ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ

ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - 9CFAECC6755848DAB0F0F25EC00413D7 - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ
ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - Untitled design - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ

# ວິເສດ ສະແຫວງສຶກສາ 

ເນື່ອງຈາກໃນກອງປະ ຊຸມສະພາທີ່ພວມດຳເນີນຢູ່ ໃນປັດຈຸບັນນີ້, ຜູ້ແທນຫລາຍ ທ່ານ ໄດ້ເວົ້າເຖິງຄວາມຈຳ ເປັນ ໃນການພັດທະນາແຮງ ງານລາວສູ່ຄຸນນະພາບໃໝ່ ໃຫ້ເທົ່າທຽມກັບນາໆປະເທດດັ່ງນັ້ນ ຜູ້ຂຽນຈິ່ງໄດ້ເລືອກ ສັນກັ່ນຕອງເອົາບັນຫາແຮງງານຢູ່ບາງປະເທດມາເລົ່າ ສູ່ຟັງໂດຍສະເພາະແມ່ນການປົກປ້ອງການນຳໃຊ້ ແລະ ການພັດທະນາແຮງງານ.

 

ລັດຖະມົນຕີກະຊວງແຮງງານ ແລະ ສະຫວັດດີການສັງຄົມເຂົ້າຮ່ວມກອງປະຊຸມແຮງງານສາກົນ

ລັດຖະມົນຕີ ຮສສ ເນັ້ນແຂວງວຽງຈັນເອົາໃຈໃສ່ພັດທະນາສີມືແຮງງານໃຫ້ເຂົ້າສູ່ມາດຕາຖານ

ຂໍເລີ່ມຈາກ ສ.ເກົາຫລີ ບ່ອນທີ່ມີກົດໝາຍຫ້າມຫົວ ໜ້າສັ່ງວຽກລູກຈ້າງນອກ ໂມງການ. ເລື່ອງນີ້ເກີດຂຶ້ນ ເມື່ອປະມານ 2 ປີຜ່ານມາຄື ໃນວັນທີ 22 ມິຖຸນາປີ 2016 ສະມາຊິກສະພາແຫ່ງຊາດ ສ.ເກົາຫລີ ຈຳນວນ 12 ທ່ານ ຈາກພັກມິນຈູ (Mingoo) ໄດ້ສະເໜີຮ່າງກົດໝາຍຫ້າມ ຜູ້ຈັດການ ຫລືບຸກຄົນຂັ້ນຫົວ ໜ້າລົບກວນເວລາສ່ວນຕົວ ຂອງລູກຈ້າງດ້ວຍການສັ່ງ ວຽກເວລາພັກຜ່ອນຢູ່ເຮືອນ.

ຮ່າງກົດໝາຍໄດ້ກຳນົດຫ້າມບໍລິສັດຕ່າງໆ ສັ່ງວຽກ ລູກຈ້າງຫລັງໂມງການດ້ວຍ ວິທີຕ່າງໆເຊັ່ນທາງໂທລະ ສັບ, ດ້ວຍການສົ່ງຂໍ້ຄວາມ ມື ຖືຜ່ານແອ໋ບ ຫລື ຜ່ານເຄືອ ຂ່າຍສັງຄົມອອນລາຍເປົ້າ ໝາຍຕົ້ນຕໍຂອງກົດໝາຍ ແມ່ນເພື່ອຮັບປະກັນສິດທິໃນການມີເວລາເປັນຂອງສ່ວນ ຕົວ, ປາສະຈາກການລ່ວງລ້ຳ ຈາກ ບໍລິສັດ ຫລື ຈາກບັນດາ ຫົວໜ້າໃນບ່ອນເຮັດວຽກ.

ກົດໝາຍທີ່ຄ້າຍຄືກັນນີ້ ໄດ້ປະກາດໃຊ້ໃນຫລາຍໆປະເທດມາແລ້ວເຊັ່ນຢູ່ຝຣັ່ງ ແລະ ເຢຍລະມັນນັ້ນ ມີຂໍ້ຫ້າມບໍ່ໃຫ້ ມີການສົ່ງອີ # ເມວສັ່ງວຽກ ລູກຈ້າງຫລັງຊົ່ວໂມງການ ເດັດຂາດ.

ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - Wave100S AD to Website 2020 0 - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ

ສະຖິຕິຈາກສະຖາບັນ ແຮງງານ ສ.ເກົາຫລີມີຕົວ ເລກຢັ້ງຢືນວ່າ ພະນັກງານ ຖືກບັງຄັບ ໃຫ້ເຮັດວຽກເພີ່ມ ຂຶ້ນສະເລ່ຍປະມານ 11 ຊົ່ວ ໂມງຕໍ່ອາທິດໂດຍຜ່ານອຸປະກອນເອເລັກໂຕຣນິກ ວ່າກັນ ວ່າມີໂທລະສັບມືຖືອັດສະລິຍະ ແລະ ແທັບເລັດ (Tablet) ໄດ້ກາຍເປັນຫ້ອງການເຄື່ອນທີ່ໂດຍບໍ່ມີຍາມປິດສຳລັບ ພະນັກງານຂອງປະເທດນີ້ (ຂໍ້ມູນຈາກໜັງສືພິມຜູ້ແທນປະຊາຊົນສະບັບທ້າຍເດືອນ 6 – ຕົ້ນເດືອນ 7 ປີ 2016).

