ອາເມລິກາລາອອກຈາກ ຄະນະມົນຕີສິດທິມະນຸດ ສປຊ

ອາເມລິກາລາອອກຈາກ ຄະນະມົນຕີສິດທິມະນຸດ ສປຊ - UN 1 900x420 - ອາເມລິກາລາອອກຈາກ ຄະນະມົນຕີສິດທິມະນຸດ ສປຊ
ອາເມລິກາລາອອກຈາກ ຄະນະມົນຕີສິດທິມະນຸດ ສປຊ - Untitled design - ອາເມລິກາລາອອກຈາກ ຄະນະມົນຕີສິດທິມະນຸດ ສປຊ

ອາ​ເມ​ລິ​ກາ​ຖອນ​ຕົວຈາກ​ຄະນະມົນຕີສິດທິ​ມະນຸດ​ແຫ່ງ​ສະຫະ​ປະຊາ​ຊາດ (UNHRC) ​ແລ້ວ ​ໂດຍ​ອ້າງ​ວ່າ​: ມີອະຄະຕິ​ຕໍ່​ອິດສະ​ລາ​ແອນ ​ແລະ ບໍ່​ມີ​ການ​ປະຕິ​ຮູບ, ສ່ວນ​ນັກ​ເຄື່ອນ​ໄຫວ​ເຕືອນ​ວ່າ: ຈະ​ຍິ່ງ​ເຮັດ​ໃຫ້ການ​ປົກ​ປ້ອງ​ສິດທິ​ມະນຸດ​ໂລກ​ເຮັດ​​ໄດ້​ຍາກ​ຂຶ້ນ.

ທ່ານ​ນາງ ນິກກີ ຮາ​ລີ ​ເອກ​ອັກຄະລາຊະທູດ​ອາ​ເມ​ລິ​ກາ​ປະຈຳ UN ​ແລະ ທ່ານ ​ໄມ ປອມ​ເປ​ໂອ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ຮ່ວມ​ກັນ​ປະກາດ​ເລື່ອງ​ອາ​ເມ​ລິ​ກາ​ຂໍ​ຖອນ​ຕົວ​ຈາກ UNHRC ​ໃນ​ວັນ​ທີ 19 ມິຖຸນາ​ຕາມ​ເວລາ​ອາ​ເມ​ລິ​ກາ. ນາງ ຮາ​ລີ ປະນາມຣັດ​ເຊຍ, ຈີນ, ກູ​ບາ ​ແລະ ​ເອຢິບ ວ່າ​: ຂັດຂວາງ​ຄວາມ​ພະຍາຍາມ​ຂອງ​ອາ​ເມ​ລິ​ກາ​ທີ່​ຈະ​ປະຕິ​ຮູບ​ອົງກອນນີ້, ວິຈານ​ປະ​ເທດ​ທີ່​ມີຄ່າ​ນິຍົມ​ດຽວ​ກັບ​ອາ​ເມ​ລິ​ກາ ​ແລະ ​ເກ້​ຍກ່ອມ​ໃຫ້​ອາ​ເມ​ລິ​ກາຢູ່​ຕໍ່​ໄປ ​ແຕ່​ບໍ່​ຄິດ​ຈະ​ປ່ຽນ​ແປງ​ສິ່ງ​ທີ່​ເປັນ​ຢູ່​ຢ່າງ​ຈິງ​ຈັງ, ຕຳ​ໜິສະມາຊິກ​ທີ່​ບໍ່​ເຄົາລົບ​ສິດທິ​ພື້ນຖານ​ ຄື​ເວ​ເນ​ຊູ​ເອລາ, ຈີນ, ກູ​ບາ, ສາທາລະນະ​ລັດ ປະຊາທິປະ​ໄຕ ກົງ​ໂກ ​ແຕ່​ບໍ່​ລະບຸ​ຊື່​ຊາ​ອຸ​ດິ ອາຣະບີ. ນາງ ຮາ​ລີ ລະບຸ​ຕໍ່​ໄປ​ວ່າ: ການ​ທີ່ UNHRC ​​ເປັນ​ປໍ​ລະ​ປັກ​ຕໍ່​ອິດສະ​ລາ​ແອນ​ສະ​ແດງ​ໃຫ້​ເຫັນ​ຈະ​ແຈ້ງວ່າ: ອົງ​ກອນ​ນີ້​ຂັບ​ເຄື່ອນ​ດ້ວຍ​ອະຄະຕິ​ທາງ​ການ​ເມືອງ, ບໍ່​ແມ່ນ​ສິດທິ​ມະນຸດ.

