ກິນໝູກອບໃຫ້ແຊບແບບບໍ່ມີໂທດ

ກິນໝູກອບໃຫ້ແຊບແບບບໍ່ມີໂທດ - 011906 2018 -  ກິນໝູກອບໃຫ້ແຊບແບບບໍ່ມີໂທດ
ກິນໝູກອບໃຫ້ແຊບແບບບໍ່ມີໂທດ - Untitled design -  ກິນໝູກອບໃຫ້ແຊບແບບບໍ່ມີໂທດ

ກ່ອນຈະເປັນໝູກອບຂອງແຕ່ລະຮ້ານນັ້ນ ຕ້ອງຜ່ານຂະບວນການປຸງແຕ່ງຫລາຍຂັ້ນຕອນ ຂຶ້ນກັບສູດຂອງແຕ່ລະບ່ອນ, ແຕ່ແນວໃດຢ່າງໜ້ອຍວັດຖຸດິບຕົ້ນຕໍກໍຈະແມ່ນໝູສາມຊັ້ນ ທີ່ນອກຈາກຈະມີໄຂມັນຫລາຍແລ້ວ ຍັງຕ້ອງເອົາໄປຈືນໃນນຳ້ມັນອີກ ແບບນີ້ຈະບໍ່ໃຫ້ຕຸ້ຍໄດ້ແນວໃດ ?

ນຳ້ມັນທີ່ໃຊ້ຈືນໝູກອບສ່ວນຫລາຍຈະເລືອກໃຊ້ນຳ້ມັນໝູ, ນຳ້ມັນປາມ ທີ່ເຖິງວ່າຈະເໝາະສົມຕໍ່ການປະກອບອາຫານຈືນ, ແຕ່ສານພິດທີ່ເກີດຈາກການຈືນດົນໆ ຈືນຊຳ້ຫລາຍເທື່ອກໍເຮັດໃຫ້ສ່ຽງຕໍ່ການເປັນພະຍາດມະເຮັງໄດ້.

ນອກຈາກນີ້, ຄວາມເຄັມທີ່ມາຈາກການເອືອບ ຫລື ໝັກໝູ ກໍເປັນສາເຫດສຳຄັນຂອງພະຍາດຕ່າງໆອີກຫລາຍ ເຊັ່ນ : ພະຍາດໝາກໄຂ່ຫລັງ ດັ່ງທີ່ຫລາຍຄົນເຂົ້າໃຈວ່າມາຈາກການກິນເຄັມຫລາຍເກີນໄປ, ຄວາມດັນເລືອດສູງ ແລະອື່ນໆ.

     ຕໍ່ໄປນີ້ແມ່ນ 15 ພະຍາດທີ່ມາພ້ອມກັບໝູກອບ :

ກິນໝູກອບໃຫ້ແຊບແບບບໍ່ມີໂທດ - Wave100S AD to Website 2020 0 -  ກິນໝູກອບໃຫ້ແຊບແບບບໍ່ມີໂທດ
  1. ຕຸ້ຍ ແລະ ມີພຸງ.
  2. ກ້າມຊີ້ນຫົວໃຈເຮັດວຽກຜິດປົກກະຕິ.

3.​ ຄວາມດັນເລືອດສູງ.

  1. ເບົາຫວານ.
  2. ພະຍາດໝາກໄຂ່ຫລັງ.
  3. ສະໝອງເສື່ອມ.
  4. ຫລອດເລືອດຫົວໃຈ ແລະ ສະໝອງຕີບ.
  5. ພະຍາດລະບົບການຫາຍໃຈ.
  6. ພະຍາດມະເຮັງປອດ.
  7. ມະເຮັງເມັດເລືອດຂາວ.
  8. ມະເຮັງກະເພາະອາຫານ.
  9. ມະເຮັງກະດູກ.
  10. ມະເຮັງຕັບ.
  11. ມະເຮັງເຕົ້ານົມ.
  12. ມະເຮັງປາກມົດລູກ.

     – ກິນໝູກອບແນວໃດໃຫ້ປອດໄພ ?

ບໍ່ແມ່ນວ່າຈະບໍ່ໃຫ້ກິນໝູກອບເລີຍ ທ່ານຍັງສາມາດກິນໄດ້ ແຕ່ຄວນກິນໃນປະລິມານທີ່ພໍດີພໍງາມ ບໍ່ຫລາຍຈົນເກີນໄປ, ບໍ່ກິນຕະຫລອດ ເຊັ່ນ : ອາທິດລະ 1 – 2 ເທື່ອ, ກິນອາຫານຢ່າງອື່ນຄຽງຄູ່ໄປນຳ ເຊັ່ນ : ຜັກຕ່າງໆ, ທັນຍາພືດທີ່ມີກາກໄຍອາຫານສູງ ແລະ ຜ່ານຂະບວນການປຸງແຕ່ງຈຳພວກຕົ້ມ, ແກງ, ໜຶ້ງ ແທນການຂົ້ວ, ຈືນ ແລະ ສິ່ງສຳຄັນຕ້ອງໝັ່ນອອກກຳລັງກາຍເປັນປະຈຳ ເພື່ອສຸຂະພາບທີ່ດີ ໂດຍໄດ້ກິນອາຫານທີ່ແຊບ, ແຕ່ສຸຂະພາບຍັງແຂງແຮງປອດໄພດີ.

ກິນໝູກອບໃຫ້ແຊບແບບບໍ່ມີໂທດ - WhatsApp Image 2020 05 27 at 5 -  ກິນໝູກອບໃຫ້ແຊບແບບບໍ່ມີໂທດ
ກິນໝູກອບໃຫ້ແຊບແບບບໍ່ມີໂທດ - WhatsApp Image 2020 05 27 at 5 -  ກິນໝູກອບໃຫ້ແຊບແບບບໍ່ມີໂທດ
error: Alert: ເນື້ອຫາຂ່າວມີລິຂະສິດ !!