ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ

ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ - 1529476805550 960x0 - ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ
ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ - Untitled design - ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ

ທາງ​ການ​ອິນ​ໂດ​ເນ​ເຊຍຄາດ​ວ່າ: ຈຳນວນ​ຜູ້​ເສຍ​ຊີວິດ​ຈາກ​ເຫດ​ເຮືອ​​ໄມ້​ນັກ​ທ່ອງ​ທ່ຽວ​ຂວ້ຳ​ໃນ​ທະ​ເລ​ສາບ​ໂຕ​ບານ ​ໃນ​ວັນ​ທີ 18 ມິຖຸນາ ອາດ​ສູງ​ເຖິງ 180 ຄົນ ຫລາຍ​ກວ່າ​ຄວາມ​ສາມາດ​ບັນທຸກ​ສູງ​ສຸດ​ຂອງ​ເຮືອ​ເຖິງ 3 ​ເທົ່າ ​ແລະ ຫລາຍ​ກວ່າ​ການ​ຕີ​ລາຄາ​ກ່ອນ​ໜ້າ​ນີ້​ວ່າ​ອາດ​ມີ​ຜູ້​ເສຍ​ຊີວິດ 130 ຄົນ.

ນັກ​ດຳນ້ຳ 25 ຄົນ ​ແລະ ​ເຮືອ​ໃຕ້​ນ້ຳບັງຄັບ​ໄລຍະ​ໄກ​ລຳ​ໜຶ່ງ ກຳລັງ​ຄົ້ນຫາ​ໃນ​ທະ​ເລ​ສາບ​ໂຕ​ບາ ​ແຫ​ລ່ງທ່ອງ​ທ່ຽວ​ຊື່​ດັງ​ຂອງ​ແຂວງ​ສຸ​ມາດຕາ​ເໜືອ. ນັກ​ດຳນ້ຳຄາດ​ວ່າ​ຈະ​ພົບສົບ​ອີກ​ຫລາຍ​ຄ້າງ​ຢູ່​ພາຍ​ໃນ​ເຮືອ​ທັນທີ​ທີ່​ພົບ​ເຮືອ​ຈົມ​ຢູ່ ​ໃນ​ຈຸດ​ໃດ​ຂອງ​ທະ​ເລ​ສາບ​ທີ່​ກວ້າງ​ເຖິງ 1.145 ຕາ​ກິ​ໂລ​ແມັດ ​ແລະ ​ເລິກ​ເຖິງ 450 ​​​ແມັດ, ​ເຖິງ​ວ່າ​ເຮືອ​ໃຕ້​ນ້ຳສາມາດ​ເຮັດ​ວຽກ​ໄດ້​ໃນ​ຄວາມ​ເລິກ​ສູງ​ສຸດ 380 ​ແມັດ.

​ເຮືອ​ໄມ້​ທີ່​ບັນທຸກ​ນັກ​ທ່ອງ​ທ່ຽວຢ່າງ​ແອ​ອັດ ຂວ້ຳ​ໃນ​ວັນ​ທີ 18 ມິຖຸນາ ທ່າມກາງ​ຄື້ນລົມ​ແຮງ ມີ​ຜູ້​ໄດ້​ຮັບ​ການ​ຊ່ວຍ​ເຫລືອ​ທັນທີ 18 ຄົນ ຍັງ​ບໍ່​ມີ​ການ​ຢືນຢັນ​ວ່າ​ມີ​ນັກ​ທ່ອງ​ທ່ຽວ​ຕ່າງປະ​ເທດ​ຢູ່​ໃນ​ຜູ້​ສູນຫາຍ ຫລື ບໍ່. ລັດຖະມົນຕີ​ຄົມມະນາຄົມ​ອິນ​ໂດ​ເນ​ເຊຍ ​ເປີດ​ເຜີຍ​ວ່າ: ​ເຈົ້າໜ້າ​ທີ່​ສອບ​ສວນ​ຈະ​ກວດ​ສອບ​ວ່າ​ເຮືອ​ມີ​ເສື້ອຊູຊີບ ຫລື ບໍ່ ​ແລະ ຖ້າ​ມີ ​ໄດ້​ມີ​ການ​ໃຊ້​ຕົວ​ຈິງ ຫລື ບໍ່. ​​ເຮືອ​ລຳ​ດັ່ງກ່າວ​ສາມາດ​ບັນທຸກ​ໄດ້​ສູງ​ສ​ຸດພຽງ 60 ຄົນ ​ແຕ່​ໃນ​ຂະນະ​ເກີດ​​ເຫດ​ມີ​ຄົນ​ແອ​ອັດ ອີກ​ທັງ​ບັນທຸກ​ລົດຈັກ​ຈຳນວນ​ໜຶ່ງ​ນຳ​ອີກ.

ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ - Wave100S AD to Website 2020 0 - ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ
ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ - WhatsApp Image 2020 05 27 at 5 - ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ
ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ - WhatsApp Image 2020 05 27 at 5 - ເລັ່ງຊ່ວຍເຫລືອເຮືອອິນໂດເນເຊຍຂວ້ຳ ອາດມີຜູ້ເສຍຊີວິດເຖິງ 180 ຄົນ
error: Alert: ເນື້ອຫາຂ່າວມີລິຂະສິດ !!