ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ

ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ - Untitled design - ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ

ໃນວັນທີ 19 ມິຖຸນານີ້, ພະນັກງານຫລັກແຫລ່ງອ້ອມຂ້າງອົງການ​ກວດ​ສອບ​ແຫ່ງ​ລັດ, ໄດ້ຮັບຟັງການ​ເຜີຍ​ແຜ່​ເອກະສານ​ສະພາບ​ການ​ຊາຍ​ແດນລາວ-ກຳປູ​ເຈຍ, ໂດຍການບັນຍາຍຂອງທ່ານ ແສງ​ເພັດ ຮຸ່ງ​ບຸນ​ຍວງ ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ. ​ເພື່ອ​ໃຫ້​​ຄະນະ​ພັກ-ຄະນະ​ນຳ​ອົງການ​ດັ່ງກ່າວ​ໄດ້​ຮັບ​ຮູ້​ຄວາມ​ເປັນ​ມາ​ທາງ​ດ້ານ​ປະຫວັດສາດ​ແຫ່ງ​ການ​ພົວພັນລະຫວ່າງລາວ-ກຳປູ​ເຈຍ, ນັບ​ແຕ່​ໄລຍະ​​ຕໍ່ສູ້​ເພື່ອ​ຄວາມ​ເປັນ​ເອກະລາດຈົນ​ເຖິງ​ປັດຈຸບັນ, ສະພາບ​ການ​ສຳ​ຫລວດ​ປັກ​ຫລັກ​ໝາຍ​ຊາຍ​ແດນ ​ແລະ ບັນຫາ​ທີ່​ເກີດ​ຂຶ້ນທີ່​ພົວພັນ​ເຖິງ​ຊາຍ​ແດນລະຫວ່າງລາວ-ກຳປູ​ເຈຍ, ຊຶ່ງ ສປປ ລາວ ​ແລະ ຣາຊະ​ອານາຈັກ​ກໍາປູ​ເຈຍ ມີ​ຊາຍ​ແດນ​ຮ່ວມ​ກັນຍາ​ວ 535 ກິ​ໂລ​ແມັດ, ​ເປັນ​ປະ​ເທດ​ບ້ານ​ໃກ້​ເຮືອນ​ຄຽງ, ບ້ານ​ພີ່​ເມືອງ​ນ້ອງ, ບ້ານ​ແກ່ວ​ເຮືອນ​ດອງ​ນຳ​ກັນ, ​ພ້ອມ​ກັນ​ຮ່ວມ​ຊົມ​ໃຊ້​ແມ່ນ້ຳລຳ​ເຊ, ພູຜາ​ປ່າດົງ, ດິນ​ດອນ​ຕອນ​ຫຍ້າ ​ເພື່ອ​ດຳລົງ​ຊີວິດ ​ແລະ ດຳ​ເນີນ​ການ​ຕໍ່ສູ້​ຕ້ານ​ສັດຕູ​ຜູ້​ຮຸກ​ຮານ​ມາ​ແຕ່​ດົນ​ນານ. ​ແຕ່​ມາ​ໃນ​ເດືອນ​ກຸມພາ 2017 ​ໄດ້​ເກີດ​ຄວາມ​ເຄັ່ງ​ຕຶງ​ຂຶ້ນຢູ່​ບໍລິ​ເວນ​ແກ້ງ​ຕໍ​ມໍ​ຄອຍ-ຫ້ວຍ​ຕະ​ເງົາ, ​ເຊິ່ງ​ຝ່າຍ​ລາວ​ໄດ້​ກວດ​ເຫັນ​ການ​ກໍ່ສ້າງ​ເສັ້ນທາງ​ຂອງ​ຝ່າຍ​ກຳປູ​ເຈຍ​ຢູ່​ບໍລິ​ເວນ​ດັ່ງກ່າວ, ຝ່າຍ​ລາວຈຶ່ງ​ໄດ້​ສົ່ງ​ໜັງສື​ທັກ​ທ້ວງ ​ແລະ ​ໄດ້​ພົບ​ປະ​ຫາລື​ກັນ​ແຕ່​ລະດັບ​ທ້ອງ​ຖິ່ນ​ຫາ​ສູນ​ກາງ ​ແລະ ຜ່ານ​ກົນ​ໄກ​ການ​ຮ່ວມ​ມື​ຕ່າງໆ ​ເພື່ອ​ສະ​ເໜີ​ໃຫ້​ຝ່າຍ​ກຳປູ​ເຈຍ​ຢຸດຕິ​ການ​ກໍ່ສ້າງ​ເສັ້ນທາງ​ດັ່ງກ່າວ ​ແລະ ຖອນ​ກຳລັງ​ອອກ​ຈາກ​ບໍລິ​ເວນ​ນັ້ນ ​ເພື່ອ​ຮັກສາ​ສະພາບ​ເດີມ​ໄວ້​ຈົນ​ກວ່າ​ຈະ​ສຳ​ເລັດ​ການ​ສຳ​ຫລວດ ​ແລະ ປັກ​ຫລັກ​ໝາຍ​ຊາຍ​ແດນ.

