ໂຄງການພັດທະນາ ຢ່າໃຫ້ປະຊາຊົນເສຍອາຊີບ

ໂຄງການພັດທະນາ ຢ່າໃຫ້ປະຊາຊົນເສຍອາຊີບ - 15894545 1575486955825456 7283162011060518601 n - ໂຄງການພັດທະນາ ຢ່າໃຫ້ປະຊາຊົນເສຍອາຊີບ
ໂຄງການພັດທະນາ ຢ່າໃຫ້ປະຊາຊົນເສຍອາຊີບ - Untitled design - ໂຄງການພັດທະນາ ຢ່າໃຫ້ປະຊາຊົນເສຍອາຊີບ

ໂດຍ : ມຶກບໍ່ແຫ້ງ

ໂຄງການພັດທະນາຕ່າງໆ ທີ່ຕ້ອງການຍົກຍ້າຍປະຊາຊົນ ຫຼື ບໍ່ໄດ້ຍົກຍ້າຍນັ້ນ ພວກເຮົາມີແຜນທີ່ດີ ເກືອບທັງໝົດທຸກໂຄງການໃນການຟື້ນຟູ ຫຼື ຊ່ວຍປັບປຸງຊີວິດການເປັນຢູ່ ແຕ່ການຈັດຕັ້ງປະຕິບັດນັ້ນ ອາດແຕກຕ່າງຕາມແຕ່ລະໂຄງການ.

ລັດຖະບານພວກເຮົາ ໄດ້ຍົກໃຫ້ເຫັນວ່າ ໂຄງການພັດທະນາໄຟຟ້າພະລັງງານນໍ້າ ເທີນຫີນບູນເປັນ ແບບຢ່າງທີ່ດີ ໃນການຟື້ນຟູຊີວິດການເປັນຢູ່ຂອງປະຊາຊົນພາຍຫຼັງຍົກຍ້າຍ ຫຼື ຍັບຍ້າຍ ເຊິ່ງຜູ້ຂຽນ ກໍເຫັນດີຢ່າງຍິ່ງ ເພາະໄດ້ໄປເຫັນກັບຕາ. ທາງໂຄງການ ບໍ່ສະເພາະແຕ່ເອົາໃຈໃສ່ ປະຊາຊົນ ທີ່ໄດ້ຮັບຜົນກະທົບ ຢູ່ໜ້າເຂື່ອນ ແຕ່ປະຊາຊົນຢູ່ ລຸ່ມເຂື່ອນກໍຫາກໄດ້ຮັບການເອົາໃຈໃສ່ດີສົມຄວນ.

ໂຄງການໄດ້ປະກອບສ່ວນສ້າງອາຊີບໃຫ້ປະຊາຊົນ ຢ່າງຫຼາກຫຼາຍເປັນຕົ້ນ ການກະສິກຳ, ການຫັດຖະກຳລ້ຽງສັດ ສະໜອງກອງທຶນເພື່ອໃຫ້ປະຊາຊົນໄດ້ກູ້ຢຶມ ແລະ ທ້ອນແຮໄວ້ໃນຍາມຈຳເປັນ ແລະ ກິດຈະກຳການພັດທະນາຊີວິດການເປັນຢູ່ອື່ນໆ ເຖິງປານນັ້ນ ປະຊາຊົນບາງບ້ານກໍຍັງຈົ່ມວ່າ ພາຍຫຼັງສ້າງເຂື່ອນແລ້ວ ນໍ້າຫີນບູນໄຫຼແຮງ, ຫາປາບໍ່ໄດ້ຄືແຕ່ກ່ອນ, ດິນເຊາະເຈື່ອນ ເຮັດສວນແຄມນໍ້າກໍບໍ່ ໄດ້ດີອີກ.

ຄຳຖາມກໍຄື ເມື່ອບາງໂຄງການເຮັດໄດ້ດີ ແຕ່ເປັນຫຍັງບາງໂຄງການຈຶ່ງເຮັດບໍ່ໄດ້ດີ ໃນການ ຊົດເຊີຍ, ປັບປຸງຊີວິດການເປັນຢູ່ຂອງປະຊາຊົນຕາມຄວາມເໝາະສົມດັ່ງທີ່ຂຽນໄວ້ໃນແຜນ, ພວກເຮົາຄວນມີມາດ ຖານດຽວກັນ ຫຼື ຄ້າຍຄືກັນແນ່ບໍ່? ຕົວຢ່າງ ປະຊາຊົນ ເຂດເມືອງໂຂງ ທີ່ຢຶດອາຊີບການຫາປາ ມາແຕ່ດຶກດຳບັນ ເພື່ອລ້ຽງຊີບ, ອາຫານກໍແມ່ນປາ ແລະລາຍໄດ້ກໍແມ່ນປາ ແຕ່ພາຍຫຼັງໂຄງການພັດທະນາ, ພວກເຮົາກໍໄດ້  ຫ້າມການນຳໃຊ້ ລີ້ ເພື່ອຈັບປາ ທີ່ຖືວ່າເປັນໄພຂົ່ມຂູ່ຕໍ່ປະຊາກອນປາ.

