ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ

ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ - Agriculture - ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ
ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ - Untitled design - ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ

ຕາມການລາຍງານຈາກທະນາຄານໂລກ ໃຫ້ຮູ້ວ່າ: ເມື່ອບໍ່ດົນມານີ້, ຊ່ຽວຊານຈາກທະນາຄານໂລກໄດ້ນຳສະເໜີບົດສະຫລຸບລາຍງານການຄົ້ນຄວ້າກ່ຽວກັບສະຖານະ ແລະ ທ່າອ່ຽງໃນການຜະລິດເຂົ້າ ແລະ ພືດຜັກຕ່າງໆ ເປັນສິນຄ້າ ໃນ ສປປ ລາວ, ໃນບົດສະຫລຸບນັ້ນແມ່ນໄດ້ກວມເອົາທັງຕົ້ນທຶນ, ກໍາໄລ ໃນແຕ່ລະຂອດຂອງຕ່ອງໂສ້ການຜະລິດ, ພ້ອມທັງສະເໜີວິທີປັບປຸງການເຊື່ອມໂຍງຂອງຕ່ອງໂສ້ການຜະລິດໃຫ້ດີຂຶ້ນ, ສະເໜີໃຫ້ມີການປັບປຸງສະພາບແວດລ້ອມທາງດ້ານລະບຽບການ ແລະ ມາດຕະການຕ່າງໆທີ່ຕິດພັນ ແລະ ຍົກສູງຄຸນນະພາບຂອງການລົງທຶນພາກລັດ ເພື່ອສ້າງຜົນປະໂຫຍດໃນແກ່ການພັດທະນາຢ່າງເຕັມສ່ວນ.

ບົດລາຍງານການຄົ້ນຄວ້າສະບັບນີ້, ເປັນສ່ວນໜຶ່ງຂອງການປຶກສາຫາລືດ້ານນະໂຍບາຍຕ່າງໆພາຍໃຕ້ໂຄງການພັດທະນາການຄ້າໄລຍະສອງ (Second Trade Development Facility) ທີ່ໄດ້ຮັບທຶນຈາກທະນາຄານໂລກ ແລະ ກອງທຶນຮ່ວມຈາກຄູ່ຮ່ວມຫລາຍຝ່າຍ ເຊັ່ນ: ອົດສະຕາລີ, ສະຫະພາບເອີຣົບ, ເຢຍລະມັນ, ອຽກລັງ ແລະ ສະຫະລັດອາເມລິກາ. ນອກນັ້ນ, ບົດລາຍງານຍັງປະກອບສ່ວນທາງດ້ານເນື້ອໃນໃຫ້ແກ່ໂຄງການຜະລິດກະສິກຳເປັນສິນຄ້າທີ່ຫາກໍໄດ້ຮັບການອະນຸມັດເມື່ອບໍ່ດົນມານີ້, ເພື່ອແນໃສ່ປັບປຸງຕ່ອງໂສ້ການຜະລິດເຂົ້າ, ສາລີ ແລະ ພືດຜັກຕ່າງໆຢູ່ໃນແຂວງເປົ້າໝາຍຂອງລາວ, ໂດຍມີປະ​ຊາ​ຊົນຫລາຍກວ່າ 140 ພັນຄົນ​ຈະ​ໄດ້​ຮັບ​ຜົນ​ປະ​ໂຫຍດ​ຈາກ​ກາ​ນ​ກ​ະ​ຕຸ​ກ​ຊຸ​ກ​ຍູ້​ແລ​ະ ​ສົ່ງ​ເສີ​ມ​ໃຫ້​ການ​ຜະ​ລິດ​ເຂົ້າ, ສາ​ລີ ແລະ ຜະ​ລິດ​ຕະ​ພັນ​ກະ​ສິ​ກຳ​ຕ່າງໆ ໃຫ້​ມີ​ປະ​ສິດ​ທິ​ພາບ ແລະ ມີ​ກຳ​ໄລ​ຫລາຍ​ຂຶ້ນ,​ ໂດຍ​ຜ່ານໂຄງ​ການດັ່ງກ່າວ ທີ່ໄດ້​ຮັບ​ກາ​ນ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກໃນເມື່ອບໍ່ດົນນີ້ ລວມມີ​ມູນ​ຄ່າ 25 ລ້ານ​ໂດ​ລາ​ສະ​ຫະ​ລັດ, ໂດຍຈະ​ສະ​ໜັບ​ສະ​ໜູນ 28 ພັນຄອບຄົວ​​​ກະ​ສິ​ກອນຈາ​ກ 224 ບ້ານ​ເປົ້າໝາຍທີ່​ຖືກ​ຄັດ​ເລືອກ​ໃນເຂດ​ຊົນ​ນະ​ບົດ​ເພື່ອ​ເພີ່ມ​ຜົນ​​ຜະ​ລິດ, ປັບປຸງຄຸນ​ນະ​ພາບ​ສີນຄ້າ​ ແລະ ເພີ່ມ​ຜະ​ລິດ​ຕະ​ພາບ​ດ້ານແຮງ​ງານ ແລະ ເພີ່ມ​ຍອດ​ຂາຍຜົນ​ລະ​ປູກ.

