ຜົນງານດີຕໍ່ເນື່ອງລົດແກ້ວ ອິນທະກຸມມານ

ຜົນງານດີຕໍ່ເນື່ອງລົດແກ້ວ ອິນທະກຸມມານ - 36087823 799769540233621 5571656589707837440 n - ຜົນງານດີຕໍ່ເນື່ອງລົດແກ້ວ ອິນທະກຸມມານ
ຜົນງານດີຕໍ່ເນື່ອງລົດແກ້ວ ອິນທະກຸມມານ - Untitled design - ຜົນງານດີຕໍ່ເນື່ອງລົດແກ້ວ ອິນທະກຸມມານ

ທ້າຍອາທິດຜ່ານມາ ນາງ ລົດແກ້ວ ອິນທະກຸມມານ ນັກ​ແລ່ນ​ທົນ​ທີ​ມຊາດ​ລາວ ສືບຕໍ່ສ້າງຜົນງານໄດ້ດີຢ່າງສະເໝີຕົ້ນສະເໝີປາຍ, ຫລ້າສຸດສ້າງຊື່ສຽງເຖິງປະເທດກຳປູເຈຍ ສາມາດຍາດໄດ້ແຊ້ມແລ່ນໄລຍະທາງ 10 ກິ​ໂລ​ແມັດ​ຍິງ ໃນລາຍການ ພະນົມ​ເປນ ຮາ​ບ ມາຣາທອນ ຄັ້ງ​ທີ 8 ຫລື “The 8th Phnom penh International Half marathon” ທີ່​ນະຄອນຫລວງ​ພະນົມ​ເປ​ນ ປະເທດກຳປູ​ເຈຍ ​ເປັນ​ເຈົ້າພາບ.

ນາງ ລົດແກ້ວ ອິນທະກຸມມານ ລົງແຂ່ງຂັນໃນໄລຍະທາງ ​10 ກິ​ໂລ​ແມັດ​ຍິງ ຜ່ານ​ການ​ແຂ່ງຂັນ ຜົນ​ປາກົດ​ວ່າ: ລົດແກ້ວ ອິນທະກຸມມານ  ສາມາດ​ຄວ້າ​ແຊ້ມ​ແລ່ນ 10 ກິ​ໂລ​ແມັດ​ຍິງ ມາ​ຄອງ​ໄດ້​ສຳ​ເລັດ ​ດ້ວຍ​ເວລາ 41 ນາທີ ​ໄດ້​ຮັບຫຼຽນ​ຄຳ ພ້ອມ​ກັບ​ເງິນສົດ 1 ລ້ານ​ກີບ (120 ​ໂດ​ລາ​ສະຫະລັດ) ​ແລະ ຂອງຂວັນ​ລາງວັນ​ຫລາຍ​ລາຍການ ລວມມູນ​ຄ່າ​ທັງ​ໝົດ 2.500.000 ກີບ (300 ​ໂດ​ລາ​ສະຫະລັດ). ຂະນະ​ທີ່ ອັນ​ດັບ 2 ​ແລະ 3 ​ແມ່ນ​ຕົກ​ເປັນ​ຂອງ​ນັກ​ກິລາ​ແລ່ນກຳປູເຈຍ​ເຈົ້າພາບ. ປັດຈຸບັນ​ ​ຢູ່​ໃນ​ໄລຍະ​ກະກຽມ​ເຂົ້າ​ຮ່ວມ​ການ​​ແຂ່ງຂັນ​ງານ​ມະຫາກຳ​ກິລາເອຊຽນເກມ 2018 ທີ່ປ​ະ​ເທດອິນໂດເນເຊຍ ​ເປັນ​ເຈົ້າພາບ ໃນເດືອນສິງຫານີ້ ​​ໂດຍ​ຈະ​ລົງແຂ່ງຂັນ 2 ລາຍການ ປະກອບ​ມີ: ລາຍການ 800 ແມັດຍິງ ແລະ 1.500 ແມັດຍິງ.

ສໍາລັບຜົນງານຫລ້າສຸດຂອງນາງ ລົດ​ແກ້ວ ອິນທະ​ກຸມມານ ສາມາດຍາດໄດ້ອັນດັບ 2 ປະເພດທົ່ວໄປ ລາຍການ ​Supper sports 10 miles International Run 2018 ທີ່ນະຄອນຫລວງບາງກອກ ປະເທດໄທ ​ເປັນ​ເຈົ້າພາບ ​ໃນ​ວັນ​ທີ 13 ພຶດສະພາຜ່ານມາ ແລະ ຍາດໄດ້ອັນດັບ 1 ປະເພດອາຍຸ 15-29 ປີ​. ສ່ວນລາຍການ ສິງກະໂປ ໂອເພນ ສາມາດຍາດໄດ້ 1 ຫລຽນຄໍາ ແລະ 1 ຫລຽນເງິນມາ​ຄອງ​.

ຜົນງານດີຕໍ່ເນື່ອງລົດແກ້ວ ອິນທະກຸມມານ - Wave100S AD to Website 2020 0 - ຜົນງານດີຕໍ່ເນື່ອງລົດແກ້ວ ອິນທະກຸມມານ
ຜົນງານດີຕໍ່ເນື່ອງລົດແກ້ວ ອິນທະກຸມມານ - WhatsApp Image 2020 05 27 at 5 - ຜົນງານດີຕໍ່ເນື່ອງລົດແກ້ວ ອິນທະກຸມມານ
ຜົນງານດີຕໍ່ເນື່ອງລົດແກ້ວ ອິນທະກຸມມານ - WhatsApp Image 2020 05 27 at 5 - ຜົນງານດີຕໍ່ເນື່ອງລົດແກ້ວ ອິນທະກຸມມານ
error: Alert: ເນື້ອຫາຂ່າວມີລິຂະສິດ !!