ເຊເນກັລ ທີມດຽວຈາກອາຟຣິກາ ມີໄຊ ໃນບານໂລກນັດທຳອິດ ລົ້ມທີມໃຫຍ່ຈາກເອີຣົບ

ເຊເນກັລ ຕົວແທນ 1 ໃນ 5 ຈາກທະວີບອາຟຣິກາ ປາບ ທີມຊາດໂປແລນ 2-1. ເຊເນກັລ ນໍາກ່ອນ 2 ຫນ່ວຍຈາກການສະກັດເຂົ້າປະຕູຕົນເອງຂອງ ເຕຍໂກ້ ໂຊເນັກ ນາທີ 37 ແລະ ເອັມເບ້ນ່ຽງ ນາທີ 60. ໂປ​ແລນ ແກ້ໄດ້ພຽງຫນ່ວຍດຽວຈາກ ຄີໂຊວ້ຽກ ນາທີ 86.

ເຊເນກັລ ສາມາດລົ້ມທີມໃຫຍ່ຈາກເອີຣົບໃນບານໂລກຮອບສຸດທ້າຍ ເປັນທີມທີ 3 ຕໍ່ຈາກຝຣັ່ງ ແລະ ສະວີເດັນ ແລະ ເປັນທີມດຽວຈາກອາຟຣິກາທີ່ມີໄຊນັດທີ 1 ບານໂລກຄັ້ງນີ້, ສ່ວນ ເອຢິບ, ໂມຣັອກໂກ), ໄນຈີເຣຍ ແລະ ຕູນີເຊຍ ເສຍຫມົດ.

ຂະນະທີ່ ເຕຍໂກ້ ໂຊເນັກ ເປັນນັກເຕະຄົນທຳອິດຂອງໂປ​ແລນ ຍິງປະຕູຕົນເອງໃນບານໂລກຮອບສຸດທ້າຍ.

ນັດທີ 2 ຂອງກຸ່ມ H ຈະແຂ່ງຂັນໃນວັນທີ 24 ມິຖຸນານີ້ ຍີ່ປຸ່ນ ພົບກັບ ເຊເນກັລ, ໂປ​ແລນ ພົບກັບ ໂຄລົມ​ເບຍ.