ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ

ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ - accept tax law - ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ
ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ - Untitled design - ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ

ໃນວັນທີ 20 ມິຖຸນານີ້, ສະພາແຫ່ງຊາດ ໄດ້ຮັບຮອງເອົາຮ່າງກົດໝາຍວ່າດ້ວຍ ແນວລາວສ້າງຊາດ ສະບັບປັບປຸງໃໝ່, ພາຍຫຼັງທ່ານ ຈັນທະວົງ ແສນອາມາດມົນຕີ ຜູ້ຕາງໜ້າສູນກາງແນວລາວສ້າງຊາດ ໄດ້ສະເໜີຮ່າງກົດໝາຍສະບັບດັ່ງກ່າວ ຕໍ່ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ວ່າ: ກົດໝາຍສະບັບປັບປຸງນີ້ ໄດ້ມີການປັບປຸງຕ່າງຈາກໂຄງປະກອບຂອງກົດໝາຍສະບັບປັດຈຸບັນ ທີ່ມີ 12 ໝວດ, 48 ມາດຕາ ປ່ຽນມາເປັນ 13 ພາກ, 63 ມາດຕາ ໃນນີ້, ມີມາດຕາປັບປຸງ 41 ມາດຕາ, ສ້າງໃໝ່ 20 ມາດຕາ ແລະ ອີກ 2 ມາດຕາ ຍັງຮັກສາໄວ້ຄືເກົ່າ ພ້ອມນີ້ໃນພາກທີ II ແລະ ພາກທີ IX ຍັງກໍານົດໃຫ້ມີໝວດ ໃນຮ່າງກົດໝາຍສະບັບປັບປຸງ. ສ່ວນເຫດຜົນ ແລະ ຄວາມຈໍາເປັນໃນການສະເໜີປັບປຸງກົດໝາຍດັ່ງກ່າວຄື ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ໄດ້ຮັບຮອງກົດລະບຽບແນວລາວສ້າງຊາດ ສະບັບປັບປຸງໃໝ່ ແລະ ໄດ້ເພີ່ມກົງຈັກການຈັດຕັ້ງ ຂອງແນວລາວສ້າງຊາດຂຶ້ນໃໝ່  ແລະ ເພື່ອເສີນຂະຫຍາຍບົດບາດ ຂອງແນວລາວສ້າງຊາດໃນການຕິດຕາມກວດກາ ໂດຍຜ່ານປະຊະຊົນ ພ້ອມທັງຍົກສູງແບບແຜນວິທີເຮັດວຽກຂອງແນວລາວສ້າງຊາດ ບົນພື້ນຖານໃຫ້ສອດຄ່ອງກັບບັນດາກົດໝາຍ ຂອງພາກສ່ວນອືື່ນໆ ທີ່ພົວພັນເຖິງວຽກງານແນວລາວສ້າງຊາດເຊັ່ນ: ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າດ້ວຍສະພາປະຊາຊົນຂັ້ນແຂວງ, ກົດໝາຍວ່າດ້ວຍລັດຖະບານ, ກົດໝາຍວ່າດ້ວຍການປົກຄອງທ້ອງຖິ່ນ ແລະ ອື່ນໆ ແລະ ເຫັນວ່າເນື້ອໃນບາງມາດຕາຂອງກົດໝາຍຍັງບໍ່ທັນລະອຽດ, ຈະແຈ້ງ ແລະສອດຄ່ອງ ດັ່ງນັ້ນຈຶ່ງມີຄວາມຈໍາເປັນຕ້ອງໄດ້ປັບປຸງເພື່ອໃຫ້ສອດຄ່ອງກັບໜ້າທີ່ການເມືອງ ຂອງແນວລາວສ້າງຊາດໃນປັດຈະບັນ.

ພາຍຫຼັງຮ່າງກົດໝາຍສະບັບປັບປຸງ ໄດ້ຖືກຮັບຮອງ ແລະ ປະກາດໃຊ້ ໄດ້ກໍານົດແຈ້ງຂຶ້ນຕື່ມກ່ຽວກັບບົດບາດ ຂອງແນວລາວສ້າງຊາດ ໃນການເຕົ້າໂຮມ ແລະ ສ້າງຄວາມສາມັກຄີທົ່ວປວງຊົນ, ສິດ ແລະ ໜ້າທີ່ແນວລາວສ້າງຊາດທ້ອງຖິ່ນໄດ້ຮັບການຍົກສູງຂຶ້ນໃນລະບົບການເມືອງ, ພ້ອມທັງສ້າງຄວາມກະຈ່າງແຈ້ງ ກ່ຽວກັບລະບອບແຜນວິທີເຮັດວຽກ ໃນການພົວພັນປະສານສົມທົບ ລະຫວ່າງແນວລາວສ້າງຊາດ ກັບລັດຖະບານ, ສະພາປະຊາຊົນຂັ້ນແຂວງ, ອົງການປົກຄອງຂັ້ນທ້ອງຖິ່ນ, ພາຄີແນວລາວສ້າງຊາດ ແລະ ປະຊາຊົນ ແລະ ເຮັດໃຫ້ພາລະບົດບາດໃນການຕິດຕາມກວດກາ ຂອງແນວລາວສ້າງຊາດ ໄດ້ຮັບເສີນຂະຫຍາຍເຂົ້າສູ່ວຽກຕົວຈິງ.

ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ - Wave100S AD to Website 2020 0 - ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ
ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ
ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍແນວລາວສ້າງຊາດ ສະບັບປັບປຸງ
error: Alert: ເນື້ອຫາຂ່າວມີລິຂະສິດ !!