ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່

ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ - taxxx - ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່
ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ - Untitled design - ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່

ໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ໃນວັນທີ 20 ມິຖຸນານີ້, ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ເຊິ່ງສະມາຊິກສະພາແຫ່ງຊາດໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາໃສ່ຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ ເພື່ອເຮັດໃຫ້ມີເນື້ອໃນຄົບຖ້ວນສົມບູນ ແລະ ຮັດກຸມແທດເໝາະກັບຕົວຈິງຂອງປະເທດ, ກ່ອນຈະເຫັນດີຮັບຮອງເອົາຮ່າງກົດໝາຍດັ່ງກ່າວດ້ວຍຄະແນນສຽງສ່ວນຫລາຍ.

ພາຍຫລັງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໄດ້ສະເໜີຮ່າງກົດໝາຍດັ່ງກ່າວຕໍ່ກອງປະຊຸມວ່າ: ກົດໝາຍສະບັບເກົ່າປະກອບມີ 10 ພາກ, 10 ໝວດ ແລະ 67 ມາດຕາ ແລະ ສໍາລັບສະບັບປັັບປຸງໃໝ່ປະກອບມີ 8 ພາກ, 11 ໝວດ ແລະ 64 ມາດຕາ. ໃນນີ້ໄດ້ປັບປຸງເອົາພາກທີ III ແລະ IV ໄປເປັນໝວດໃນພາກທີ II, ຕັດອອກ 7 ມາດຕາດ (ມາດຕາ 3,​ 22, 28, 32, 34, 42 ແລະ 62) ເພື່ອໄປຊັບຊ້ອນ ແລະ ປັບປຸງເຂົ້າໃນມາດຕາທີ່ກ່ຽວຂ້ອງ ແລະ ຄໍາແນະນໍາ, ປັບປຸງທັງໝົດ 37 ມາດຕາ ແຕ່ສ່ວນໃຫຍ່ມີການປັບປຸງບາງປະໂຫຍກຄໍາສັບທີ່ຕິດພັນກັບນິຍາມຂອງອາກອນມູນຄ່າເພີ່ມ ແລະ ເພີ່ມເຂົ້າໃໝ່ 4 ມາດຕາ (ມາດຕາ 9, 13, 20 ແລະ 35), ໂດຍເຫດຜົນ ແລະ ຄວາມຈໍາເປັນໃນການປັບປຸງກົດໝາຍສະບັບນີ້ເພື່ອແນໃສ່ເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດໃນແຕ່ລະໄລຍະໃຫ້ມີປະສິດທິຜົນ ແລະ ເຂັ້ມງວດໃນການປະຕິບັດລັດຖະທໍາມະນູນ, ກົດໝາຍ ແລະ ນິຕິກໍາຕ່າງໆທີ່ກ່ຽວຂ້ອງ, ແກ້ໄຂບັນຫາທີ່ບໍ່ສາມາດຈັດຕັ້ງປະຕິບັດໄດ້ໄລຍະຜ່ານມາ ຕາມທີ່ໄດ້ກ່າວມາຂ້າງເທິງນັ້ນ ມີນິຕິກໍາທີ່ເປັນເຄື່ອງມືສໍາຄັນຕົ້ນຕໍໃນການຄຸ້ມຄອງເກັບລາຍຮັບໃຫ້ແກ່ງົບປະມານ, ການຄຸ້ມຄອງເສດຖະກິດມະຫາພາກ ແລະ ສອດຄ່ອງກັບຫລັກການຂອງສາກົນ. ດັ່ງນັ້ນ, ຈຶ່ງມີຄວາມຈໍາເປັນໄດ້ປັບປຸງກົດໝາຍສະບັບທີ່ນໍາໃຊ້ໃນປັດຈຸບັນ. ໂດຍລວມແລ້ວ, ການຄົ້ນຄວ້າປັບປຸງກົດໝາຍສະບັບນີ້ ສ່ວນໃຫຍ່ແມ່ນປັບປຸງທາງດ້ານໂຄງສ້າງ ແລະ ເນື້ອໃນຫຼັກໆຂອງກົດໝາຍ ເພື່ອເປັນການສົ່ງເສີນການຜະລິດ, ການດໍາເນີນທຸລະກິດ, ການລົງທຶນ, ການສົ່ງອອກ, ການສະໜອງສິນຄ້າ ແລະ ການບໍລິການ, ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມໃນປັດຈຸບັນ, ສອດຄ່ອງກັບນະໂຍບາຍຂອງພັກ-ລັດຖະບານໃນແຕ່ລະໄລຍະ ແລະ ສອດຄ່ອງກັບຫລັກການສາກົນກ່ຽວກັບການຄຸ້ມຄອງວຽກງານອາກອນມູນຄ່າເພີ່ມ.

ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ - Wave100S AD to Website 2020 0 - ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່

ເມື່ອກົດໝາຍໄດ້ຮັບຮອງ ແລະ ປະກາດໃຊ້ແລ້ວ ມີນິຕິກໍາທີ່ເປັນບ່ອນອີງທີ່ໜັກແໜ້ນຫລາຍຂຶ້ນໃຫ້ແກ່ການຄຸ້ມຄອງ ແລະ ຈັດຕັ້ງປະຕິບັດວຽກງານອາກອນມູນຄ່າເພີ່ມ, ສົ່ງເສີມການຜະລິດ, ການດໍາເນີນທຸລະກິດ, ການລົງທຶນ, ການສົ່ງອອກ, ການສະໜອງສິນຄ້າ ແລະ ການບໍລິການຢູ່ລາວໃຫ້ມີຄວາມສະດວກ ແລະ ຄ່ອງຕົວຂຶ້ນກວ່າເກົ່າ, ເຮັດໃຫ້ຖານລາຍຮັບງົບປະມານເພີ່ມຂຶ້ນ, ພ້ອມທັງເຮັດໃຫ້ອົງການຈັດຕັ້ງລັດ, ລັດວິສາຫະກິດ, ຫົວໜ່ວຍທຸລະກິດ ແລະ ຜູ້ຊົມໃຊ້ສິນຄ້າ ແລະ ການບໍລິການ ເຂົ້າໃຈເຖິງຄວາມສໍາຄັນໃນການຄຸ້ມຄອງ ແລະ ການປະກອບສ່ວນເຂົ້າໃນວຽກງານອາກອນມູນຄ່າເພີ່ມໄດ້ດີຂຶ້ນ.

ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່
ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍອາກອນມູນຄ່າເພີ່ມສະບັບປັບປຸງໃໝ່
error: Alert: ເນື້ອຫາຂ່າວມີລິຂະສິດ !!