ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ

ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ - index - ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ
ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ - Untitled design - ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ

ສຳນັກ​ຂ່າວ​ຕ່າງປະ​ເທດ​ລາຍ​ງານວ່າ: ອົງການ​ສັງ​ເກດ​ການ​ດ້ານ​ສິດ​ທິມະນຸດ​ຊີຣີ (SOHR) ລາຍ​ງານ​ວ່າ: ​ເຮືອບິນ​ຮົບ​ຂອງຣັດ​ເຊຍ 5 ລຳ​ຈາກ​ຖານ​ທັບ​ອາກາດ​ຮາ​ໄມ​ມິນ ​ແຂວງ​ລາ​ຕາ​ຄີ ທາງ​ຕາ​ເວັນ​ຕົກ​ຂອງ​ຊີຣີ ປະຕິບັດ​ການ​ໂຈ​ມຕີ​ທາງ​ອາກາດ 25 ຄັ້ງ ​ໃນ​ເຂດ​ບຸ​ສຣາ ອັດ​ຮາຣີ ທາງ​ຕາ​ເວັນ​ອອກສຽງ​ເໜືອ​ຂອງ​ເມືອງ​ດາຣາ ​ເຊິ່ງ​ເປັນ​ເຂດ​ອິດ​ທິພົນ​ຂອງ​ຝ່າຍ​ກະບົດ​ພຽງ​ບໍ່​ເທົ່າ​ໃດ​ແຫ່ງ​ທີ່​ເຫລືອ​ຢູ່​ໃນ​ພາກ​ຕາ​ເວັນ​ຕົກ​ສຽງ​​ໃຕ້​ຂອງ​ຊີຣີ ​​ໃນ​ວັນ​ທີ 23 ມິຖຸນາ.

ທັງ​ນີ້, ລາຍ​ງານ​ຂອງ SOHR ບໍ່​ໄດ້​ໃຫ້​ລາຍ​ລະອຽດ​ທີ່​ຈະ​ແຈ້ງ​ກ່ຽວ​ກັບ​ເຂດ​ຄວາມ​ເສຍ​ຫາຍ, ​ແຕ່​ລະບຸ​ວ່າ​ເປັນ​ເທື່ອ​ທຳ​ອິດ​ໃນ​ຮອບ​ເກືອບ 1 ປີ ທີ່​ກອງທັບຣັດ​ເຊຍ​ປະຕິບັດ​ການ​ທາງ​ທະຫານ​ບໍລິ​ເວນ​ນີ້ ນັບ​ແຕ່​ມີ​ຂໍ້​ຕົກລົງ​ຢຸດ​ຍິງ​ແບບ​ໄຕ​ພາຄີ​ລະຫວ່າງ​ອາ​ເມ​ລິ​ກາ​ກັບຣັດ​ເຊຍ ​ແລະ ຊັອກ​ດາ​ນີ ​ໂດຍ​ໄດ້​ຮັບ​ການ​ສະໜັບສະໜູນ​ຈາກ​ລັດຖະບານ ​ແລະ ຝ່າຍ​ກະບົດ ​ໃນ​ເດືອນ​ກໍລະກົດ​ປີຜ່ານມາ. ​ເຖິງ​ຢ່າງ​ໃດ​ກໍ​ຕາມ, SOHR ວິ​ເຄາະ​ອີກ​ວ່າ: ປະຕິບັດ​ການ​ໂຈມ​ຕີ​ທາງ​ອາກາດ​ຂອງ​ກອງທັບຣັດ​ເຊຍ​ໃນ​ຄັ້ງນີ້​ເປັນ​ການ​ເປີດ​ທາງ​ໃຫ້​ແກ່​ປະຕິບັດ​ການ​ພາກພື້ນດິນ​ຂອງ​ກອງທັບຣັດ​ເຊຍ ​ໃນ​ການ​ຍຶດບໍລິ​ເວນ​ດັ່ງກ່າວ​ກັບ​ຄືນ​ຈາກ​ກອງທັບ​ປົດ​ປ່ອຍ​ຊີຣີ (FSA) ທີ່​ອ່ອນ​ກຳລັງ​ລົງ. ນອກຈາກ​ນີ້ ພື້ນທີ່​ດັ່ງກ່າວ​ຍັງ​ເປັນ​ຈຸດ​ເຊື່ອມ​ຕໍ່​ກັບ​ຊາຍ​ແດນ​ຂອງ​ຊັອກດາ​ນີ ​ແລະ ​ໂກ​ລັນ ​ເຊິ່ງ​ເປັນ​ພື້ນທີ່​ຂັດ​ແຂ່ງ​ລະຫວ່າງ​ຊີຣີກັບ​ອິດສະ​ລາ​ແອນ.

ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ - Wave100S AD to Website 2020 0 - ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ
ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ - WhatsApp Image 2020 05 27 at 5 - ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ
ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ - WhatsApp Image 2020 05 27 at 5 - ຣັດເຊຍປະຕິບັດການຖະຫລົ່ມ ເຂດກະບົດໃນພາກໃຕ້ຂອງຊີຣີ
error: Alert: ເນື້ອຫາຂ່າວມີລິຂະສິດ !!