ຄຸນປະໂຫຍດດີໆຈາກອາຫານຍ່ອຍງ່າຍ.

ຄຸນປະໂຫຍດດີໆຈາກອາຫານຍ່ອຍງ່າຍ. - 012206 2018 - ຄຸນປະໂຫຍດດີໆຈາກອາຫານຍ່ອຍງ່າຍ.
ຄຸນປະໂຫຍດດີໆຈາກອາຫານຍ່ອຍງ່າຍ. - Untitled design - ຄຸນປະໂຫຍດດີໆຈາກອາຫານຍ່ອຍງ່າຍ.

*      – ໝາກໄມ້ :ຖືກຈັດໃຫ້ເປັນອາຫານພື້ນຖານທີ່ມີຄວາມຈຳເປັນຕໍ່ຮ່າງກາຍ ແລະ ມີຄຸນປະໂຫຍດຫລາຍອີກຊະນິດໜຶ່ງ ທັງ ຍັງຫາກິນໄດ້ບໍ່ຍາກ ເນື່ອງຈາກໝາກໄມ້ມີໄຍອາຫານຫລາຍ ຈຶ່ງເຮັດໃຫ້ກາຍເປັນອາຫານທີ່ຊ່ວຍໃນການປັບລະບົບຍ່ອຍອາຫານໃນຮ່າງກາຍຂອງເຮົາໄດ້ຢ່າງດີ ເຊັ່ນ : ໝາກແອັບເປິ້ນ, ໝາກໂມ, ໝາກຫຸ່ງ, ໝາກມ່ວງ ແລະ ໝາກສະຕໍເບີຣີ ເຊິ່ງໝາກໄມ້ຈຳພວກນີ້ນອກຈາກຈະມີໄຂມັນໜ້ອຍແລ້ວ ຍັງອຸດົມໄປດ້ວຍວິຕາມິນ, ເກືອແຮ່ ແລະ ສານອາຫານທີ່ຈຳເປັນຕໍ່ຮ່າງກາຍນຳອີກ.

     – ເຂົ້າ : ເປັນອາຫານອີກຊະນິດໜຶ່ງທີ່ຍ່ອຍງ່າຍ ເຊິ່ງພາຍໃນເຂົ້າຈະອຸດົມໄປດ້ວຍຄາໂບໄຮເດຣດ ແລະ ສານອາຫານອື່ນໆທີ່ ມີຄວາມຈຳເປັນຕໍ່ຮ່າງກາຍ ດັ່ງນັ້ນ, ເຂົ້າຈຶ່ງເປັນອາຫານຫລັກທີ່ສຳຄັນຕໍ່ຄົນເຮົາ ເພາະເຂົ້າຊ່ວຍຫລຸດການຄັດຫລັ່ງຂອງແຫລວ ໃນກະເພາະອາຫານ ເຊິ່ງເປັນສາເຫດທີ່ເຮັດໃຫ້ທ່ານອາລົມບໍ່ດີແລະ ບໍ່ສະບາຍໃຈໄດ້.

     – ຊີ້ນໄກ່ : ສຳລັບອາຫານຈຳພວກຊີ້ນສັດແລ້ວ ຊີ້ນໄກ່ກໍເປັນທາງເລືອກທີ່ດີສຳລັບທ່ານຄືກັນ ເມື່ອກຳລັງຊອກຫາອາຫານຍ່ອຍງ່າຍ. ນອກຈາກນີ້, ຊີ້ນໄກ່ຍັງເຕັມໄປດ້ວຍໂປຣຕິນ, ວິຕາມິນຄົບ ຖ້ວນ ແລະ ມີກາລໍຣີໜ້ອຍ ເຮັດໃຫ້ເປັນອາຫານທ່ີເໝາະສົມສຳລັບຜູ້ຫລຸດນຳ້ໜັກ, ຄົນປ່ວຍ ແລະ ຜູ້ເຖົ້າໄດ້ເປັນຢ່າງດີ.

