ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ

ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ - 1529564494599 960x0 - ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ
ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ - Untitled design - ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ

ສານ ສ​ ​ເກົາຫລີ ລະບຸ​ວ່າ: ການ​ຂ້າ​ໝາ​ເພື່ອຂາຍ​ຊີ້ນ​​ເປັນ​ສິ່ງ​ຜິດ​ກົດໝາຍ ​ເຊິ່ງ​ເປັນ​ຄຳ​ຕັດສິນ​ຄັ້ງປະຫວັດສາດ​ຂອງ​ປະ​ເທດ, ​ແຕ່​ນັກ​ເຄື່ອນ​ໄຫວ​ເພື່ອ​ສິດທິ​ສັດ​ກັງວົນ​ວ່າ: ຈະ​ນຳ​ໄປ​ສູ່​ການ​ບໍລິ​ໂພ​ກຊີ້ນ​ໝາ​ໂດຍ​ຜິດ​ກົດໝາຍ.

ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ - Wave100S AD to Website 2020 0 - ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ

ຊີ້ນ​ໝາ​ເປັນ​ເມ​ນູອາຫານ​ຂອງ ສ ​ເກົາຫລີ ມາ​ດົນ​ນານ, ຄາດ​ວ່າ​ໃນ​ແຕ່ລະ​ປີ​ມີ​ໝາ​ປະມານ 1 ລ້ານ​ໂຕ​ທີ່​ຖືກ​ຂ້າ​ເພື່ອ​ບໍລິ​ໂພ​ກ. ​ເຖິງ​ຢ່າງ​ໃດ​ກໍ​ຕາມ, ການ​ບໍລິ​ໂພ​ກຊີ້ນ​ໝາ​ຫລຸດ​ລົງ​ໃນ​ໄລຍະ​ຜ່ານ​ມາ ​ເນື່ອງ​ຈາກ​ຊາວ ສ ​ເກົາຫລີ ​ເລີ່​ມ​ເບິ່ງ​ວ່າ ໝາ​ເປັນ​ໝູ່​ທີ່​ດີ​ທີ່​ສຸດ​ຂອງ​ມະນຸດ​ຫລາຍ​ກວ່າ​ເປັນ​ພຽງ​ສັດ​ທົ່ວ​ໄປ, ທັງ​ຄົນ​ຮຸ່ນ​ໃໝ່​ບໍ່​ນິຍົມ​ຮັບ​ປະທານ​ແລ້ວ ​ແລະ ກະ​ແສ​ກົດ​ດັນ​ຈາກ​ນັກ​ເຄື່ອນ​ໄຫວ, ​ເຖິງ​ວ່າ​ທາງ​ການຈະ​ບໍ່​ມີ​ຄຳ​ສັ່ງ​ຫ້າມ​ຢ່າງ​ຈະ​ແຈ້ງ ​ແຕ່​ເຈົ້າໜ້າ​ທີ່​ໃຊ້​ວິທີ​​ເຂັ້ມງວດ​ເລື່ອງ​ການ​ຮັກສາ​ສຸຂະ​ອະນາ​ໄມ ​ແລະ ກົດໝາຍ​ຫ້າມ​ການຂ້າ ​ໂດຍ​ວິທີ​ການ​ທາ​ຮຸນ​ຂອງ​​ໂຮງງານ ​ແລະ ຮ້ານ​ຄ້າ​ໃນ​ໄລຍະ​ກ່ອນ​ເປັນ​ເຈົ້າພາບ​ຈັດການ​ແຂ່ງຂັນ​ກິລາ​ໂອ​ແລມປິກ. ກຸ່ມ​ສິດທິ​ສັດ​ແຄຣ​ໄດ້​ຍື່ນ​ຟ້ອງ​ໃນ​ປີຜ່ານມາ​ກັບ​ໂຮງງານ​ຂ້າ​ໝາ​ໃນ​ເມືອງ​ບູຊອນ​ວ່າ: ຂ້າ​ໝາ​ດ້ວຍ​ວິທີ​ການ​ບໍ່​ເໝາະ​ສົມ ​ແລະ ຂັດ​ກັບ​ຫລັກ​ສຸຂະ​ອະນາ​ໄມ. ສານ​ເມືອງ​ບູຊອນ​ຕັດສິນ​ວ່າ: ການ​ຂ້າ​ໝາ​ເພື່ອ​ບໍລິ​ໂພ​ກ​ເປັນ​ເລື່ອງ​ຜິດ​ກົດໝາຍ ​ໂດຍ​ປັບ​ໄໝ​ເງິນ 3 ລ້ານ​ວອນ ​ແຕ່​ໄດ້​ຍື່ນ​ອຸທອນ​ຕໍ່. ​ເຖິງ​ວ່າ​ທະນາຍຄວາມ​ກຸ່ມ​ສິດທິ​ຈະ​ຍິນ​ດີ​ຕໍ່​ຄຳ​ຕັດສິນ​ດັ່ງກ່າວ ​ເຊິ່ງຖື​ເປັນ​ເທື່ອ​ທຳ​ອິດ​ທີ່​ລະບຸ​ວ່າ: ການ​ຂ້າ​ໝາ​ເພື່ອ​ຂາຍ​ຊີ້ນ​ເປັນ​ເລື່ອງ​ຜິດ​ກົດໝາຍ, ​ແຕ່​ຈະ​ເຮັດ​ໃຫ້​ເກີດ​ການ​ລັກລອບ​ຂາຍ​ຊີ້ນ​ໝາ​ກັນ​ຕໍ່​ໄປ. ຂະນະ​ທີ່​ສະມາຊິກ​ສະພາ​ພັກປະຊາທິປະ​ໄຕ ​ເຊິ່ງ​ເປັນ​ພັກ​ລັດຖະບານ ສ ​ເກົາຫລີ ​ໄດ້​ສະ​ເໜີ​ຮ່າງ​ກົດໝາຍ​ເຂົ້າສູ່​ການ​ພິຈາລະນາ​ໃນ​ສະພາ ​ເພື່ອ​ຫ້າມ​ການ​ບໍລິ​ໂພ​ກຊີ້ນ​ໝາ, ຄຳ​ຕັດສິນ​ຂອງ​ສານ ສ ​ເກົາຫລີ ກໍ່​ໃຫ້​ເກີດ​ສຽງ​ປະ​ທ້ວງ​ຈາກ​ໂຮງງານຄ້າ​ຊີ້ນ​ໝາ ​ແລະ ຍໍ່​ຍອມຮັບ​ຄຳ​ຕັດສິນ ​ໂດຍ​ອ້າງ​ວ່າ​ຊີ້ນ​ໝາ​ບໍລິ​ໂພ​ກ​ໄດ້​ເຊັ່ນ​ດຽວ​ກັບ​ງົວ, ໝູ, ​ໄກ່ ​ແລະ ​ເປັດ ທີ່​ແຕກ​ຕ່າງ​ກໍ​ເປັນ​ພຽງ​ສັດ​ທີ່​ລ້ຽງ​ໄວ້​ເພື່ອ​ບໍລິ​ໂພ​ກ​ເທົ່າ​ນັ້ນ.

ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ - WhatsApp Image 2020 05 27 at 5 - ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ
ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ - WhatsApp Image 2020 05 27 at 5 - ສານ ສ ເກົາຫລີ ຕັດສິນໃຫ້ ການຄ້າຂາຍຊີ້ນໝາຜິດກົດໝາຍ
error: Alert: ເນື້ອຫາຂ່າວມີລິຂະສິດ !!