ການ​ແກ້​ໄຂ​ບັນຫາ​ຊາຍ​ແດນລາວ-ກຳປູ​ເຈຍ ຖື​ວ່າ​ເປັນ​ບັນຫາ​ລະອຽດ​ອ່ອນ, ຫລໍ່​ແຫລມ, ທ້າ​ທາຍ ແລະ ​ທັງ​ເປັນ​ການ​ທົດ​ສອບ​ຕໍ່​ຄວາມ​ທໍລະ​ຫົດ​ອົດທົນ​ໃນ​ການ​ຮັກສາ​ຜົນ​ປະ​ໂຫຍ​ດຂອງ​ຊາດ, ​ເຊິ່ງພັກ-ລັດ​ເຮົາ​ໄດ້​ພະຍາຍາມ​ແກ້​ໄຂ​ໂດຍ​ສັນຕິ​ວິທີ ຄຽງ​ຄູ່​ກັບ​ການ​ປຸກລະດົມ​ໃຫ້​ພະນັກງານ​ສະມາຊິກ​ພັກ, ປະຊາຊົນ​ບັນດາ​ເຜົ່າ, ​ໂດຍ​ສະ​ເພາະ​ແມ່ນ​ແຂວງ ​ແລະ ທ້ອງ​ຖິ່ນ​ທີ່​ມີ​ຊາຍ​ແດນ​ຕິດ​ຈອດ​ກັບ​ກຳປູ​ເຈຍ ​ແລະ ພາກສ່ວນ​ກ່ຽວຂ້ອງ​ເປັນ​ເຈົ້າການ​ສືບ​ຕໍ່​ຮັກສາ​ການ​ພົວພັນ​ຮ່ວມ​ມື​ກັນ​ແບບ​ບ້ານ​ໃກ້​ເຮືອນ​ຄຽງ​ທີ່​ດີ​ຕາມ​ແນວທາງ​ນະ​ໂຍບາຍ​ຂອງ​ພັກ-ລັດ​ເຮົາ. ພ້ອມ​ນີ້ກໍ​ເປັນ​ການ​ເພີ່ມ​ສະຕິ​ລະວັງ​ຕົວ​ຕໍ່​ການ​ໂຄສະນາ​ແບ່ງ​ແຍກ​ຄວາມ​ສາມັກຄີ, ​ເດັດດ່ຽວ​ປົກ​ປັກ​ຮັກສາ​ເຂດ​ນ້ຳ​ແດນ​ດິນ​ພວກ​ເຮົາ​ໄວ້​ໃຫ້​ໝັ້ນຄົງ.

ໃນໂອກາດນີ້, ຍັງ​ໄດ້​ຮັບຟັງການເຜີຍ​ແຜ່​ມະຕິ​ວ່າ​ດ້ວຍ​ການ​ແກ້​ໄຂ​ພະຍາດ​ອາດຍາ​ສິດ, ສະກັດ​ກັ້ນ ​ແລະ ຕ້ານ​ການ​ສໍ້​ລາດ​ບັງ​ຫລວງ ແລະ ບົດ​ແນະນຳ​ກ່ຽວ​ກັບ​ການ​ດຳ​ເນີນ​ຄະດີ​ການ​ສໍ້​ລາດ​ບັງ​ຫລວງ​ ເພື່ອ​ໃຫ້​ພະນັກງານ​ໄດ້​ຮັບ​ຮູ້​ເຂົ້າ​ໃຈ, ກຳ​ແໜ້ນ​ກ່ຽວ​ກັບ​ໜ້າ​ທີ່, ຂອບ​ເຂດ​ສິດ, ຂັ້ນຕອນ ​ແລະ ວິທີ​ການ​ດຳ​ເນີນ​ຄະດີ​ການ​ສໍ້​ລາດ​ບັງ​ຫລວງ​ໃຫ້​ມີ​ຄວາມ​ເປັນ​ເອກະ​ພາບ, ຖືກຕ້ອງ​ສອດຄ່ອງ​ກັບ​ລະບຽບກົດໝາຍ, ໂດຍການ​ເຜີຍ​ແຜ່ຂອງ​ທ່ານ ​ເຄນ ລໍ​ວັນ​ໄຊ ຮອງປະທານອົງການກວດສອບແຫ່ງລັດ.

ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ - Wave100S AD to Website 2020 0 - ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ
ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ - WhatsApp Image 2020 05 27 at 5 - ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ
ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ - WhatsApp Image 2020 05 27 at 5 - ເຜີຍ​ແຜ່​ສະພາບ​​ຊາຍ​ແດນລາວ-ກຳປູ​ເຈຍໃຫ້ພະນັກງານຫລັກແຫລ່ງອົງການກວດສອບແຫ່ງລັດ
error: Alert: ເນື້ອຫາຂ່າວມີລິຂະສິດ !!