     – ແກງ :ອາຫານຈຳພວກແກງຕ່າງໆ ໂດຍສະເພາະແກງຜັກ ຖືເປັນອາຫານຊ່ວຍຍ່ອຍຢ່າງດີ ເພາະໃນນຳ້ແກງນັ້ນມີຄຸນຄ່າທາງໂພຊະນາການທີ່ຮ່າງກາຍຕ້ອງການຢູ່ຫລາຍປະເພດ ຍ້ອນເຫດນີ້ ຖ້າຫາກທ່ານມີອາການເຄືອງກະເພາະອາຫານ ຂໍແນະນຳເລີຍວ່າການກິນແກງພຽງ 1 ຖ້ວຍນ້ອຍກໍສາມາດຊ່ວຍຫລຸດຜ່ອນອາການຂອງທ່ານໄດ້.

ຄຸນປະໂຫຍດດີໆຈາກອາຫານຍ່ອຍງ່າຍ. - Wave100S AD to Website 2020 0 - ຄຸນປະໂຫຍດດີໆຈາກອາຫານຍ່ອຍງ່າຍ.

     – ໂຢເກິດ : ໃນໂຢເກິດນັ້ນມີຈຸລິນຊີ ແລະ ແບັກທີເຣຍທີ່ມີປະໂຫຍດຕໍ່ຮ່າງກາຍທີ່ຊ່ວຍໃນການຍ່ອຍອາຫານ ເຊິ່ງມີຜົນເຮັດໃຫ້ສຸຂະພາບຂອງລະບົບຍ່ອຍອາຫານດີຂຶ້ນ. ນອກຈາກນີ້, ຍັງຊ່ວຍເພີ່ມພູມຕ້ານທານພາຍໃນຮ່າງກາຍ ແລະ ສາມາດເຮັດໃຫ້ອາການຖອກທ້ອງຫລຸດຜ່ອນລົງ ລວມທັງຊ່ວຍຂັດຂວາງການເປັນພະຍາດກະເພາະອາຫານໄດ້ນຳອີກ.

     – ຜັກໃບຂຽວ : ຜັກກະລໍ່າ, ຜັກບົ້ງ, ຜັກຫົມ ຫລື ຜັກໃບຂຽວຊະນິດອື່ນໆ ເມື່ອກິນເຂົ້າໄປແລ້ວສາມາດຊ່ວຍກຳຈັດສານອາຫານທີ່ຕົກຄ້າງຢູ່ໃນກະເພາະອາຫານໄດ້ເປັນຢ່າງດີ ຊ່ວຍໃຫ້ຖ່າຍສະດວກ ເນື່ອງຈາກສານອາຫານທີ່ຢູ່ໃນຜັກໃບຂຽວລ້ວນແຕ່ເປັນສານອາຫານທີ່ມີປະໂຫຍດຕໍ່ຮ່າງກາຍທັງໝົດ ທັງໃຫ້ພະລັງງານ, ສ້າງການຈະເລີນເຕີບໃຫຍ່ຂອງຮ່າງກາຍ, ຊ່ວຍຟື້ນຟູພາກສ່ວນເສື່ອມສະພາບ ແລະ ເປັນອາຫານທີ່ເໝາະສົມກັບຜູ້ທີ່ກຳລັງຫລຸດນຳ້ໜັກຢູ່.

ຄຸນປະໂຫຍດດີໆຈາກອາຫານຍ່ອຍງ່າຍ. - WhatsApp Image 2020 05 27 at 5 - ຄຸນປະໂຫຍດດີໆຈາກອາຫານຍ່ອຍງ່າຍ.
ຄຸນປະໂຫຍດດີໆຈາກອາຫານຍ່ອຍງ່າຍ. - WhatsApp Image 2020 05 27 at 5 - ຄຸນປະໂຫຍດດີໆຈາກອາຫານຍ່ອຍງ່າຍ.
error: Alert: ເນື້ອຫາຂ່າວມີລິຂະສິດ !!