ແຟນບານຍີ່ປຸ່ນ ເກັບຂີ້ເຫຍື້ອ ຫລັງຈົບການແຂ່ງຂັນ
June 20, 2018 - 5:20 PM
ແຟນບານທີມຊາດຍີ່ປຸ່ນຫລາຍຄົນ ຊ່ວຍກັນເກັບຂີ້ເຫຍື້ອທີ່ຕົກຢູ່ພາຍໃນສະໜາມ ເຊິ່ງເປັນສະຖານທີ່ໃຊ້ຈັດການແຂ່ງຂັນບານໂລກ ລະຫວ່າງ ທີມຊາດຍີ່ປຸ່ນ ກັບ ທີມຊາດໂຄລົມເບຍ ໃນວັນທີ 19 ມິຖຸນາ.
ໂດຍຫລັງການແຂ່ງຂັນຈົບລົງ ບັນດາແຟນບານຊາວຍີ່ປຸ່ນໄດ້ຊ່ວຍກັນເກັບຂີ້ເຫຍື້ອທີ່ຕົກຢູ່ບໍລິເວນບ່ອນນັ່ງໃນສະໜາມທີ່ໃຊ້ແຂ່ງຂັນ. ຂະນະທີ່ລາຍງານຂອງ BBC ລະບຸວ່າ: ນີ້ບໍ່ແມ່ນເທື່ອທຳອິດທີ່ແຟນບານຍີ່ປຸ່ນຊ່ວຍກັນເກັບຂີ້ເຫຍື້ອຫລັງຈົບການແຂ່ງຂັນ “ນີ້ບໍ່ເປັນພຽງສ່ວນໜຶ່ງຂອງວັດທະນະທຳບານເຕະ ແຕ່ເປັນສ່ວນໜຶ່ງຂອງວັດທະນະທຳຍີ່ປຸ່ນ”.
