ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ

ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ - Laos Vietnam 2 - ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ
ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ - Untitled design - ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ

ໃນໂອກາດມາຢ້ຽມຢາມ ສປປ ລາວ ຢ່າງເປັນທາງການ ແລະ ໃນວັນທີ 21 ມິຖຸນານີ້, ຢູ່ໂຮງແຮມລາວພລາຊານະຄອນຫລວງວຽງຈັນ, ສະຫາຍນາງ ດັ້ງ ຖິ ຫງ໋ອກ ທິ້ງ ຮອງປະທານປະເທດແຫ່ງ ສສ.ຫວຽດນາມ ໄດ້ຕ້ອນຮັບການເຂົ້າຢ້ຽມຂ່ຳນັບຂອງສະຫາຍ ວິໄລວົງ ບຸດດາຄຳ ປະທານສະມາຄົມມິຕະພາບລາວ-ຫວຽດນາມພ້ອມຄະນະ.

ໂອກາດນີ້, ສະຫາຍຮອງປະທານປະເທດຫວຽດນາມໄດ້ສະແດງຄວາມຍິນດີຕ້ອນຮັບ ແລະ ໄດ້ແຈ້ງໃຫ້ຄະນະສະມາຄົມມິດຕະພາບລາວ-ຫວຽດນາມ ຊາບກ່ຽວກັບຈຸດປະສົງຂອງການມາຢ້ຽມຢາມ ສປປ ລາວ ຢ່າງເປັນທາງການໃນຄັ້ງນີ້ ແລະ ໄດ້ມີການພົບປະກັບສະຫາຍ ພັນຄຳ ວິພາວັນ ຮອງປະທານປະເທດແຫ່ງ ສປປ ລາວ, ເຊິ່ງໄດ້ມີການປຶກສາຫາລືຫລາຍບັນຫາສຳຄັນທີ່ສອງຝ່າຍມີຄວາມສົນໃຈຮ່ວມກັນ, ພ້ອມທັງປຶກສາຫາລືເພື່ອຊອກຫາວິທີທາງຊຸກຍູ້ໃຫ້ບັນດາວຽກງານຕ່າງໆໃຫ້ມີຄວາມຄືບໜ້າປະກອບສ່ວນສຳຄັນເຂົ້າໃນການເພີ່ມທະວີການພົວພັນຮ່ວມມືລະຫວ່າງສອງປະເທດ. ພ້ອມນີ້, ສະຫາຍຍັງໄດ້ຕີລາຄາສູງຕໍ່ກັບບັນດາກິດຈະກໍາຕ່າງໆລະຫວ່າງ ສະມາຄົມມິດຕະພາບລາວ-ຫວຽດນາມ, ຫວຽດນາມ-ລາວໃນໄລຍະຜ່ານມານັ້ນ, ອັນເປັນການປະກອບສ່ວນເຂົ້າໃນການພັດທະນາປະເທດຊາດ, ທັງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດຫວຽດນາມ-ລາວ ໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.

ສະຫາຍ ວິໄລວົງ ບຸດດາຄຳ ໄດ້ຕາງໜ້າສະມາຄົມມິດຕະພາບລາວ-ຫວຽດນາມ, ສະແດງຄວາມດີໃຈ ແລະ ຊົມເຊີຍມາຍັງສະຫາຍຮອງປະທານປະເທດຫວຽດນາມ ທີ່ໄດ້ມາຢ້ຽມຢາມ ສປປ ລາວ ໃນຄັ້ງນີ້, ພ້ອມທັງໄດ້ລາຍງານໃຫ້ຊາບກ່ຽວກັບຜົນງານໃນການພົວພັນຮ່ວມມືລະຫວ່າງສອງສະມາຄົມມິດຕະພາບລາວ-ຫວຽດນາມ, ຫວຽດນາມ-ລາວ ໃນໄລຍະຜ່ານມາ ກໍຄືໃນປັດຈຸບັນ, ພ້ອມສະເໜີໃຫ້ສະຫາຍຮອງປະທານປະເທດຫວຽດນາມ ສືບຕໍ່ຊີ້ນຳ-ນຳພາ ສະມາຄົມມິດຕະພາບລາວ-ຫວຽດນາມ ໃນການເຄື່ອນໄຫວວຽກງານ, ໂດຍສະເພາະແມ່ນການສືບຕໍ່ເຄື່ອນໄຫວບັນດາກິດຈະກໍາຕ່າງໆ ໃນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໃຫ້ກ້າວໜ້າຂະຫຍາຍຕົວຢ່າງບໍ່ຢຸດຢັ້ງ.

 

ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ - Wave100S AD to Website 2020 0 - ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ

 

ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ - WhatsApp Image 2020 05 27 at 5 - ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ
ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ - WhatsApp Image 2020 05 27 at 5 - ຮອງປະທານປະເທດຫວຽດນາມຕ້ອນຮັບສະມາຄົມມິດຕະພາບລາວ-ຫວຽດນາມ
error: Alert: ເນື້ອຫາຂ່າວມີລິຂະສິດ !!