກີດອັບປະໂຫຍດຈົນເຖິງຂັ້ນເອົາມາ ປະຈານທານໜ້າຕາມສື່ອອນລາຍ ດັ່ງທີ່ເຮົາຮູ້ ແລະ ເຫັນ ໃນຜ່ານມາ. ຈາກນັ້ນມັນກໍ ສະທ້ອນໄປເຖິງຜູ້ມີອຳນາດ ແລະ ມີຄວາມຮັບຜິດຕໍ່ໜ້າ ກົດໝາຍ.

ເມື່ອຕັ້ງໂຈດກັນວ່າ, ຕໍ່ ບັນຫາທີ່ເກີດຂຶ້ນນີ້ຈະແກ້ ແນວໃດ? ແລະ ໃຜຈະເປັນຜູ້ ແກ້, ຊາທິດກ່ຳຄິດ, ກ່ອນອື່ນ ແມ່ນຜູ້ເຮັດເອງເປັນຜູ້ແກ້, ແຕ່ຖ້າໃຫ້ກົດໝາຍແກ້ຕ້ອງ ເຮັດຄືເປົາບຸ້ນຈິ້ນ ໂດຍເອົາ ຜູ້ກະທຳຜິດທັງສອງມາລົງ ໂທດ. ຜູ້ເປັນເຈົ້າພະນັກງານ ທີ່ໄດ້ຮັບສິນບົນຕ້ອງຕັດຫົວ ດ້ວຍດາບມັງກອນ, ຕໍ່ຜູ້ໃຫ້ສິນ ບົນຕ້ອງຕັດຫົວດ້ວຍດາບຫົວໜາ, ເພາະທັງສອງຄົນພາ ກັນ ສົ່ງເສີມການທຸຈະລິດ,ທັງຜິດກົດໝາຍຢ່າງມະຫັນ.

ຂໍໃຫ້ຜູ້ມີອຳນາດໃນ ດ້ານນີ້, ຈົ່ງໄດ້ເອົາໃຈໃສ່ ປາບການສໍ້ລາດບັງຫລວງ ດ້ານນີ້ໃຫ້ໝົດໄປໄວໆຈາກ ສັງຄົມບ້ານເຮົາ ຖ້າບໍ່ດັ່ງນັ້ນ ພວກເຂົາກໍຈະດູຖູກໃສ່ຮ້າຍ ປ້າຍສີການນຳພາຂອງພັກ-ລັດເຮົາວ່າບໍ່ເຂັ້ມແຂງເດັດ ຂາດ, ນີ້ລະສຸພາສິດເຂົາວ່າ ກວາງກິນໝາກຂາມປ້ອມພັດໄປຄາກົ້ນຂີ້ມັ່ງ ມັ່ງບໍ່ຂີ້ສາມ ມື້ກະຕ່າຍຕາຍ. ເສົາວ່າ!.

 

ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - images 1 - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ

ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - WhatsApp Image 2020 05 27 at 5 - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ
ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ - WhatsApp Image 2020 05 27 at 5 - ໃຫ້ສິນບົນ-ຮັບສິນບົນເປັນການສົ່ງເສີມທຸຈະລິດຜິດກົດໝາຍ
error: Alert: ເນື້ອຫາຂ່າວມີລິຂະສິດ !!