ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່

ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່ - Vacine law - ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່
ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່ - Untitled design - ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່

ຮ່າງກົດໝາຍວ່າດ້ວຍ ການໃຫ້ວັກຊີນກັນພະຍາດ ສະບັບສ້າງໃໝ່ ໄດ້ຖືກຮັບຮອງແລ້ວ ໃນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ຄັ້ງວັນທີ 25 ມິຖຸນານີ້, ໂດຍການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ແລະ ສະມາຊິກສະພາແຫ່ງຊາດ ໄດ້ພ້ອມກັນປະກອບຄຳຄິດເຫັນຢ່າງກົງໄປກົງມາໃສ່ຮ່າງກົດໝາຍວ່າດ້ວຍ ການໃຫ້ວັກຊີນກັນພະຍາດ ສະບັບສ້າງໃໝ່, ເພື່ອເຮັດໃຫ້ຮ່າງກົດໝາຍດັ່ງກ່າວມີເນື້ອໃນຄົບຖ້ວນສົມບູນ ແລະ ຮັດກຸມແທດເໝາະກັບຕົວຈິງຂອງປະເທດ ແລະ ເຫັນດີຮັບຮອງເອົາກົດໝາຍສະບັບດັ່ງກ່າວດ້ວຍຄະແນນສຽງສ່ວນຫຼາຍ.

ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໄດ້ສະເໜີຮ່າງກົດໝາຍສະບັບດັ່ງກ່າວ ຕໍ່ກອງປະຊຸມວ່າ: ຮ່າງກົດໝາຍສະບັບນີ້ ປະກອບມີ 13 ພາກ, 12 ໝວດ ແລະ 95 ມາດຕາ. ສ່ວນຈຸດປະສົງໃນການສ້າງກົດໝາຍສະບັບນີ້ ເພື່ອໃຫ້ວຽກງານໃຫ້ວັກຊີນກັນພະຍາດ ໄດ້ຮັບການຄຸ້ມຄອງດ້ວຍກົດໝາຍຕາມແນວທາງພັກ ແລະ ນະໂຍບາຍຂອງລັດ ກ່ຽວກັບການສ້າງລັດໃຫ້ເປັນລັດທີ່ປົກຄອງດ້ວຍກົດໝາຍ, ການເຊື່ອມໂຍງສາກົນ ແລະ ການຮ່ວມມືລະຫວ່າງບັນດາປະເທດໃນພາກພື້ນ ແລະ ທົ່ວໂລກ ເພື່ອເຮັດໃຫ້ການຄຸ້ມຄອງ ແລະ ການພັດທະນາວຽກງານໃຫ້ວັກຊີນກັນພະຍາດມີປະສິດທິພາບ ແລະ ປະສິດທິຜົນ, ແນໃສ່ປົກປ້ອງສຸຂະພາບ, ຊີວິດ ແລະ ຊັບສິນຂອງປະຊາຊົນບັນດາເຜົ່າ ໃຫ້ພົ້ນຈາກຜົນຮ້າຍຂອງພະຍາດ ທີ່ສາມາດກັນໄດ້ດ້ວຍວັກຊີນ, ເພື່ອເປັນໃຫ້ການເຄື່ອນໄຫວວຽກງານໃຫ້ວັກຊີນກັນພະຍາດ ໄດ້ຮັບການຈັດຕັ້ງປະຕິບັດຢ່າງທົ່ວເຖິງ, ເປັນລະບົບ, ຕໍ່ເນື່ອງ ແລະ ຍືນຍົງ. ນອກນີ້, ເພື່ອເປັນບ່ອນອີງໃຫ້ຂະແໜງສາທາລະນະສຸກ ແລະ ຂະແໜງ ການອື່ນທີ່ກ່ຽວຂ້ອງໃນການປະສານສົມທົບ, ການມີສ່ວນຮ່ວມ ແລະ ເປັນເຈົ້າການຂອງທຸກພາກສ່ວນໃນສັງຄົມ ຮັບປະກັນໃຫ້ພົນລະເມືອງລາວທຸກຄົນ, ຄົນຕ່າງດາວ ແລະ ຄົນຕ່າງປະເທດ ທີ່ກໍາລັງດໍາລົງຊີວິດຢູ່ໃນລາວ ໂດຍບໍ່ຈໍາແນກຊົນເຜົ່າ, ເພດ, ໄວ, ເຊື້ອຊາດ, ສັນຊາດ, ສາສາໜາ, ຖານະທາງດ້ານເສດຖະກິດ-ສັງຄົມ ລ້ວນແຕ່ມີສິດໄດ້ຮັບວັກຊີນກັນພະຍາດ, ຂໍ້ມູນ-ຂ່າວສານ, ຄໍາແນະນໍາກ່ຽວກັບການໃຫ້ ແລະ ຮັບວັກຊີນກັນພະຍາດ.

ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່ - Wave100S AD to Website 2020 0 - ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່

ເມື່ອກົດໝາຍສະບັບນີ້ ຖືກຮອງຮັບ ແລະ ປະກາດໃຊ້ແລ້ວ ຈະເປັນບ່ອນອີງອັນສໍາຄັນພື້ນຖານ ໃນການຈັດຕັ້ງປະຕິບັດການໃຫ້ວັກຊີນກັນພະຍາດ ໃຫ້ໄດ້ຮັບການຄຸ້ມຄອງ, ຕິດຕາມ, ກວດກາ, ຖືກຕ້ອງຕາມແນວທາງນະໂຍບາຍຂອງພັກ ສອດຄ່ອງກັບການພັດທະນາເສດຖະກິດ-ສັງຄົມ ແຕ່ລະໄລຍະຂອງລາວ ແລະ ສອດຄ່ອງກັບພັນທະສາກົນ, ຈະເຮັດໃຫ້ ການໃຫ້ວັກຊີນກັນພະຍາດ ສາມາດຈັດຕັ້ງປະຕິບັດໄດ້ຢ່າງຄ່ອງຕົວ, ມີຄວາມປອດໄພ, ມີຄຸນນະພາບ, ມີປະສິດທິພາບ ແລະ ປະສິດທິຜົນ, ເຮັດໃຫ້ຊຸມຊົນມີຄວາມເຊື້ອໝັ້ນ, ເປັນເຈົ້າການ ແລະ ມີສ່ວນຮ່ວມຢ່າງຫ້າວຫັນ ໃນການມາຮັບວັກຊີນກັນພະຍາດໃຫ້ຄົບຖ້ວນ ຖືກຕ້ອງຕາມຕະລາງທີ່ກໍານົດໄວ້ ເຮັດໃຫ້ອັດຕາປົກຄຸມໃຫ້ບັນລຸໄດ້ຫຼາຍກວ່າ 95% ຂອງກຸ່ມເປົ້າໝາຍ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ, ເຮັດໃຫ້ສັງຄົມມີຄວາມສະຫງົບ ແລະ ປອດໄພຈາກການເກີດພະຍາດ, ການລະບາດຂອງພະຍາດທີ່ສາມາດກັນໄດ້ດ້ວຍວັກຊີນ.

ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່
ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່ - WhatsApp Image 2020 05 27 at 5 - ສະພາຮັບຮອງຮ່າງກົດໝາຍວ່າດ້ວຍການໃຫ້ວັກຊີນກັນພະຍາດສະບັບສ້າງໃໝ່
error: Alert: ເນື້ອຫາຂ່າວມີລິຂະສິດ !!