ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ

ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ - Untitled design - ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ

 ໂດຍ: ກ້ອງສ່ອງ ອິດສະຫລະ

ໃນສະໄໝກ່ອນ, ປູ່ຍ່າ ຕາຍາຍພໍ່ແມ່ຂອງພວກເຮົາ ນັບທັງຄູບາອາຈານເພິ່ນເຄີຍຕັກເຕືອນສັ່ງສອນແບບປິດ ສະໜາມາຕະຫລອດວ່າ: ເມື່ອ ໝົດຍຸກສົງຄາມຮຸກຮານປະ ເທດຊາດບ້ານເມືອງເຮົາມີ ຄວາມສະຫງົບສຸກ ແລະ ກ້າວ ສູ່ການສ້າງສາພັດທະນາ ແລ້ວ, ຍັງຈະມີໂຈນອີກ ພວກ ໜຶ່ງມາເກາະຫ້ອຍ, ກິນບ້ານ ກິນເມືອງ, ກົດໜ່ວງບາດ ກ້າວເດີນຂອງຊາດ ແລະ ທຳ ລາຍຄວາມສະຫງົບສຸກ ຂອງ ບ້ານເມືອງ.

 

ເຈົ້າໜ້າທີ່ເລັ່ງແກ້ໄຂໜໍ່ແໜງຄວາມບໍ່ສະຫງົບໃນສັງຄົມໃຫ້ໝົດໄປ

ເຈົ້າເມືອງລະມາມເນັ້ນຫລາຍບັນຫາຕໍ່ກຳລັງປ້ອງກັນຄວາມສະຫງົບ

ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ - Wave100S AD to Website 2020 0 - ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ

ໃນຕຳນານທີ່ເພິ່ນວ່ານີ້, ເນື້ອແທ້ຂອງມັນກໍແມ່ນພວກຕົ້ມຕຸນປຸ້ນຈີ້, ຂ້າເຈົ້າເອົາ ຂອງ, ຂີ້ລັກ-ງັດແງະ, ຕົວະ ຍົວະຫລອກຫລວງ, ສໍ້ລາດ ບັງຫລວງ, ເສບຢາບ້າຄ້າຢາ ເມົາຕະຫລອດເຖິງການກະ ທຳຜິດໃນຮູບແບບອື່ນໆ ທີ່ ຝືນຕໍ່ລະບຽບກົດໝາຍ.
ມາຮອດປັດຈຸບັນ, ຖືວ່າ ພວກໂຈນເຫລົ່ານີ້ມີຈຳນວນບໍ່ໜ້ອຍໄດ້ມາຢູ່ນຳພວກ ເຮົາ ແລະ ໄດ້ຄອບງຳສັງຄົມ ລາວເຮົາປຽບເໝືອນໝັດ ນອນແກບ, ພວກກຸ່ມຄົນບໍ່ດີ ເຫລົ່ານີ້ເຂົາຢູ່ແບບບໍ່ຮູ້ຮ້ອນ ຮູ້ໜາວ, ແຕ່ພໍເຖິງຄາວມີໂອ ກາດເຂົາກໍຕ້ອງໄດ້ເຊືອດ. ຍ້ອນວ່າໃນຫລາຍປີຜ່ານ ມາ, ເງິນຄຳກຳແກ້ວ, ຊັບໃນ ດິນສິນໃນນ້ຳທີ່ ເປັນທຶນຮອນ ແລະ ຊັບສົມບັດຂອງຊາດ ຂອງແຜ່ນດິນໄດ້ມະຫັບ ມະຫາຍໄປນຳຄົນບໍ່ດີຢ່າງ ຫລວງຫລາຍພາຍມາກ.

ຕາມເຮົາຄິດ, ອັນສາເຫດ ທີ່ເຮັດໃຫ້ແຜນລົບລ້າງຄວາມ ທຸກຍາກ ແລະ ດ້ອຍພັດທະ ນາບໍ່ທັນໄປເຖິງເປົ້າສ່ວນ ໜຶ່ງ ກໍແມ່ນມາຈາກພວກໂຈນ ເຫລົ່ານີ້ເປັນຕົ້ນເຫດ. ເທົ່າທີ່ ຜ່ານມາ, ອີງຕາມການລາຍ ງານຂອງຂະແໜງການກ່ຽວຂ້ອງຕໍ່ກອງປະຊຸມສະໄໝ ສາມັນ ແລະ ວິສາມັນຂອງສະ ພາແຫ່ງຊາດຊຸດທີ VIII ໃນໄລ ຍະຜ່ານໆມານັ້ນເຫັນວ່າຜົນ ເສຍຫາຍ ແລະ ຜົນຮ້າຍຈາກ ຄວາມບໍ່ໂປ່ງໃສ, ຜິດວິໄນ ທາງການເງິນ ແລະ ຈາກ ການສໍ້ລາດບັງຫລວງແມ່ນມີຈຳນວນຫລາຍຮ້ອຍຫລາຍ ພັນຕື້.