​ທ່ານ ຮອງລັດຖະມົນຕີກະຊງກະສິກໍາ-ປ່າໄມ້ ​ພວງ​ປາ​ຣິ​ສັກ ປ​ຣະ​ວົງ​ວຽງ​ຄຳໃຫ້ຮູ້ວ່າ: ການ​​ເຮັດໃຫ້ຊາວກະສີິກອນສາມາດ​ເຂົ້າ​ເຖິງ​ແນວ​​ພັນ​ພືດທີ່​ມີ​ຄຸນ​ນະ​ພາບ​ສູງ, ການ​ນຳ​ໃຊ້​ກົນ​ຈັກ ແລະ ​ຊົນ​ລະ​ປະ​ທານມີເປົ້າໝາຍເພື່ອຫລຸດຕົ້ນ​ທືນ​ການ​ຜ​ະ​ລິດ​​​ ແລະ ເຮັດ​ໃຫ້​​ກະ​ສິ​ກອນ​ໄດ້ຮັບ​ຕອບ​ແທນສູງ​ຂຶ້ນ ແລະ ກ​ະ​ສິ​ກຳມີ​ຄວາມ​ສຳ​ຄັນ​ຕໍ່​ປະ​ເທດ​ຂອງ​ພວກ​ເຮົາໃນການສ້າງວຽກເຮັດງານທຳໃຫ້ແກ່ກຳ​ລັງ​ແຮງ​ງານ​​ພາຍໃນປະເທດເປັ​ນຈຳນວນ​ຫລາຍ ແລະ ທິດທາງຂອງ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ 5 ​ປີ​ຄັ້ງ​ທີ VIII, ສ​ປ​ປ ລາວ ໄດ້​ກຳນົດ​ບຸ​ລິ​ມະ​ສິດ​ການ​ເຕີບ​ໂຕທາງເສດຖະກິດ​ແບບ​ສີ​ຂຽວ​ໃນ​ຍຸດ​ທະ​ສາດ​ການ​ພັດ​ທະ​ນາ​ກະ​ສິ​​ກຳ ແລະ ປ່າ​ໄມ້ໄລ​ຍະຍາວ ​ແລະ ສຸມ​ໃສ່ປັບປຸງຄຸນ​ນະ​ພາບ​ຂອງການ​ຜະລິດກະ​ສິ​ກຳ, ອາ​ຫານ​ ແລະ ຜະ​ລິດ​ຕະ​ພັນທີ່​ປອດ​ໄພ, ໂດຍ​ຖືເອົາ​ວິ​ສາ​ຫະ​ກິດ​ຂະ​ໜາດ​ນ້ອຍ ແລະ ​ກາງ ​ເປັນ​ໃຈກາງຂັບ​ເຄື່ອນ​ເຮັດ​ໃຫ້​ແຜນ​ຍຸດ​ທະ​ສາດ​ປາກົດຜົນ​ເປັນ​ຈິງ ແລະ ໂຄງ​ການນີ້​ແມ່ນ​ບາດ​ກ້າວ​ສຳ​ຄັນ​ໃນ​ການຈັດຕັ້ງປະຕິບັດແຜນຍຸດທະສາດດັ່ງ​ກ່າວ.

ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ - Wave100S AD to Website 2020 0 - ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ

​   ທ່ານນາງ ເອແລນ ໂກນສະຕິນ (Ellen Goldstein) ອຳ​ນວຍ​ການ​ທະ​ນາ​ຄານ​ໂລກ​ປະ​ຈຳ​ມຽນ​ມ້າ, ກຳ​ປູ​ເຈຍ ແລະ ລາວ ໃຫ້ຮູ້ວ່າ: ສ​ປ​ປ ລາວ ກຳ​ລັງ​​ປັບປຸງ​ຂະ​ແໜງ​ກະ​ສິ​ກຳ​ໃຫ້​ມີ​ປະສິດ​ທິ​ຜົນ​ກວ່າ​ເກົ່າ, ​ໃຫ້ມີ​ກຳ​ໄລ ແລະ ໃນ​ຮູບ​ແບບ​ສີ​ຂຽວ, ບັນ​ດາ​ຄອບ​ຄົວ​ຊາວກະ​ສິ​ກອນ, ທຸ​ລະ​ກິດ​ກະ​ສິ​ກຳ, ຊາວ​ຄ້າຂາຍ​ຍ່ອຍ ແລະ ຜູ້​ບໍ​ລິ​ໂພກ​ ກໍຈະ​ໄດ້​ຮັບ​ຜົນ​ປະ​ໂຫຍດຈາກ​ໂຄງ​ກາ​ນ​ນີ້ເຊັ່ນກັນ, ​ຊຶ່ງ​ຈ​ະຊ່ວຍປັບ​ປຸງ​ຄຸນ​ນະ​ພາບ, ເຮັດ​ໃຫ້​ມີ​ຜະ​ລິດ​ຕະ​ພັນ​​ກ​ະ​ສິ​ກຳລາ​ກຫລາຍ ແລະ ມີ​ລາ​ຄາ​ຖືກລົງ. ນອກນີ້, ໂຄງ​ການຍັງປະກອບສ່ວນໃສ່ວິທີການ​ຂອງ​ທະ​ນາ​ຄານ​ໂລກ​ທີ່ກຳນົດເອົາ​ຫລາຍ​ຂະ​ແໜງ​ການເຂົ້າໃນ​ການ​ແກ້​ໄຂ​ບັນ​ຫາ​ການຂາດ​ໂພ​ຊະ​ນາ​ການ​ດ້ວຍ​ການ​ເພີ່ມ​ຄວາມ​ຫລາກ​ຫລາຍ​ຂອງ​ອາ​ຫານເພື່ອບໍລິໂພກອາຫານທີ່ມີໂພຊະນາການຫລາຍຂື້ນ. ​ໂຄງການນີ້, ຈະ​ຈັດ​ຕັ້ງ​ປະ​ຕິ​ບັດ​ຢູ່​ແຂວງ​ຄຳ​ມ່ວນ, ບໍ​ລິ​ຄຳ​ໄຊ, ໄຊ​ຍະ​ບູ​ລີ, ແຂວງວຽງ​ຈັນ ແລະ ນະ​ຄອນ​ຫລວງວຽງ​ຈັນ ​ຈົນຮອດ​ປີ 2024 ແລະ ທະ​ນາ​ຄານ​ໂລກ​ໃຫ້​ການ​ສະໜັບສະໜູນລາວ, ໂດຍ​ຜ່ານແຜນການຮ່ວມມືກັບ ສປປ ລາວ ​ສຳ​ລັບ​ໄລ​ຍະ 2017-2021 ​ໃນສາມຂົງ​ເຂດ​ວຽກຈຸດ​ສຸມຄື: ການ​ເຕີບ​ໂຕ​ແບບ​ມີ​ສ່ວນ​ຮ່ວມ, ການ​ລົງ​ທຶນ​ໃສ່​ຊັບ​ພະ​ຍາ​ກອນ​ມະ​ນຸດ ແລະ ການ​ປົກ​ປັກ​ຮັກ​ສາ​ສິ່ງ​ແວດ​ລ້ອມ.

ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ - WhatsApp Image 2020 05 27 at 5 - ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ
ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ - WhatsApp Image 2020 05 27 at 5 - ໂຄງ​ການຜະລິດກະ​ສິ​ກຳ​ເປັນສິນຄ້າ​ຢູ່ລາວໄດ້ຮັບ​​ອະ​ນຸ​ມັດ​ຈາ​ກສະ​ພາ​ບໍ​ລິ​ຫານ​ຂອງ​ທະ​ນາ​ຄານ​ໂລກ
error: Alert: ເນື້ອຫາຂ່າວມີລິຂະສິດ !!