ເປີດໂຮງງານຜະລິດສາຍໄຟ ທີເອສບີ ວຽງຈັນ

ເປີດໂຮງງານຜະລິດສາຍໄຟ ທີເອສບີ ວຽງຈັນ - 35541595 1884193101648134 5939833985323499520 o - ເປີດໂຮງງານຜະລິດສາຍໄຟ ທີເອສບີ ວຽງຈັນ
ເປີດໂຮງງານຜະລິດສາຍໄຟ ທີເອສບີ ວຽງຈັນ - Untitled design - ເປີດໂຮງງານຜະລິດສາຍໄຟ ທີເອສບີ ວຽງຈັນ

 

ເປີດໂຮງງານຜະລິດສາຍໄຟ ທີເອສບີ ວຽງຈັນ - 35541595 1884193101648134 5939833985323499520 o - ເປີດໂຮງງານຜະລິດສາຍໄຟ ທີເອສບີ ວຽງຈັນ

 

ພິທີເປີດໂຮງງານຜະລິດສາຍໄຟທີເອສບີ (TSB) ວຽງຈັນ ຢູ່ໃນເຂດເສດຖະກິດພິເສດວຽງຈັນ-ໂນນທອງ ນະຄອນຫລວງວຽງຈັນ, ໄດ້ຈັດຂຶ້ນວັນທີ 18 ມິຖຸນາຜ່ານມານີ້, ໂດຍການເຂົ້າຮ່ວມທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກິດ ແລະ ການຄ້າ, ທ່ານ ຄຳລຽນ ພົນເສນາ ຮອງລັດຖະມົນຕີກະຊວງແຜນການ ແລະ ການ ລົງທຶນ, ທ່ານ ທາເກຊິ ຮີກິ ຮາຣະ (TAKESHI HIKIHARA) ເອກອັກຄະຣາຊະທູດຍີ່ປຸ່ນປະຈຳລາວ, ທ່ານ ກາບູຣາກີ ອີສມູ (KABURAGI ISAMU) ປະທານບໍລິຫານກຸ່ມບໍລິສັດ ທີເອສບີ ວຽງຈັນ, ທ່ານ ໂນບູຢູກິ ຊິໂນຮາຣະ (NOBU YUKI SHINOHARA) ຜູ້ອຳນວຍການບໍລິສັດ ໂອເຄ ໄອ (OKI), ທ່ານ ວັນນະດາ ພົມມະສະຖິດ ປະທານບໍລິສັດ ສະຫວັນ ທີວີເອສ (TVS) ຜູ້ອຳນວຍການນິຄົມອຸດສາຫະກຳປາກເຊ-ຍີ່ປຸ່ນ, ພ້ອມດ້ວຍແຂກຖືກເຊີນເຂົ້າຮ່ວມຢ່າງພ້ອມພຽງ.

ໃນພິທີ, ທ່ານປະທານບໍລິຫານກຸ່ມບໍລິສັດ ທີເອສບີ ວຽງຈັນ ໄດ້ມີຄໍາເຫັນວ່າ: ບໍລິສັດ ທີເອສວີ ເປັນບໍລິສັດຜະລິດສາຍໄຟທີ່ມີຄຸນນະພາບ, ເຊິ່ງໄດ້ເຂົ້າມາລົງທຶນຢູ່ ສປປ ລາວ ເປັນເວລາກວ່າ 10 ປີແລ້ວ ແລະ ເຫັນວ່າການຜະລິດ ແລະ ທຸລະ ກິດໄດ້ມີການເຕີບໃຫຍ່ຂະຫຍາຍຕົວເປັນກ້າວໆ ຈຶ່ງໄດ້ຕັດສິນໃຈຂະຫຍາຍທຸລະກິດ ໂດຍການລົງທຶນຕື່ມອີກຢູ່ໃນເຂດເສດຖະກິດພິເສດວຽງຈັນ-ໂນນທອງແຫ່ງນີ້.

ເປີດໂຮງງານຜະລິດສາຍໄຟ ທີເອສບີ ວຽງຈັນ - Wave100S AD to Website 2020 0 - ເປີດໂຮງງານຜະລິດສາຍໄຟ ທີເອສບີ ວຽງຈັນ

ທ່ານຜູ້ອຳນວຍການບໍລິສັດ OKI ກ່າວວ່າ: ບໍລິສັດ ພວກເຮົາໄດ້ປຶກສາຫາລືກັບບໍລິສັດ ທີເອສບີ ວຽງຈັນ ເປັນເວລາກວ່າ 2 ປີ, ກ່ອນຕັດສິນໃຈມາຮ່ວມລົງທຶນຄັ້ງນີ້,  ຍ້ອນເຫັນວ່າບໍລິສັດດັ່ງກ່າວທ່າແຮງມີສູງ ແລະ ເປັນພຽງບໍລິສັດດຽວທີ່ດໍາເນີນການຜະລິດສາຍໄຟຢູ່ ລາວ ແລະ ສາຍໄຟທີ່ຜະລິດ ໄດ້ 50% ແມ່ນຈໍາໜ່າຍຢູ່ພາຍໃນປະເທດ ແລະ ອີກ 50% ແມ່ນສົ່ງອອກປະເທດໃກ້ຄຽງ ແລະ ເຫັນວ່າຄວາມຕ້ອງການຂອງຕະຫລາດສາຍໄຟແມ່ນນັບມື້ສູງຂຶ້ນ, ຍ້ອນປະເທດເຮົາພວມມີການສ້າງສາພັດທະນາ ແລະ ມີໂຄງການໃຫຍ່ໆເກີດຂຶ້ນ, ຊຶ່ງມີຄວາມຮຽກຮ້ອງຕ້ອງການສາຍໄຟເປັນຈໍານວນຫລາຍໃນແຕ່ລະປີ.

ບໍລິສັດ ທີເອສບີ ວຽງຈັນ ແມ່ນຫນຶ່ງໃນ 143 ບໍລິ ສັດຂອງປະເທດຍີ່ປຸ່ນທີ່ເຂົ້າມາລົງທຶນໃນ ສປປ ລາວ ແລະ ເປັນບໍລິສັດອັນດັບທີ 56 ທີ່ເຂົ້າມາລົງທຶນສ້າງໂຮງງານຢູ່ເຂດເສດຖະກິດພິເສດວຽງຈັນ-ໂນນທອງ. ໂຮງງານແຫ່ງນີ້ ຈະປະກອບສ່ວນສໍາຄັນໃຫ້ແກ່ການພັດທະນາເສດຖະກິດ-ສັງຄົມ ແລະ ສ້າງວຽກເຮັດງານທຳໃຫ້ປະຊາຊົນທ້ອງຖິ່ນໃຫ້ມີລາຍຮັບເພື່ອປັບປຸງຊີວິດດີຂຶ້ນເທື່ອລະກ້າວ.

ເປີດໂຮງງານຜະລິດສາຍໄຟ ທີເອສບີ ວຽງຈັນ - WhatsApp Image 2020 05 27 at 5 - ເປີດໂຮງງານຜະລິດສາຍໄຟ ທີເອສບີ ວຽງຈັນ
ເປີດໂຮງງານຜະລິດສາຍໄຟ ທີເອສບີ ວຽງຈັນ - WhatsApp Image 2020 05 27 at 5 - ເປີດໂຮງງານຜະລິດສາຍໄຟ ທີເອສບີ ວຽງຈັນ
error: Alert: ເນື້ອຫາຂ່າວມີລິຂະສິດ !!