ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3

ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3 - Untitled design - ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3

ເມື່ອບໍ່ດົນມານີ້, ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ຄຳມະນີ ອິນທິລາດ ແລະ ຄະນະ, ໄດ້ລົງເຄື່ອນໄຫວຢ້ຽມຢາມໂຄງການກໍ່ສ້າງເຂື່ອນໄຟຟ້ານ້ຳງື່ມ 3 ຕັ້ງຢູ່ເຂດເມືອງລ້ອງແຈ້ງແຂວງໄຊສົມບູນ, ໂດຍແມ່ນບໍລິສັດ ໄຟຟ້ານ້ຳງື່ມ 3 ທີ່ຂຶ້ນກັບລັດວິສາຫະກິດໄຟຟ້າລາວເປັນຜູ້ພັດທະນາ.

ໃນໂອກາດນີ້, ທ່ານລັດຖະມົນຕີໄດ້ຮັບຟັງລາຍງານຈາກຫົວໜ້າຫ້ອງການວິສະວະກຳກໍ່ສ້າງບໍລິສັດນ້ຳງື່ມ 3 ວ່າ: ໂຄງການນີ້, ໄດ້ເລີ່ມລົງມືກໍ່ສ້າງມາແຕ່ປີ 2015 ແລະ ຈະໃຫ້ສຳເລັດໃນທ້າຍປີ 2021, ມີກຳລັງຕິດຕັ້ງທັງໝົດ 480 ເມກາວັດ, ມີຈັກປັ່ນໄຟ 3 ເຄື່ອງ, ເຄື່ອງລະ 160 ເມກາວັດ, ໂດຍແມ່ນບໍລິສັດຊີໂນໄຮໂດຣ ຈາກ ສປຈີນ ເປັນຜູ້ຮັບເໝົາກໍ່ສ້າງ, ລວມມີມູນຄ່າ 1.290 ລ້ານໂດລາສະຫະລັດ, ຊຶ່ງກະແສໄຟຟ້າຈະເຊື່ອມຕໍ່ເຂົ້າກັບລະບົບສາຍສົ່ງຂອງໄຟຟ້າລາວ, ກ່ອນຈະສົ່ງຂາຍໃຫ້ການໄຟຟ້າຝ່າຍຜະລິດແຫ່ງປະເທດໄທ. ລັກສະນະຂອງເປັນເຂື່ອນຖົມດ້ວຍຫີນ ແລະ ປົກໜ້າດ້ວຍຄອນກີດເສີມເຫລັກ, ມີຄວາມສູງ 210 ແມັດ, ຍາວ 518 ແມັດ, ຄວາມກວ້າງຂອງສັນເຂື່ອນ 8 ແມັດ, ອ່າງເກັບນ້ຳຍາວ 55 ກິໂລແມັດ, ເນື້ອທີ່ອ່າງໂຕ່ງ 3.913 ກິໂລຕາ ແມັດ, ເນື້ອທີ່ອ່າງເກັບນ້ຳ 27,50 ກິໂລຕາແມັດ ແລະ ລະດັບຄວາມສູງຂອງນ້ຳຕົກ 341 ແມັດ, ມີອຸໂມງອວ່າຍນ້ຳຍາວ 930 ກວ່າແມັດ ແລະ ອຸໂມງສົ່ງນ້ຳຍາວ 10 ກວ່າກິໂລແມັດ. ມາຮອດປັດຈຸບັນໂຄງການກໍ່ສ້າງມີຄວາມຄືບ ໜ້າກວ່າ 47% ແລະ ຄາດວ່າຈະໃຫ້ສຳເລັດຕາມແຜນການວາງໄວ້.

ທ່ານຫົວໜ້າວິສະວະກໍາ ໃຫ້ຮູ້ວ່າ: ໂຄງການນີ້ສົ່ງຜົນກະທົບຕໍ່ປະຊາຊົນບ້ານຊຽງແດດເມືອງພູກູດແຂວງຊຽງຂວາງຈຳນວນ 161 ຄອບຄົວ, ໃນນັ້ນ 28 ຄອບຄົວແມ່ນກະທົບຕໍ່ສິ່ງປຸກສ້າງ, ທີ່ເຫລືອແມ່ນກະທົບທັງສິ່ງປຸກສ້າງ ແລະ ເນື້ອທີ່ການຜະລິດ, ຊຶ່ງໄດ້ມີການຊົດເຊີຍໂດຍຈະສ້າງບ້ານຈັດສັນໃຫ້, ພ້ອມສ້າງສິ່ງອຳນວຍຄວາມສະດວກ, ສາທາລະນຸປະໂພກຕ່າງໆ. ຕາມການສຳຫລວດເບື້ອງຕົ້ນການຊົດເຊີຍທັງໝົດຕົກຢູ່ປະມານ 13 ຕື້ກວ່າກີບ ແລະ ປັດຈຸບັນກຳລັງເລັ່ງດຳເນີນການແກ້ໄຂໃນດ້ານນີ້ໃຫ້ສໍາເລັດໂດຍໄວ.

ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3 - Wave100S AD to Website 2020 0 - ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3

ໃນໂອກາດນີ້, ທ່ານລັດຖະມົນຕີກະຊວງພະລັງງານ ແລະ ບໍ່ແຮ່ ໄດ້ສະແດງຄວາມຊົມເຊີຍຕໍ່ໂຄງການດັ່ງກ່າວ ແລະ ຫວັງວ່າຜູ້ຮັບເໝົາກໍ່ສ້າງຈະເລັ່ງຈັດຕັ້ງປະຕິບັດໃຫ້ສຳເລັດຕາມແຜນການວາງໄວ້, ອັນສໍາຄັນແມ່ນຕ້ອງນໍາໃຊ້ເຕັກນິກການກໍ່ສ້າງໃຫ້ມີຄຸນນະພາບຕະຖານທີ່ກຳນົດໄວ້, ພ້ອມທັງເອົາໃຈໃສ່ບັນຫາສິ່ງແວດລ້ອມໃຫ້ດີ, ເນື່ອງຈາກທຸກໂຄງການພັດທະນາຂອງລັດຖະບານ ຈະຖືສໍາຄັນການຮັກສາສິ່ງແວດລ້ອມຕາມທິດຍືນຍົງ, ໄປຄຽງຄູ່ການໃຈໃສ່ຟື້ນຟູຊີວິດການເປັນຢູ່ຂອງປະຊາຊົນຜູ້ທີ່ຖືກຜົນກະທົບໃຫ້ເຂົາເຈົ້າມີຊີວິດດີຂຶ້ນກວ່າເກົ່າ, ພ້ອມທັງຊຸກຍູ້ສົ່ງເສີມປະຊາຊົນໃນຂອບເຂດໃກ້ຄຽງໂຄງການໃຫ້ມີອາຊີບ ເພື່ອສ້າງລາຍຮັບໃຫ້ຄອບຄົວເພີ່ມຂຶ້ນ.

ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3 - WhatsApp Image 2020 05 27 at 5 - ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3
ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3 - WhatsApp Image 2020 05 27 at 5 - ລັດຖະມົນຕີພະລັງງານ-ບໍ່ແຮ່ ລົງຊຸກຍູ້ການກໍ່ສ້າງເຂື່ອນໄຟຟ້ານໍ້າງື່ມ 3
error: Alert: ເນື້ອຫາຂ່າວມີລິຂະສິດ !!