ໂຄງການພັດທະນາ ຢ່າໃຫ້ປະຊາຊົນເສຍອາຊີບ - Wave100S AD to Website 2020 0 - ໂຄງການພັດທະນາ ຢ່າໃຫ້ປະຊາຊົນເສຍອາຊີບ

ໃນທາງທິດສະດີ ປາອາດເພີ່ມຂຶ້ນ ແຕ່ຄຳຖາມກໍຄື ພວກເຮົາຈະເຮັດແນວໃດ ໃຫ້ປະຊາຊົນມີອາຊີບ, ມີລາຍໄດ້ ເພື່ອທົດແທນການຫາປາ ຄືແຕ່ກອ່ນ? ໃນປັດຈຸບັນ ປະຊາຊົນ ບ້ານດອນຊະໂຮງ ເວົ້າວ່າ ເຂົາເຈົ້າບໍ່ມີລາຍໄດ້ຫຍັງ ເພາະຫາປາບໍ່ໄດ້ ເຊິ່ງເຮັດໃຫ້ປະຊາຊົນບາງຈຳນວນກໍໜີ ໄປຊອກເຮັດວຽກຢູ່ປະເທດເພື່ອນບ້ານ, ຄົນຂີ້ລັກຢູ່ບ້ານ ກໍເພີ່ມຂຶ້ນ.

ນັກຄົ້ນຄ້ວາ ທ່ານຫນຶ່ງຂອງມະຫາວິທະຍາໄລແຫ່ງຊາດ ກ່າວວ່າ “ຂ້າພະເຈົ້າເປັນຫ່ວງຫຼາຍຕໍ່ຜົນປະໂຫຍດຂອງ ປະຊາຊົນ ທີ່ອາດສູນເສຍ ຫຼື ບໍ່ໄດ້ຮັບການຊົດເຊີຍຢ່າງເໝາະສົມຈາກ ໂຄງການພັດທະນາຕ່າງໆ, ສິ່ງສຳຄັນ ເຈົ້າໜ້າທີ່ ລັດຖະບານພວກເຮົາຕ້ອງເຂັ້ມແຂງ ແລະ ສັດຊື່ ໃນການຕິດຕາມກວດກາ ການຈັດຕັ້ງປະຕິບັດ ຂອງຜູ້ພັດທະນາ ເພື່ອຮັບປະກັນວ່າ  ເຂົາເຈົ້າໄດ້ເຮັດຕາມແຜນທີ່ຕົກລົງກັນກັບລັດຖະບານ ກໍຄືປະຊາຊົນພວກເຮົາໃນເບື້ອງຕົ້ນ ໃຫ້ໄດ້”.

ຜູ້ຂຽນກໍຄິດວ່າ ຜູ້ພັດທະນາ ຫຼື ຜູ້ລົງທຶນທຸກຄົນ ກໍອາດລັງເລໃຈທີ່ຈະຈົກຖົງ ທັ້ງທີ່ມີເງິນຢູ່ ເພື່ອຊົດເຊີຍຕໍ່ກັບຜູ້ໄດ້ຮັບຜົນກະທົບ ເພາະລົງທຶນກໍຕ້ອງການກຳໄລ (ບາງຜ່ອງຢາກໄດ້ກຳໄລ ຫຼາຍໂພດ) ແຕ່ ກໍຂຶ້ນກັບເຮົາ ເຈົ້າຂອງປະເທດ ທີ່ຈະເຮັດແນວໃດໃຫ້ ການລົງທຶນທຸກໂຄງການ ທີ່ມີຄວາມຮັບຜິດຊອບຕໍ່ສັງຄົມ, ຕໍ່ການພັດທະນາຊີວິດການເປັນຢູ່ຂອງປະຊາຊົນໃຫ້ດີຂຶ້ນຕາມທີ່ເວົ້າໄວ້ກ່ອນໂຄງການເລີ່ມ.

ໂຄງການພັດທະນາ ຢ່າໃຫ້ປະຊາຊົນເສຍອາຊີບ - WhatsApp Image 2020 05 27 at 5 - ໂຄງການພັດທະນາ ຢ່າໃຫ້ປະຊາຊົນເສຍອາຊີບ
ໂຄງການພັດທະນາ ຢ່າໃຫ້ປະຊາຊົນເສຍອາຊີບ - WhatsApp Image 2020 05 27 at 5 - ໂຄງການພັດທະນາ ຢ່າໃຫ້ປະຊາຊົນເສຍອາຊີບ
error: Alert: ເນື້ອຫາຂ່າວມີລິຂະສິດ !!