ສຳລັບຢູ່ປະເທດ ຍີ່ປຸ່ນ ນັ້ນບັນຫາ “ຜູ້ເຖົ້າລົ້ນ ປະ ເທດ” ໄດ້ເຮັດໃຫ້ມີການຂາດ ເຂີນແຮງງານຂັ້ນໜັກໜ່ວງ ທີ່ທວງໃຫ້ລັດຖະບານຕ້ອງ ໄດ້ປັບປຸງນະໂຍບາຍນຳໃຊ້ ແຮງງານຜູ້ເຖົ້າໂດຍຍືດເວ ລາສຳລັບເຂົ້າ ບຳນານອອກ ຕື່ມຕົວຢ່າງໃນຂົງເຂດການ ບິນນັ້ນທາງການໄດ້ອະນຸ ຍາດໃຫ້ນັກບິນເຮັດວຽກຈົນ ເຖິງອາຍຸ 67 ປີ ຍ້ອນມີບັນຫາ ຂາດເຂີນນັກບິນທີ່ມີປະສົບ ການ ແລະ ຊົ່ວໂມງບິນສູງ.

ສະຖິຕິເມື່ອ 3 ປີ ກ່ອນ ໜ້ານີ້ ບອກວ່າຍີ່ປຸ່ນມີນັກ ບິນ ທັງໝົດ 5.900 ຄົນ ໃນນັ້ນ ກວ່າ 500 ຄົນມີອາຍຸເກີນ 60 ປີ. ແນວໃດກໍດີການນຳໃຊ້ ນັກບິນອາຍຸເກີນ 65 ປີ (ອາຍຸ ບຳນານສຳລັບນັກບິນ) ນັ້ນ, ທາງການໄດ້ກຳນົດເງື່ອນໄຂສະເພາະຄືໃຫ້ຂັບເຮືອບິນ ເດືອນລະ 80 ຊົ່ວໂມງ ຫລື 216 ຊົ່ວໂມງ ໃນ 1 ໄຕມາດ; ສ່ວນນັກບິນທີ່ຮ່ວມບັນຊາ ເຮືອບິນກັບນັກບິນເຖົ້ານັ້ນ ຕ້ອງມີອາຍຸບໍ່ເກີນ 59 ປີ.

ນັກບິນອາຍຸເກີນ 65 ປີທີ່ຈະໄດ້ຖືກຮັບໃຫ້ເຮັດວຽກ ຕໍ່ນັ້ນຕ້ອງຜ່ານການກວດສຸ ຂະພາບຮອບດ້ານ ແລະ ຕ້ອງ ບໍ່ມີເຊື້ອພະຍາດບ້າໝູ.

ສຸດທ້າຍແມ່ນກ່ຽວກັບ ເລື່ອງການປັບປຸງກົດໝາຍ ວ່າດ້ວຍຊົ່ວໂມງເຮັດວຽກ ຂອງຜູ້ໃຊ້ແຮງງານທົ່ວປະ ເທດໃນ ອາຣັບບີ ຊາອຸດິດ ທີ່ມີ ຂຶ້ນໃນກາງປີ 2016. ກົດ ໝາຍດັ່ງກ່າວໄດ້ກຳນົດໃຫ້ ພະນັກງານທັງພາກລັດ ແລະ ເອກະຊົນມີເວລາພັກຜ່ອນ ຢ່າງໜ້ອຍ 30 ນາທີ ພາຍ ຫລັງໄດ້ເຮັດວຽກ 5 ຊົ່ວໂມງ ຕິດຕໍ່ກັນ.

ສ່ວນພະນັກງານແພດໝໍ, ພະນັກງານບໍລິການຕາມປ້ຳນ້ຳມັນ, ຊ່າງຕັດຜົມ, ພະນັກ ງານຮັບໃຊ້ຢູ່ໂຮງແຮມ- ຮ້ານ ອາຫານ ແລະ ສະຖານທີ່ທີ່ ຕ້ອງໃຫ້ບໍລິການຢ່າງຕໍ່ເນື່ອງນັ້ນບໍ່ໄດ້ຮັບອະນຸຍາດໃຫ້ພັກຜ່ອນຕາມຂໍ້ກຳນົດຂອງກົດໝາຍນີ້./.

ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - 9CFAECC6755848DAB0F0F25EC00413D7 - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ
(ພາບປະກອບ)
ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - WhatsApp Image 2020 05 27 at 5 - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ
ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ - WhatsApp Image 2020 05 27 at 5 - ນະໂຍບາຍປົກປ້ອງ ແລະ ນຳໃຊ້ແຮງງານ ຢູ່ບາງປະເທດ
error: Alert: ເນື້ອຫາຂ່າວມີລິຂະສິດ !!