ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ

ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ - 35884199 908640999296474 5870885165923827712 n - ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ
ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ - Untitled design - ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ

ໃນກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ VIII ຄັ້ງວັນທີ 22 ມິຖຸນານີ້, ໂດຍການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ແລະ ສະມາຊິກສະພາແຫ່ງຊາດ ໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາໃສ່ຮ່າງກົດໝາຍວ່າດ້ວຍ ການຂັດແຍ່ງດ້ານເສດຖະກິດສະບັບປັບປຸງໃໝ່, ເພື່ອເຮັດໃຫ້ຮ່າງກົດໝາຍດັ່ງກ່າວມີເນື້ອໃນຄົບຖ້ວນສົມບູນ ແລະ ຮັດກຸມແທດເໝາະກັບຕົວຈິງຂອງປະເທດ ແລະ ໄດ້ເຫັນດີຮັບຮອງເອົາກົດໝາຍສະບັບດັ່ງກ່າວດ້ວຍຄະແນນສຽງສ່ວນຫລາຍ.

ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທໍາໄດ້ສະເໜີກົດໝາຍດັ່ງກ່າວຕໍ່ກອງປະຊຸມວ່າ: ກົດໝາຍສະບັບທີ່ໃຊ້ໃນປັດຈຸບັນນີ້, ແມ່ນໄດ້ຖືກຮັບຮອງ ແລະ ປະກາດໃຊ້ໃນປີ 2005 ແລະ ໄດ້ຖືກປັບປຸງຄັ້ງທີ 1 ໃນປີ 2010, ໂຄງປະກອບຂອງຮ່າງກົດໝາຍສະບັບປັບປຸງນີ້ ໂດຍລວມແລ້ວຍັງຮັກສາໂຄງປະກອບຂອງກົດໝາຍສະບັບປັດຈຸບັນທີ່ມີ 11 ພາກ, 7 ໝວດ ແຕ່ໄດ້ຊັບຊ້ອນພາກທີ IV ແລະ ພາກທີ V ຂຶ້ນມາເປັນພາກທີ III ແລະ ພາກທີ IV ແລະ ພາກທີ III ມາເປັນພາກທີ V ໃນຮ່າງກົດໝາຍສະບັບປັບປຸງ. ສໍາລັບມາດຕາໄດ້ເພີ່ມເຂົ້າໃໝ່ຈາກ 72 ມາເປັນ 89 ມາດຕາ ໃນນີ້, ໄດ້ປັບປຸງ 55 ມາດຕາ, ສ້າງໃໝ່ 17 ມາດຕາ ແລະ ອີກ 17 ມາດຕາຍັງຮັກສາຄືເກົ່າ. ສ່ວນເຫດຜົນ ແລະ ຄວາມຈໍາເປັນໃນການສະເໜີປັບປຸງກົດໝາຍສະບັບນີ້, ຍ້ອນນະໂຍບາຍ ແລະ ບັນດາຂັ້ນຕອນກ່ຽວກັບການແກ້ໄຂຂໍ້ຂັດແຍ່ງທາງດ້ານເສດຖະກິດໃນກົດໝາຍປີ 2010 ມາຮອດປັດຈຸບັນມີບາງອັນບໍ່ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ, ບາງຂັ້ນຕອນຂໍ້ຂັດແຍ່ງຍັງບໍ່ທັນລະອຽດຄົບຖ້ວນ ແລະ ຮັດກຸມ, ບາງນະໂຍບາຍກໍານົດໄປແລ້ວ ແຕ່ຍັງບໍ່ທັນສາມາດຜັນຂະຫຍາຍ ແລະ ຈັດຕັ້ງປະຕິບັດໄດ້ ເປັນຕົ້ນຜູ້ໄກ່ເກ່ຍ-ກໍາມະການຕັດສິນຕ່າງປະເທດ, ເນື້ອໃນບາງມາດຕາຂອງກົດໝາຍວ່າດ້ວຍການແກ້ໄຂຂໍ້ຂັດແຍ່ງທາງດ້ານເສດຖະກິດຍັງບໍ່ທັນລະອຽດຈະແຈ້ງ ແລະ ສອດຄ່ອງ, ຊຶ່ງມີຄວາມຈໍາເປັນຕ້ອງປັບປຸງເພື່ອໃຫ້ສອດຄ່ອງກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ ແລະ ການເຊື່ອມໂຍໃກັບສາກົນ, ເນື້ອໃນບາງມາດຕາຂອງກົດໝາຍທີ່ໄດ້ກໍານົດສິດລະຫວ່າງສານປະຊາຊົນ ແລະ ອົງການແກ້ໄຂຂໍ້ຂັດແຍ່ງທາງດ້ານເສດຖະກິດຍັງບໍ່ທັນຈະແຈ້ງ ເຮັດໃຫ້ຜູ້ຈັດຕັ້ງປະຕິບັດຕົວຈິງມີຄວາມຫຍຸ້ງຍາກ ແລະ ບໍ່ທັນປະຕິບັດໄດ້ຕາມເປົ້າໝາຍທີ່ກໍານົດໄວ້ໃນກົດໝາຍ. ແລະ ເມື່ອກົດໝາຍສະບັບປັບປຸງນີ້ຖືກຮັບຮອງແລ້ວຈະຊ່ວຍໃຫ້ນະໂຍບາຍ ແລະ ຂັ້ນຕອນການແກ້ໄຂຂໍ້ຂັດແຍ່ງທາງດ້ານເສດຖະກິດທີ່ໄດ້ກໍານົດໄວ້ໃນກົດໝາຍສະບັບປັບປຸງນີ້ຈະໄດ້ຮັບການຈັດຕັ້ງຜັນຂະຫຍາຍ, ປະກອບສ່ວນສໍາຄັນໃນການພັດທນາເສດຖະກິດ-ສັງຄົມຂອງປະເທດເຮົາ, ຊ່ວຍໃຫ້ຂັ້ນຕອນການພິຈາລະນາແກ້ໄຂຂໍ້ຂັດແຍ່ງມີຄວາມວ່ອງໄວກວ່າເກົ່າ, ພ້ອມທັງສອດຄ່ອງກັບສະພາບຄວາມເປັນຈິງຂອງການຂະຫຍາຍຕົວທາງດ້ານເສດຖະກິດ-ສັງຄົມຂອງປະເທດໃນເງື່ອນໄຂກົນໄກເສດຖະກິດຕະຫລາດ ແລະ ການເຊື່ອໂຍງສາກົນ, ມີຄວາມສອດຄ່ອງກັນຫລັກການຂອງສົນທິສັນຍາທີ່ ສປປ ລາວ ເປັນພາຄີ. ນອກນີ້, ຍັງເຮັດໃຫ້ຄູ່ກໍລະນີມີທາງເລືອກໃນການແກ້ໄຂຂໍ້ຂັດແຍ່ງຂອງເຂົາເຈົ້າ ແລະ ຫລຸດຜ່ອນຄະດີທາງດ້ານເສດຖະກິດທີ່ຮ້ອງຟ້ອງຂຶ້ນໄປຫາສານປະຊາຊົນ.

ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ - Wave100S AD to Website 2020 0 - ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ
ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ
ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍການແກ້ໄຂຂໍ້ຂັດແຍ່ງດ້ານເສດຖະກິດ
error: Alert: ເນື້ອຫາຂ່າວມີລິຂະສິດ !!