ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ

ກອງປະຊຸມສຸກເສີນ eu ເລື່ອງຜູ້ອົບພະຍົບບໍ່ມີຂໍ້ສະຫລຸບ - im 15470 - ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ
ກອງປະຊຸມສຸກເສີນ eu ເລື່ອງຜູ້ອົບພະຍົບບໍ່ມີຂໍ້ສະຫລຸບ - Untitled design - ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ

ກອງ​ປະຊຸມ​ສຸກ​ເສີນ​ຂອງ​ຜູ້ນຳ​ສະມາຊິກ EU 16 ປະ​ເທດ ກ່ຽວ​ກັບ​ສະຖານະ​ການ​ຜູ້​ອົບ​ພະຍົບຮອບ​ໃໝ່ ບໍ່​ມີ​ຂໍ້​ສະຫລຸບ​ທີ່​ຈະ​ແຈ້ງ. ຂະນະ​ທີ່​ລັດຖະບານ​ຂວາ​ຈັດ​ຂອງ​ອີ​ຕາ​ລີ​ເຕືອນ NGO ​ຍົກ​ເລີກ​ຊ່ວຍ​ເຫລືອ​ເຮືອ​ຜູ້​ອົບ​ພະຍົບຈາກ​ນອກ​ຝັ່ງ​ລີ​ບີ.

​ເຢຍລະ​ມັນ ​ແລະ ຝຣັ່ງ ຮຽກຮ້ອງ​ໃຫ້​ເລັ່ງຫາ​ທາງ​ອອກ​ໃຫ້​ແກ້​ວິ​ກິດ​ການ​ຜູ້​ອົບ​ພະຍົບ. ຂະນະ​ທີ່​ບັນດາ​ຜູ້ນຳ​ສະຫະພາບ​ເອີຣົບຍັງ​ຕົກລົງ​ກັນ​ບໍ່​ໄດ້​ກ່ຽວ​ກັບ​ຊະ​ຕາ​ກຳ​ຂອງ​ຜູ້​ອົບ​ພະຍົບຊາວ​ອາ​ຟຣິກາ​ທີ່​ຕ້ອງ​ຂີ່​ເຮືອ​ຢູ່​ກາງ​ທະ​ເລ.

​ໃນ​ວັນ​ທີ 24 ມິຖຸນາ, ຜູ້ນຳ​ EU 16 ປະ​ເທດຈາກ​ທັງ​ໝົດ 28 ປະ​ເທດ​ໄດ້​ຈັດ​ກອງ​ປະຊຸມ​ສຸກ​ເສີນ​ຢູ່​ນະຄອນຫລວງ​ບຣຸກ​ແຊນ ປະ​ເທດ​ແບນ​ຊິກ ​ໂດຍ​ບໍ່​ມີ​ຜູ້ນຳ​ຮົງ​ກາລີ, ​ໂປ​ໂລ​ຍ, ສ.​ເຊັກ ​ແລະ ສະ​ໂລ​ວັກ ​ເຊິ່ງ​ເປັນ​ປະ​ເທດ​ທີ່​ປະຕິ​ເສດ​ການ​ຮັບ​ຜູ້​ອົບ​ພະຍົບທີ່​ເດີນທາງ​ຜ່ານ​ມາ​ຈາກ​ອີ​ຕາ​ລີ ​ແລະ ​ເກຣັກ. ບັນຫາ​ທີ່​ຫາລື​ກັນ​ຄື​ຈະ​​ແກ້​ໄຂ​ແນວ​ໃດ​ກັບ​ຜູ້​ອົບ​ພະຍົບ​ເຫລົ່າ​ນີ້ ​ເຊິ່ງຕ້ອງ​ຈົບ​ຊີວິດ​ລົງ​ກາງ​ທະ​ເລ​ເມ​ດິ​ເຕລາ​ເນ​ໃນ​ຫລາຍ​ປີຜ່ານມາ​.