ຖື​ເປັນ​ອີກ​ເທື່ອ​ໜຶ່ງ​ທີ່​ອາ​ເມ​ລິ​ກາ​ຖອນ​ຕົວ​ຈາກ​ການ​ມີ​ສ່ວນ​ຮ່ວມ​ກັບ​ນາໆ​ຊາດ ຫລັງ​ຖອນ​ຕົວ​ຈາກ​ຂໍ້​ຕົກລົງ​ໂລກ​ຮ້ອນ​ປາຣີສ ​ແລະ ຂໍ້​ຕົກລົງນິວ​ເຄຼຍອີຣານ​ໄປກ່ອນ​ໜ້າ​ນີ້ ​ແລະ ​ເປັນ​ໄລຍະ​ທີ່​ອາ​ເມ​ລິ​ກາ​ກຳລັງ​ຖືກ​ວິຈານ​ນະ​ໂຍບາຍ​​ແຍກ​ເດັກ​ຈາກ​ພໍ່​ແມ່​ລັກລອບ​ເຂົ້າ​ເມືອງ​ທີ່​ຊາຍ​ແດນ​​​ເບື້ອງ​ເມັກ​ຊິກ. ​ເຈົ້າຊາຍ​ເຊ​ອິດ ບິນ ຣາອັດ ​ເຊ​ອິດ ອັລ ຮຸ​ສ​ເຊ​ນ ຂ້າ​ຫລວງ​ໃຫຍ່ UN ດ້ານ​ສິດທິ​ມະນຸດ ຮຽກຮ້ອງ​ໃນ​ວັນ​ທີ 18 ມິຖຸນາ ​ໃຫ້​ອາ​ເມ​ລິ​ກາ​ຢຸດຕິ​ນະ​ໂຍບາຍ​ທີ່​ໄຮ້​ຈິດ​ສຳນຶກ​ນີ້ ​ແລະ ​ເມື່ອ​ອາ​ເມ​ລິ​ກາ​ປະກາດ​ຖອນ​ຕົວ​ຈາກ UNHRC ທີ່​ຕັ້ງຂຶ້ນ​ໃນ​ປີ 2016 ມີ​ສະມາຊິກ 47 ປະ​ເທດ. ​ເຈົ້າຊາຍ​ເຊ​ອິດ ກ່າວ​ວ່າ: ທ່າມກາງ​ສະຖານະ​ການ​ສິດທິ​ມະນຸດ​ໂລກ​ໃນ​ປັດຈຸບັນ ອາ​ເມ​ລິ​ກາ​ຄວນ​ກ້າວ​ມາ​ຢູ່ທາງ​ໜ້າ ບໍ່​ແມ່ນ​ຖອຍ​ໄປ​ຢູ່​ທາງ​ຫລັງ. ຂະນະ​ທີ່​ກຸ່ມ​ສິດທິ​ມະນຸດ​ຕຳ​ໜິວ່າ: ​ເປັນ​ການ​ສົ່ງ​ສັນຍານ​ວ່າ ລັດຖະບານ​ອາ​ເມ​ລິ​ກາ​ບໍ່​ສົນ​ໃຈ​ການລະ​ເມີດ​ສິດທິ​ມະນຸດ​ທີ່​ເກີດຂຶ້ນ​ໃນ​ຫລາຍ​ພື້ນທີ່​ທົ່ວ​ໂລກ ​ແລະ ສະໜັບສະໜູນ​ປະ​ເທດ​ລະ​ເມີດ​ສິດທິ​ມະນຸດ​ທີ່​ອ້າງ​ວ່າ UN ​ແຊກ​ແຊງ​ກິດຈະ​ການ​ພາຍ​ໃນ.

ອາເມລິກາລາອອກຈາກ ຄະນະມົນຕີສິດທິມະນຸດ ສປຊ - Wave100S AD to Website 2020 0 - ອາເມລິກາລາອອກຈາກ ຄະນະມົນຕີສິດທິມະນຸດ ສປຊ
ອາເມລິກາລາອອກຈາກ ຄະນະມົນຕີສິດທິມະນຸດ ສປຊ - WhatsApp Image 2020 05 27 at 5 - ອາເມລິກາລາອອກຈາກ ຄະນະມົນຕີສິດທິມະນຸດ ສປຊ
ອາເມລິກາລາອອກຈາກ ຄະນະມົນຕີສິດທິມະນຸດ ສປຊ - WhatsApp Image 2020 05 27 at 5 - ອາເມລິກາລາອອກຈາກ ຄະນະມົນຕີສິດທິມະນຸດ ສປຊ
error: Alert: ເນື້ອຫາຂ່າວມີລິຂະສິດ !!