ເຜີຍແຜ່ຄວາມຮູ້ຮັກສາສຸຂະພາບຕາ ໃຫ້ປະຊາຊົນເມືອງວັງວຽງ

ເມື່ອບໍ່ດົນມານີ້ຢູ່ຫ້ອງ ການສາທາລະນະສຸກ ເມືອງ ວັງວຽງແຂວງ ວຽງຈັນ ໄດ້ ມີພິທີ ເຜີຍແຜ່ຄວາມຮູ້ກ່ຽວ ກັບການຮັກສາສຸຂະພາບ ຕາຂັ້ນຕົ້ນໃຫ້ແກ່ຊຸມຊົນ.

+ ເພີ່ມຄວາມຮູ້ວິທີຮັກສາສຸຂະພາບຕາໃຫ້ແມ່ຍິງ

+ ມອບ-ຮັບຕຶດປິ່ນປົວຕາໂຮງໝໍແຂວງຫລວງພະບາງ

ໂດຍການເຂົ້າຮ່ວມ ຂອງທ່ານ ດຣ ສຸກພະໄທ ສໍປະເສີດ ຫົວໜ້າພະແນກ ສາທາລະນະສຸກແຂວງ, ທ່ານ ຈັນທະບູນ ໂພຊະສານ ປະທານສະຫະພັນແມ່ຍິງ ແຂວງ, ມີບັນດາ ຫົວໜ້າສາ ທາລະສຸກ ເມືອງພ້ອມດ້ວຍ ພະນັກງານແພດໝໍ ແລະ ປະຊາຊົນເຂົ້າຮ່ວມເປັນຈຳ ນວນຫລາຍ.

ເພື່ອເປັນການສ້າງໃຫ້ ປະຊາຊົນມີຄວາມເຂົ້າໃຈ ແລະ ຮັບຮູ້ກ່ຽວກັບ ວິທີປ້ອງ ກັນ – ຮັກສາສຸຂະພາບຕາ ໃນຂັ້ນພື້ນຖານ ແລະ ເຂົ້າ ເຖິງການບໍລິການ ເພື່ອຫຼຸດ ຜ່ອນພະຍາດຕາບອດທີ່ ສາມາດປ້ອງກັນ ແລະ ຫຼີກ ລ່ຽງໄດ້.

ເຊິ່ງ ມັນແມ່ນພັນທະ ໜຶ່ງ ທີ່ມີຄວາມຈຳເປັນຈະ ຕ້ອງໄດ້ເຮັດເພື່ອບັນລຸມາດ ຖານສູງສຸດຂອງການມີສຸ ຂະພາບຕາທີ່ດີ, ໃນຈຳນວນ ຄົນທີ່ຕາບອດ ທີ່ສາມາດຫຼີກ ລ່ຽງໄດ້ 20% ແມ່ນມາຈາກ ການປ້ອງກັນ ແລະອີກ60% ແມ່ນມາຈາກການປິ່ນປົວ. ສະນັ້ນໜ່ວຍງານປິ່ນປົວຕາແຂວງ ໂດຍສົມທົບກັບໂຮງ ໝໍເມືອງວັງວຽງ, ໂດຍໄດ້ ຮັບທຶນສະໜັບສະໜູນຈາກ ອົງການຈັດຕັ້ງສາກົນມູນ ນິທິເຟຼດໂສໂລ ໃຫ້ມີການ ຈັດຕັ້ງກິດຈະກຳການ ໂຄສະນາເພື່ອເຜີຍແຜ່ໃຫ້ ຄວາມຮູ້ແກ່ຊຸມຊົນໃນການປ້ອງກັນຕາບອດ ແລະ ໃຫ້ ການບໍລິການກວດປິ່ນປົວ ຜ່າຕັດ, ໂດຍສະເພາະແມ່ນ ພະຍາດແກ່ນຕາຂຸ້ນ ແລະ ສ່ວນຫຼາຍພະຍາດນີ້ມັກຈະ ເກີດກັບແມ່ຍິງ ທີ່ບໍ່ມັກມາ ກວດຕາ, ທັງໆທີ່ຜູ້ຍິງມີ ຄວາມສ່ຽງຫຼາຍກວ່າຜູ້ ຊາຍເຊັ່ນ: ມີຄວາມສ່ຽງ ກ່ຽວກັບຝຸ່ນ, ຄວັນ, ແສງ ແລະ ອື່ນໆ.