ຕໍ່ປະກົດການຫຍໍ້ທໍ້ທີ່ວ່າ ນີ້, ຕົ້ນກຳເນີດມັນກໍມາຈາກ ຖັນແຖວພະນັກງານເປັນຕົວຫລັກ ແລະ ທັງເປັນຜູ້ພາເຮັດ ພາໄປ ຈຶ່ງກະທົບໄປເຖິງການ ເກັບລາຍຮັບແຫ່ງຊາດບໍ່ໄດ້ ຕາມຄາດໝາຍ, ການພັດທະ ນາເສດຖະກິດ-ສັງຄົມຂອງ ປະເທດກໍຍັງມີອັນຄ້າງຄາໃນຫລາຍດ້ານ, ສົມທົບກັບໄພທຳ ມະຊາດຂົ່ມຂູ່ ແລະ ສະພາວະ ການປ່ຽນແປງຂອງໂລກໄດ້ ເປັນໄປຢ່າງສະຫລັບຊັບຊ້ອນ.
ເມື່ອຕັ້ງໂຈດກັນວ່າ ເພື່ອ ເຮັດໃຫ້ສັງຄົມເຮົາປອດໃສ ໄຮ້ໂຈນ, ປະເທດຊາດຂອງ ພວກເຮົາໄດ້ເດີນໜ້າຕາມ ຄວາມມຸ້ງຫວັງຂອງພັກ ແລະ ລັດຖະບານວາງອອກນັ້ນ, ພວກເຮົາຕ້ອງພ້ອມກັນເຮັດ ແນວໃດ? ຕາມເຮົາວ່າ, ກ່ອນ ອື່ນໝົດຄຳຕອບທີ່ເປັນສັດ ຈະທຳ ກໍຄືຕ້ອງພ້ອມກັນເປັນ ເຈົ້າ ອັນສຳຄັນແມ່ນພະນັກ ງານຫລັກແຫລ່ງແກ່ນນຳ ຕ້ອງເປັນແບບຢ່າງ ແລະ ເປັນເຈົ້າການນຳພາອີ່ຫລີ, ແຕ່ ຄຳຕອບທີ່ເດັ່ນແມ່ນຢາກ ໃຫ້ພວກເຮົາພ້ອມກັນຫວນ ຄິດເຖິງຄຳເຫັນຂອງທ່ານ ນາຍົກລັດຖະມົນຕີ ທອງລຸນ ສີສຸລິດ ທີ່ໄດ້ເວົ້າໃນຜ່ານມາ ວ່າ: “ເວົ້າແລ້ວຕ້ອງເຮັດຖ້າ ບໍ່ເຮັດຕ້ອງແກ່ຜູ້ບໍ່ຢາກເຮັດ” ຫລື ຄຳເຫັນຂອງສະຫາຍ ພັນຄຳ ວິພາວັນ ຜູ້ປະຈຳການ ຄະນະເລຂາທິການສູນກາງ ພັກ, ຮອງປະທານປະເທດ ໄດ້ ເວົ້າວ່າ: “ເວົ້າໄປແລ້ວຖ້າຜູ້ ໃດບໍ່ເຮັດແມ່ນຈະຖືກວິໄນ”. ນີ້ຄືຄ້ອນຕະບອງເພັດກົກ ຊີ້ຕາຍປາຍຊີ້ເປັນ, ກົງກັນ ຂ້າມຖ້າພວກເຮົາຫາກຍັງ ອືດໆອາດໆແກ່ຍາວ ສາວຍືດ ສາວໄຍການພັດທະນາກໍຍິ່ງ ຈະຊັກຊ້າ, ອັນສຳຄັນກ່ອນ ອື່ນໝົດພວກເຮົາຕ້ອງເຂົ້າ ໃຈວ່າສັງຄົມທີ່ປອດໃສໄຮ້ ໂຈນນັ້ນເປັນບໍ່ເກີດແຫ່ງ ຄວາມສະຫງົບ ແລະ ຢູ່ແບບ ຍືນຍົງ!.

ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ - WhatsApp Image 2020 05 27 at 5 - ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ
ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ - WhatsApp Image 2020 05 27 at 5 - ສັງຄົມປອດໃສໄຮ້ໂຈນຈຶ່ງຖືວ່າສະຫງົບສຸກແບບຍືນຍົງ
error: Alert: ເນື້ອຫາຂ່າວມີລິຂະສິດ !!