ຂະນະ​ທີ່​ລັດຖະບານ​ໃໝ່​ຂອງ​ອີ​ຕາ​ລີ ​ເຊິ່ງ​ເປັນ​ປະ​ເທດ​ດ່ານ​ໜ້າ​ທີ່​ຜູ້​ອົບ​ພະຍົບມາ​ຂຶ້ນຝັ່ງ ບໍ່​ຍອມ​ໃຫ້​ເຮືອ​ຜູ້​ອົບ​ພະຍົບ​ເຂົ້າມາ​ຈອດ​ທ່າ. ປະທານາທິບໍດີ ​ເອັມມາ​ນູ​ເອລ ມາຄຣົງ ຂອງຝຣັ່ງ ​ແລະ ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ຂອງ​ເຢຍລະ​ມັນ ປະກາດ​ຈະ​ເດີນ​ໜ້າ​ຫາ​ທາງ​ຫລຸດ​ຈຳນວນ​ຜູ້​ອົບ​ພະຍົບທີ່​ຫລັ່ງ​ໄຫລ​ເຂົ້າມາ ​ແລະ ຈະ​ຮ່ວມ​ແບ່ງປັນ​ຄວາມ​ຮັບຜິດຊອບ​ຕໍ່​ຜູ້​ອົບ​ພະຍົບທີ່​ຂຶ້ນຝັ່ງ​ໃນ​ເອີຣົບ. ​ເຖິງ​ຢ່າງ​ໃດ​ກໍ​ດີ, ຜູ້ນຳ​ເຢຍລະ​ມັນ​ຍອມຮັບ​ວ່າ: ຜູ້ນຳ EU ຍັງ​ມີ​ຄວາມ​ເຫັນ​ແຕກ​ຕ່າງ​ກັນ​ຢູ່.

ກອງປະຊຸມສຸກເສີນ eu ເລື່ອງຜູ້ອົບພະຍົບບໍ່ມີຂໍ້ສະຫລຸບ - Wave100S AD to Website 2020 0 - ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ

ຂະນະ​ດຽວ​ກັນ, ນາຍົກລັດຖະມົນຕີ ຊາລ ມິ​ເຊ​ລ ຂອງ​ແບນ​ຊິກ ​ເຕືອນ​ວ່າ: ບັນຫາ​ຜູ້​ອົບ​ພະຍົບອາດ​ທຳລາຍ​ການ​ຕົກລົງ​ເຊ​ງ​ເກັ້ນທີ່​ເປີດ​ໂອກາດ​ໃຫ້​ຄົນ​ໃນ​ກຸ່ມ EU ​ເດີນທາງ​ລະຫວ່າງ​ກັນ​ໄດ້​ຢ່າງ​ເສລີ. ດັ່ງນັ້ນ ສິ່ງ​ສຳຄັນທີ່​ສຸດ​ໃນ​ການ​ປົກ​ປ້ອງ​ຂໍ້​ຕົກລົງ​ນີ້​ຄື ການ​ຄວບ​ຄຸມ​ຊາຍ​ແດນ​ພາຍ​ນອກ​ຂອງ EU ຢ່າງ​ເຂັ້ມງວດ. ທັງ​ນີ້​ຜູ້ນຳ EU ​ໄດ້​ກຳນົດ​ໃຫ້​ພາຍ​ໃນ​ເດືອນ​ມິຖຸນາ​ນີ້ ຈະ​ຕ້ອງ​ມີ​ການ​ກຳນົດ​ຂໍ້​ຕົກລົງ​ທີ່​ຖາວອນ​ໃນ​ການ​ກະຈາຍ​ຜູ້​ອົບ​ພະຍົບ​ໄປ​ຕາມ​ປະ​ເທດ​ສະມາຊິກ, ​ແຕ່​ຮອດ​ຕອນ​ນີ້​ຂໍ້​ຕົກລົງ​ຍັງ​ບໍ່​ເປັນ​ຮູບ​​ເປັນ​ຮ່າງ.

ກອງປະຊຸມສຸກເສີນ eu ເລື່ອງຜູ້ອົບພະຍົບບໍ່ມີຂໍ້ສະຫລຸບ - WhatsApp Image 2020 05 27 at 5 - ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ
ກອງປະຊຸມສຸກເສີນ eu ເລື່ອງຜູ້ອົບພະຍົບບໍ່ມີຂໍ້ສະຫລຸບ - WhatsApp Image 2020 05 27 at 5 - ກອງປະຊຸມສຸກເສີນ EU ເລື່ອງຜູ້ອົບພະຍົບບໍ່ມີຂໍ້ສະຫລຸບ
error: Alert: ເນື້ອຫາຂ່າວມີລິຂະສິດ !!