ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ

ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ - hospital - ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ
ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ - Untitled design - ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ

ໃນວັນທີ 19 ມິຖຸນານີ້, ໂຮງໝໍແມ່ ແລະ ເດັກເກີດໃໝ່, ໄດ້ຈັດພິທີສະເຫລີມສະຫລອງວັນການແພດລາວ 18 ມິຖຸນາ, ໂດຍການເປັນປະທານຂອງທ່ານ ດຣ ພັດ ເກິ່ງຊາເນດ ອໍານວຍການໂຮງໝໍແມ່ ແລະ ເດັກເກີດໃໝ່, ມີຄະນະອໍານວຍການ, ພ້ອມດ້ວຍແພດໝໍເຂົ້າຮ່ວມເປັນຈໍານວນຫລາຍ.

ໃນໂອກາດນີ້, ທ່ານອໍານວຍການໄດ້ຍົກໃຫ້ເຫັນຄວາມໝາຍສໍາຄັນຂອງວັນດັ່ງກ່າວວ່າ: ວັນແພດລາວ, ແມ່ນວັນປະຫວັດສາດໜຶ່ງຂອງຂະແໜງສາທາ ລະນະສຸກ, ເປັນວັນສ້າງຂະບວນການກິດຈະກຳຕ່າງໆ ເພື່ອລະນຶກເຖິງຜົນງານ ແລະ ສັນລະເສີມຄຸນງາມຄວາມດີຂອງແພດລາວໃນສະໄໝຕໍ່ສູ້ກູ້ຊາດ ກໍຄືສະໄໝປົກປັກຮັກສາ ແລະ ສ້າງສາປະເທດຊາດ. ການສະຫລອງວັນດັ່ງກ່າວຍັງເປັນການປູກຈິດສຳນຶກໃຫ້ພະນັກງານແພດໝໍ, ພະຍາບານ, ພະນັກງານສາທາລະນະສຸກລາວ ໄດ້ຮ່ຳຮຽນເອົາແບບຢ່າງອັນດີງາມຂອງແພດໝໍ ແລະ ພະນັກງານສາທາລະນະສຸກຮຸ່ນກ່ອນ, ພ້ອມທັງອອກແຮງຝຶກຝົນຫລໍ່ຫລອມຕົນເອງໃຫ້ ພຽບພ້ອມໄປດ້ວຍຄຸນສົມບັດ, ຈັນຍາທຳວິຊາຊີບ ແລະ ຄວາມຊຳນານງານດ້ານວິຊາສະເພາະ, ເພື່ອກາຍເປັນແພດແຫ່ງຊາດ ແລະ ແພດປະຊາຊົນໃຫ້ສົມກຽດສັກສີທີ່ວ່າ: “ເປັນນັກຮົບເສື້ອຂາວປະຕິວັດຂອງພັກ ແລະ ຮັກຫອມຄົນເຈັບປຽບເໝືອນແມ່ຜູ້ໃຈດີ”. ດັ່ງນັ້ນ, ການສະຫລອງວັນແພດລາວໃນປີນີ້ຈຶ່ງມີ ຄຳຂວັນຄື: ຊົມເຊີຍວັນແພດລາວວັນທີ 18 ມິຖຸນາຢ່າງສຸດໃຈ ແລະ ສູ້ຊົນຈັດຕັ້ງປະຕິບັດນະໂຍບາຍ 5 ດີ 1 ພໍໃຈໃຫ້ປະກົດຜົນເປັນຈິງ.

ໃນໂອກາດນີ້, ຜູ້ເຂົ້າຮ່ວມຍັງໄດ້ຮັບຟັງກ່ຽວກັບໜ້າທີ່ຂອງແພດໝໍໃນການຮັບໃຊ້ປະຊາຊົນໃຫ້ມີຄຸນນະພາບ, ໂດຍສະເພາະເນັ້ນໃສ່ດ້ານຈັນຍາບັນ-ຈັນຍາທໍາຂອງແພດໝໍໃນການປະຕິບັດໜ້າທີ່ໃຫ້ຖືກຕາມລະບຽບກົດໝາຍ ແລະ ຄຸນນະທໍາ, ເຊິ່ງສະເໜີໂດຍທ່ານ ດຣ ເສດ ຈິດຕະນະວັນ ອະດິດອໍານວຍການໂຮງໝໍແມ່ ແລະ ເດັກເກີດໃໝ່ ແລະ ຮັບຟັງກ່ຽວກັບທິດທາງຂອງຂະແໜງສາທາລະນະສຸກ ກໍຄືແຜນພັດທະນາໂຮງໝໍແມ່ ແລະ ເດັກເກີດໃໝ່ໃນຕໍ່ໜ້າ ເພື່ອໃຫ້ມີຄຸນນະພາບ ແລະ ທັນສະໄໝຂື້ນເທື່ອລະກ້າວ, ໂດຍເນັ້ນໃສ່ການປະຕິບັດຄໍາຂວັນທີ່ວ່າ: ການຮັບຕ້ອນດີ, ສະອາດດີ, ສະດວກດີ, ບົ່ງມະຕິດີ, ປີ່ນປົວດີ ແລະ ຜູ້ມາໃຊ້ບໍລິການພໍໃຈ, ເຊິ່ງສະເໜີໂດຍທ່ານ ດຣ ສີວັນໄຊ ຈັຍທະວົງສັກ ຮອງອໍານວຍການໂຮງໝໍແມ່ ແລະ ເດັກເກີດໃໝ່.

ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ - Wave100S AD to Website 2020 0 - ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ

 

ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ - WhatsApp Image 2020 05 27 at 5 - ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ
ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ - WhatsApp Image 2020 05 27 at 5 - ໂຮງໝໍ ແລະ ເດັກເກີດໃໝ່ສະຫລອງວັນແພດລາວ 18 ມິຖຸນາ
error: Alert: ເນື້ອຫາຂ່າວມີລິຂະສິດ !!